18/09/2020 21:31
728 x 90

Məcburi köçkünlərə pulsuz evlər bu il də sosial rifaha dəstəyin prioritetlərindən biri olacaq – Prezident sözü...

Rüfət Quliyev: “Məcburi köçkünlər dövlət qayğısı ilə əhatə olunublar”

img

Azərbaycanda həyata keçirilən sosial-iqtisadi inkişaf proqramlarının uğurlu icrasını hər bir vətəndaş öz həyatında hiss edir. Bu baxımdan qaçqın və məcburi köçkünlərə göstərilən xüsusi qayğı da böyük əhəmiyyət daşıyır.

Hər kəsə bəllidir ki, dövlət tərəfindən qaçqın və məcburi köçkünlərə, müharibədə şəhid olanların və sağlamlığını itirən şəxslərin ailələrinə xüsusi diqqət ayrılır. Son illər ərzində bu istiqamətdə çox böyük işlər görülüb.

Prezident İlham Əliyev ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirdiyi son müşavirədə də bu məsələyə toxunub.

Prezident qeyd edib ki, bu il rekord sayda məcburi köçkün ailəsi evlərlə, mənzillərlə təmin olunacaq: “Bu il bu imkandan 7 mindən çox köçkün ailəsi faydalanacaq. Bu il rekord sayda – 1 500 şəhid ailəsi, Qarabağ müharibəsi əlili mənzillərlə təmin ediləcək. Ordu sıralarında qüsursuz xidmət etmiş 400-dən çox hərbçi dövlət tərəfindən pulsuz mənzillərlə təmin olunacaq. Yəni, bütövlükdə, ən azı 9 minə yaxın ailə bu il dövlət tərəfindən mənzillərlə təmin ediləcəkdir. Bütün bu mənzillər keyfiyyətli mənzillərdir, demək olar ki, onların hamısı yeni tikilmiş binalarda yerləşir. Beləliklə, əgər biz bir ailənin üzvlərini orta hesabla beş nəfər götürsək, deməli, bir il ərzində ölkəmizdə 45 min insan dövlət tərəfindən pulsuz, keyfiyyətli mənzillərlə təmin edilir. Mən tam əminliklə deyə bilərəm ki, adambaşına düşən saya görə bu, dünyada ən yüksək nailiyyətdir”.

  • “Ölkə rəhbərinin göstərişinə əsasən, qaçqın və məcburi köçkünlərin sosial problemlərinin həll olunması üçün hər il onlara mənzil verilir”

Millət vəkili Rüfət Quliyev bildirdi ki, məcburi köçkünlər dövlət qayğısı ilə əhatə olunublar: “Vaxtilə mövcud olan çadır şəhərcikləri tamamilə ləğv olunub, orada yaşayanlar müasir tələblərə cavab verən qəsəbə və şəhərciklərə köçürülüblər. Vaqonlarda yaşayan məcburi köçkünlər də evlə təmin olunublar. Ümumilikdə, əhalinin bu kateqoriyasından olan hissəsinin mənzil-məişət şəraitinin yaxşılaşdırılması, sosial-iqtisadi problemlərinin həlli, məşğulluğunun təmin edilməsi dövlətin daim diqqət mərkəzindədir. Prezident İlham Əliyev Azərbaycana rəhbərlik etdiyi 2003-cü ildən məcburi köçkünlər üçün onlarla şəhərcik, qəsəbə salınıb. Ölkədə həyata keçirilən dövlət siyasətinin əsas istiqamətlərindən biri də bu qəbildən olan soydaşlarımızın sosial problemlərinin həllidir”.

Həmsöhbətimiz onu da əlavə etdi ki, ölkə rəhbərinin göstərişinə əsasən,  qaçqın və məcburi köçkünlərin sosial problemlərinin həll olunması üçün onlara hər il mənzil verilir. Cari ilin sonuna kimi çoxlu bu qəbildən olan vətəndaş sevinəcək. Onlara mənzil veriləcək.

Prezident İlham Əliyev və Birinci vitse-prezident Mehriban Əliyeva mütəmadi qaydada məcburi köçkünlərlə görüşürlər: “Həmin görüşlər, orada verilən mesajlar məcburi köçkünlərdə ruh yüksəkliyi yaradır və onların öz doğma yerlərinə qayıtmağa olan ümidlərini artırır”.

Son olaraq bildirək ki, Azərbaycan dövləti qaçqın və məcburi köçkün həyatı yaşayan vətəndaşlarına hərtərəfli qayğı və diqqət göstərir, onların problemlərinin həllini daim diqqət mərkəzində saxlayır. Odur ki, məcburi köçkünlər bu diqqətdən, bu qayğıdan həmişə razılıqla danışırlar. Ancaq onların ən böyük istəyi öz doğma yurd-yuvalarına qayıtmaqdır.

Günel CƏLİLOVA

Son xəbərlər