19/09/2020 23:01
728 x 90

5 milyon insana 3,5 milyard manat sosial dəstək – Azərbaycanda dövlət bu addımı atmasaydı...

Rüfət Quliyev: “Pandemiya başlanandan Prezident İlham Əliyevin prioritet tədbirləri sırasında ilk olaraq əhalinin sağlamlığı, rifahı və məşğulluğu dayanır”

img

Prezident İlham Əliyevin rəhbərliyilə ölkədə koronavirus (COVID-19) pandemiyasına qarşı genişmiqyaslı tədbirlər görülməklə, məşğulluğa və sosial rifaha dəstək məqsədilə fəal siyasət aparılır.

Dövlət başçısının 19 mart 2020-ci il tarixli Sərəncamının icrası ilə bağlı təsdiqlənən Tədbirlər Planında məşğulluğa və sosial rifaha dəstək məqsədilə 4 istiqamət üzrə 12 tədbir əksini tapıb. Məlumat üçün bildirək ki, 17 apreldə Azərbaycan Prezidenti tərəfindən elan edilən yeni dəstək tədbirləri ilə bu məqsədlər üçün 600 milyon manat vəsait ayrılıb. Ümumilikdə, Tədbirlər Planı üzrə ayrılan vəsait təqribən 3,5 milyard manatdır. Pandemiya ilə əlaqədar sosial dəstək tədbirləri təqribən 5 milyona yaxın vətəndaşı əhatə edir.

Qeyd etdiyimiz kimi, pandemiya dönəmində 5 milyona yaxın vətəndaşa yardım edilib. Onların sosial-iqtisadi vəziyyətinin yaxşılaşması üçün lazımi işlər görülüb və görülməkdədir.

Maraqlıdır, əgər pandemiya dövründə insanlara yardım edilməsəydi, onların vəziyyəti necə olacaqdı?

  • ...bu gün başqa təhlükəli vəziyyət yarana bilərdi”

Millət vəkili Rüfət Quliyev qeyd etdi ki, Azərbaycanda bu virusun daha geniş yayılmasının qarşısının alınması istiqamətində görülən işlər uğurlu nəticələr verib. Azərbaycanda vəziyyət nəzarət altındadır. Əgər bu addımlar vaxtında atılmasaydı və düşünülmüş strategiya çərçivəsində məhdudlaşdırıcı rejim tətbiq edilməsəydi, bu gün başqa təhlükəli vəziyyət yarana bilərdi. Azərbaycan dövlətinin əsas məqsədi ondan ibarətdir ki, insanlarımız bu xəstəliyə yoluxmasın, vətəndaşlarımızın sağlamlığı qorunsun və bu virusun yaratdığı fəsadlar aradan qaldırılsın. Həmçinin, insanların sosial durumunda da problemlər yaşanmasın.

Həmsöhbətimiz onu da əlavə etdi ki, Azərbaycan Prezidentinin sosial layihələri həmişə vətəndaşların sosial rifahının yaxşılaşmasına istiqamətlənib: “Bu siyasəti təkcə pandemiya dövrünə aid etmək olmaz. Azərbaycan hökumətinin apardığı iqtisadi, sosial islahatlar vətəndaşın güzəranının yaxşılaşmasına yönəlib. Ona görədir ki, Azərbaycanda yoxsulluq aradan qaldırılır, yeni iş yerləri açılır. Bir sözlə, əhalinin günü-güzəranı get-gedə yaxşılaşır”.

Milləv vəkili onu da əlavə etdi ki, pandemiya başlanandan Prezident İlham Əliyevin prioritet tədbirləri sırasında ilk olaraq əhalinin sağlamlığı, rifahı və məşğulluğu dayanır: “Bu məqsədlə böyük məbləğdə vəsait ayrılıb. Məşğulluğa, sosial rifaha dəstək məqsədilə 4 istiqamət üzrə 12 paket reallaşdırılıb. Prezident tərəfindən elan edilən yeni dəstək tədbirləri ilə 5 milyona yaxın vətəndaşı əhatə edən məşğulluq, sosial rifah istiqamətinə təqribən 3,5 milyard manat vəsait ayrılıb. Pandemiyadan ən çox zərər çəkən sahələrdə işləyən insanların əməkhaqlarının əhəmiyyətli hissəsi dövlət tərəfindən qarşılanıb. Dövlət sektorunda 910 min işçidən karantin dövründə təxminən 80 faizi işə çıxmasa da, onların əməkhaqqı ödənilib, bununla yanaşı, özəl sektorda pandemiyadan zərər çəkmiş sahələrdə işləyən 600 min nəfərə dövlət dəstəyinin göstərilməsi tapşırığı verilib və artıq 320 min şəxs bu dəstəkdən yararlanıb. Həmçinin, 2 milyon vətəndaşa sosial təminat növləri üzrə ödənişlərin davamlılığının təmin edilməsi bir daha dövlətimizin humanist mahiyyətini, onun siyasətinin mərkəzində Azərbaycan vətəndaşının dayandığını sübut edir”.

Son olaraq qeyd edək ki, koronavirus pandemiyasının mənfi təsirlərini azaltmaq məqsədilə aparılan genişmiqyaslı tədbirlər öz nəticələrini verir. Bu istiqamətdə hər hansı bir iş görülməsəydi, o zaman əhalinin maddi vəziyyəti sıfıra enərdi.

Günel CƏLİLOVA

Son xəbərlər