Dünyaya sığmayan sevginin ünvanı- Vəfa və Mehmet Aktuz. Elə insanlar var ki onlar haqda danışdıqca özün nura boyanırsan,arınırsan,saflaşırsan. Həmən ağlına gələn ilk cümlə də bu olur.”Dünya yəqin ki çoxdan,lap çoxdan dağılardı belə insanlar olmasaydı”..Biz adətən dahi şəxsiyyətlərdən danışarkən.”Onun dünyaya gəlişi bir hadisə idi”.deyirik. Bu fikrə etirazım yoxdur ,sadəcə həyatın amansız acılarını az qala bal-şəkər kimi qəbul edib yola davam edən, zorla közərən odunu alışdırıb yandıran ,qurumuş ağaca can verən, soyuq baxışları sevgiylə boğulan göz yaşlarına çevirməyi bacaran insanların gəlişini necə adlandıraq? Bəşəriyyətə nümunə ola biləcək bu ailənin nağıl kimi həyat hekayəsini qısa şəkildə anlatmağı mənəvi borc bildim.
Üç yaşlı Vəfa ailəsiylə birgə Gəncədən Rusiyaya köçür. Avtomobillərin keçməsinin yasaq olduğu ərazidə gül toplayan Vəfanı bütün həyatını kökündən dəyişəcək o müdhiş hadisə baş verir. Zibildaşıyan maşın balaca qızcığazı qəza törədərək iki ayağından məhrum edir .Saniyələrin il kimi keçən uzun ,məşəqqətli illəri başlayır. Aylarla xəstəxana çarpayısından günəşə boylanan Vəfa ayaqlarına öncə ağrıyla boylansa da zaman-zaman vərdiş etdi , həm də üsyan etmədən. Bu ağrının yeri qaysaqlanmamış az sonra qardaşı hovuzda boğularaq ailəni də balaca Vəfanı da bir daha sarsıdır. Bu hadisədən sonra ailə doğma el-obasına- Gəncəyə qayıdır. Bir dəfə oxumuşdum ki alimlər uzun illərin təcrübəsinin nəticəsi kimi belə bir fikri təsdiqləyiblər “İnsan əsil xarakterini ,simasını və mənəvi çəkisini həyatın zor,çətin günlərində açır”. İllər öz axarıyla keçirdi. Vəfa artıq tələbə idi. Səhhətiylə bağlı yolu tez-tez Türkiyədən keçirdi. Yeni bir sınaq,yeni bir imtahan. Ancaq bu dəfə Tanrının sınağına təkcə Vəfa yox ilk baxışdan içində bir təlatüm yaradan Mehmet Akduzun da sınağı idi.Fikrində qəti idi,Vəfayla ailə qurmaq. Mehmet Vəfaya Tanrı qarşısında ömrünün sonuna qədər bir vəfa andı verdi və bu sədaqət andının bəhrəsidir ki isti ailə yuvasında iki gözəl qız övladı böyüyür. Forma dəyişsə də məzmun eyni idi.. Çətinliklər,sınaqlar,kənardan soyuq baxışlar...Hər ikisi bilirdi ki bu ,çətinliklər bitməyib və bitməyəcək. Ancaq vacib olan əlac var. Sevgi,səmimiyyət,qarşılıqlı anlaşma. Vəfa Akduz xanım illərdir ictimai siyasi həyatda çox fəaldır. “Gülüsran” Kimsəsiz Uşaq və Qadlnlara Yardlm” ictimai birliyinin sədridir .Qadın problemlərindən tutmuş qazilərin sağlıq ,sosial məsələrinin çözülməsində daim onların yanındadı. Bir-birindən maraqlı ,əhəmiyyətli layihələr Vəfa xanımı gün-gündən həyata daha çox bağlayır. İndi bu sətrləri oxuduqca əminəm ki deyəcəksiz “Bəs nədən içində bu qədər həyat eşqi,qurub-yaratmaq eşqi ,insanlara yardım etmək üçün dünyanın o biri başına hər an getməyə hazır olan belə bir xanım millətin elçisi olmasın?” Bildiyim qədəriylə növbəti seçkilərdə Vəfa xanım bu həyatın imtahanı qarşısında özünü sınayaqcaq. Gəlin biz xeyr-duamızı verək. Əminəm ki Vəfa Akduz zərif çiynlərini həyatının baş qəhramanı ər oğlu ər Mehmet Akduzla və bir –birindən gözəl,ağıllı balalarıyla ,ona etimad edən xalqıyla bərabər hələ dünyamızın sağlam,firavan olması üçün çox işlər görəcək!
Jalə CƏFƏROVA
