Yol polisi və ictimaiyyət sərxoş sürücülərə qarşı...

Tarix: 22.04.2015 / 02:54
Bölmə: Sosial

Şahin Camalov: "Bu minvalla bir sıra ölümlə nəticələnən ağır qəzaların qarşısını almaq olar"

"Yol polisinə kömək məqsədilə əlavə digər ictimai dəstək metodlarını axtarıb tapmaq lazımdır"

Azərbaycanın yol polisi vətəndaşları sərxoş sürücülərlə mübarizədə daha fəal olmağa çağırıb. Daxili İşlər Nazirliyi Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev mətbuata açıqlamasında bildirib ki, 2014-cü ilin statistikasına görə, nəqliyyat vasitəsini sərxoş vəziyyətdə idarə etdiklərinə görə 16 600 nəfər, 2015-ci ilin ilk rübü ərzində isə 4318 nəfər məsuliyyətə cəlb olunub.
Bu rəqəm sükan arxasında sərxoş vəziyyətdə oturan bütün sürücüləri əhatə etmir: "Bunlar yalnız aşkar olunanlardır. Bəlkə hələ bir o qədər də avtomobili sərxoş vəziyyətdə idarə edib aşkarlanmayan sürücülər var. Çünki onların hamısının yol polisi əməkdaşları tərəfindən aşkarlanması mümkün deyil".
K.Əliyev vətəndaşlara müraciət edərək onları sərxoş sürücülərə qarşı mübarizə məsələsində hər şeyi polisdən gözləməməyə və özlərinin fəal olmasına çağırıb: "Bəzən onların aşkarlanmasınadək elə hallar olur ki, sükan arxasına sərxoş halda oturan sürücü elə spirtli içkini qəbul etdiyi şadlıq evi, kafe və ya restoranın iki addımlığında qəza hadisəsi törədir. Belə halların qarşısının alınması üçün vətəndaşlardan xahiş edirik ki, əgər görürlərsə ki, sərxoş dostunu, qohumunu, tanışını fiziki güclə və dilə tutaraq sükan arxasına əyləşmək fikrindən daşındıra bilmirlər, təcili 102-yə və ya 902-yə zəng edərək bu barədə polisə məlumat versinlər. Vətəndaş bunu doğmasına, qardaşına, qohuma qarşı satqınlıq kimi başa düşməməlidir. Vətəndaş polisə vaxtında məlumat verməklə ən azından həmin sərxoş sürücünün həyatını xilas edə bilər".
Həqiqətən də bu məsələdə hər şey polisdən asılı deyil. Polis nə mümkündürsə onu edir. Bu işdə sürücülük mədəniyyətinin rolu böyükdür. Məsələn, 2013-cü ildə Hollandiyada baş verən avtoqəzalarda 84 nəfər dünyasını dəyişib. Ancaq həmin il Azərbaycanda baş verən avtoqəzalarda 1368 nəfər ölüb. Qəzaların baş verməsinin başlıca səbəblərindən biri də məhz içkili halda avtomobilin idarə olunmasıdır.
Maraqlıdır, sərxoş sürücülərlə mübarizədə yol polisinə ictimaiyyət nə kimi kömək edə bilər?
Məsələyə münasibət bildirən "Təhlükəsiz Yol" Alyansının koordinatoru Şahin Camalovun sözlərinə görə, mentalitet amili səbəbindən təklif olunan mübarizə metodunun Azərbaycanda işləməsi bir az çətindir: "Dünyada, xüsusən də Avropa ölkələrində belə təcrübə var. Avtomobili sərxoş idarə edən sürücülər haqda ictimaiyyət nümayəndələri qabaqcadan müvafiq orqanlara məlumat verir. Bu da müəyyən mənada öz müsbət effektini verir. Azərbaycanda belə bir metodun işləməsi bir qədər çətin görünür. Xüsusən də ilk mərhələdə. Ancaq zamanla bu məsələ öz həllini tapacaq. Problem ondadır ki, ictimaiyyət hardasa bunu pis qəbul edir. Bəziləri öz aləmində fikirləşir ki, bu "işverənlikdir". Halbuki, ictimai dəstək hesabına bu cür profilaktik tədbirlərin görülməsi sürücülərin, sərnişinlərin və eyni zamanda piyadaların təhlükəsizliyinə xidmət edir. Bu minvalla bir sıra ölümlə nəticələnən ağır qəzaların qarşısını almaq olar. İctimaiyyətin bununla bağlı dəstəyini əldə etmək əlbəttə ki, vacib məsələdir. Bununla yanaşı, hesab edirəm ki, yol polisinə kömək məqsədilə əlavə digər ictimai dəstək metodlarını axtarıb tapmaq lazımdır".

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...