Ümumdünya Səhiyyə Təşkilatı (ÜST) və ABŞ Xəstəliklərə Nəzarət və Profilaktika Mərkəzinin (CDC) yaydığı birgə hesabatda qızılca xəstələyinə yoluxmanın artacağı ilə bağlı proqnoz yayıb.
Hesabatda qeyd olunur ki, 2020-ci ildə 22 milyondan çox uşaq qızılcaya qarşı peyvəndin ilk dozasını buraxıb. Bu, 2019-cu illə müqayisədə 3 milyon nəfər çoxdur, hansı ki, son iki onillikdə ən böyük artımdır və epidemiyaların yayılması üçün təhlükəli şərait yaradır: “Uşaqların yalnız 70 faizi peyvəndin ikinci dozasını alıb ki, bu da əhalini qorumaq üçün tələb olunan 95 faizlik immunizasiya əhatəsindən xeyli azdır”.
Hesabat müəlliflərinin fikrincə, 2020-ci ildə 2019-cu illə müqayisədə 80% az hal qeydə alınsa da, dünyada qızılcaya qarşı ümumi epidemioloji nəzarət zəifləyib.
Qeyd edək ki, ÜST tez-tez bu tip məlumatlar yayaraq dünya üzərində basqını artırır. Belə tərkibli xəbərdarlıqlar insanlarda qorxu yaradır və psixoloji təsiri gücləndirir.
“Hər hansı bir xəstəliklə bağlı həyəcanlı xəbərlərin yayılması insanların psixologiyasına mənfi təsir edir”
Həkim Pərvanə Mustafayeva bildirdi ki, Azərbaycan əhalisində qızılcaya qarşı immunitet yüksəkdir: “Avropa regionu ölkələrində də vəziyyət sabitdir. Bu isə qızılcanın gətirilmə risqini aşağı salır. Ümumiyyətlə, hər hansı bir xəstəliklə bağlı həyəcanlı xəbərlərin yayılması insanların psixologiyasına mənfi təsir edir. Məlumdur ki, pandemiya dövrü əksər insanlarda müəyyən psixoloji problemlər yaradıb. Bu cür xəbərlər psixoloji həssas, panik atakdan əziyyət çəkən insanları daha da gərginləşdirir və aqressivləşdirir. Bu cür aqressiya isə cəmiyyət üçün təhlükədir”.
Həkimin sözlərinə görə, ÜST-ün qızılca ilə bağlı yaydığı həyəcanlı xəbərdən narahat olmaq lazım deyil: “Məlumdur ki, tibb müəssisələrində qızılca və məxmərəyə qarşı vaksin 12 aylıq və 6 yaşlı uşaqlara aparılır. Həmçinin, əhali arasında da qızılca və məxmərək əleyhinə peyvənd kampaniyası keçirilib. Bu kampaniyadan sonra əhali arasında bu infeksiyaya qarşı immunitet səviyyəsi yüksəlib”.
Günel CƏLİLOVA
