19/09/2020 22:29
728 x 90

Çimərliklərdə yoluxma risqi kütləvi toplantılardan daha çoxdur – Türkiyə həkimlərinin sensasiyalı qənaəti...

Cəlal İsayev: “Dəniz suyunda virusun qalma ehtimalı yoxdur”

img

Ölkəmizdə yeni növ koronavirusla mübarizə davam edir. Son günlərin statistikalarına əsasən deyə bilərik ki, müalicə olunaraq sağalan xəstələrin sayı virusa yoluxanlardan 2 dəfə çoxdur. Ölüm sayı da azalır.

Bütün azalan statistikalara nəzər saldıqda hazırda davam edən sərt karantin rejiminin, həkimlərimizin əməklərinin, onların güclü iş rejiminin nəticəsini danmaq olmaz.

Virusa yoluxanların sayının azalması karantin rejiminin nisbətən yumşaldılmasına səbəb oldu. Belə ki, yeni qərara əsasən, avqustun 5-dən etibarən insanlar çimərliklərə buraxılır.

Çimərliklərin açılması ilə dəniz suyu vasitəsilə koronavirusun yayılıb-yayılmayacağı sualı insanları narahat edir. Yerli mütəxəssislərin fikrincə, dəniz suyu ilə koronavirusun yayılması mümkün deyil.

Ancaq türkiyəli həkimlər isə bunun əksini düşünürlər. Belə ki, türkiyəli professor, tibb elmləri doktoru, tanınmış ictimai xadim İbrahim Öztək media nümayəndələrinə açıqlamasında qeyd edib ki, çimərliklərdə sosial məsafənin qorunması və maska taxmaq mümkünsüzdür: “Zənnimcə, Ümumdünya Səhiyyə Təşkilatı ən qısa zamanda çimərliklər üçün xüsusi bir tövsiyə hazırlamalıdır. Maska ilə suya girmək mümkünsüzdür. İnsanlar heç bir halda belə etmirlər. Digər tərəfdən, çimərlik sahilləri daim küləklidir. Həzin meh belə nəfəs yollarından ayrılan virusu sürətlə ətrafa yayır. Xəstə insanların bədənindən ayrılan su damcıları yoluxma mənbəyidir. Bu məkanda yoluxma risqini artıran bir neçə ciddi məqam var. Bütün bunlar deməyə əsas verir ki, çimərliklərdəki yoluxma risqi digər kütləvi toplanma yerlərindən daha yüksəkdir”.

  • “Dəniz suyu vasitəsilə kiminsə koronavirusa yoluxma ehtimalı...

Türkiyəli həkimin fikrinə münasibət bildirən ölkənin baş infeksionisti Cəlal İsayev isə bildirdi ki, dəniz suyunda virusun qalma ehtimalı yoxdur: “Dəniz suyu vasitəsilə kiminsə koronavirusa yoluxma ehtimalı yox dərəcəsindədir. Amma dənizə gedərkən qaydalara əməl etmək lazımdır. Hazırda yoluxma sayında bir qədər stabilləşmə var, amma bunu qorumaq üçün qaydalara əməl etmək vacib şərtdir. Buna əməl edəriksə, stabilləşmə davamlı olar və növbəti dalğa olsa belə, bunu nəzarət altında saxlamış olarıq. Xəstəlik nəzarətdən çıxarsa, yoluxmada kəskin artım olacaq. Hamımız bir olub bu xəstəliyə qarşı mübarizə aparmalıyıq. Xüsusən çimərliklərin açılmasından sonra daha diqqətli olmaq, ara məsafəsini gözləmək lazımdır”.

Həmsöhbətimizin dediyindən belə aydın oldu ki, çimərliklərin açılması çox təbiidir. Karantin qaydalarına, ara məsafəsinin qorunmasına əməl edilsə, bunun heç bir fəsadı olmayacaq.

Günel CƏLİLOVA

Son xəbərlər