14/08/2020 20:20
728 x 90

Sərt karantinə təkrar qayıdan ölkələr Azərbaycanın düz yolda olduğunu bir daha sübut etdilər - İngiltərə...

Əkbər Qoşalı: “İngiltərə karantini yumşaltmışdı, indi yenidən sərt karantin rejiminə geri dönməyi planlaşdırır”

img

Pandemiyanın yayıldığı bir çox Avropa ölkəsində karantin qaydalarının vaxtından tez yumşaldılması, iş yerlərinin erkən açılması bir sıra fəsadlara səbəb olub. Bu gün həmin ölkələrin çoxu karantin qaydalarının vaxtından tez yumşaldılmasından ciddi əziyyət çəkir. Bu dövlətlərin əksəriyyətinin erkən yumşaldılmaya getməsi həmin ölkələrin pandemiya dövründə iqtisadiyyatına dəyən zərərlə bağlı idisə, bu gün həmin ölkələrdə onlarla şəxs həyatını itirir.

Britaniya hökuməti də yumşaldılmaya erkən getmişdi, lakin yayılan məlumatlara görə, koronavirusa yeni yoluxma hallarının artması ilə əlaqədar Britaniya hökuməti karantinin yumşaldılmasının növbəti mərhələsini dayandırıb.

Böyük Britaniyanın Baş naziri Boris Conson deyib ki, biz virusu nəzarətdə saxlamaq üçün əyləcə basmalıyıq. “Avqustun 1-dən yoluxma risqi böyük olan bir sıra müəssisələri açmağı düşünürdük. Lakin mən qeyd etməliyəm ki, biz hazırkı dəyişikliyi ən azı ikihəftəlik təxirə salmağa məcburuq”, - deyə Baş nazir bildirib”.

Qeyd edək ki, yumşaldılmanın növbəti mərhələsi avqustun 1-dən başlamalı idi. Bolinq və kazino zalları açılmalı, qapalı müəssisələrdə bir sıra tədbirlərin keçirilməsinə icazə verilməli idi.

Xatırladaq ki, buna qədər hökumət mart ayının 23-dən tətbiq edilən karantin rejiminin yumşaldılması ilə bağlı qərarları ləğv etməyib. Bir çox ölkənin karantin rejimini vaxtından tez yumşaltmasının acı nəticələri Azərbaycanın pandemiya ilə mübarizənin ilk günündən doğru yol tutduğunu deməyə əsas verir. Azərbaycanda hələ də sərt karantin rejimi davam edir, iş yerlərinin çoxu fəaliyyətini müvəqqəti olaraq dayandırıb, fəaliyyətdə olan müəssisələr və idarələrin isə yalnız 20-30 faiz əməkdaşı işə çıxır. Bir sözlə, ölkəmizdə tətbiq edilən bütün qaydalar onu göstərir ki, Azərbaycan dövləti öz vətəndaşının sağlamlığını, rifahını düşünür və  bu səbəbdən də karantini uzadır.

  • “Ümumən dünyada qlobal təcridolunma yaşansa da, informasiya məkanı açıqdır və xarici ölkələrdə nələr baş verdiyini öyrənə, müqayisələr apara bilirik”

Milli QHT Forumu İdarə heyətinin üzvü Əkbər Qoşalı baki-xeber.com-a bildirdi ki, Azərbaycan, həmişə olduğu kimi, pandemiya ilə mübarizədə də dünya üçün bir örnəyə çevrilib.

“Ard-arda uzadılan, şərtləri və coğrafiyası dəyişikliyə uğrayan koronavirus karantininin hazırkı mərhələsi 5 avqustda başa çatır. Çox şükürlər, artıq sağalmalar yoluxmaları böyük fərqlə üstələyir. Son rəsmi məlumatda koronavirus infeksiyasına 318 yeni yoluxma faktı qeydə alınarkən, 714 nəfərin müalicə olunaraq sağaldığı bildirildi. Ötən müddət ərzində, ümumilikdə, 724953 test aparılıb, indiyədək ölkəmizdə koronavirus infeksiyasına yoluxması müəyyən edilmiş 31878 nəfərdən 25882 nəfər müalicə olunaraq sağalıb, hazırkı aktiv xəstə sayı isə 5548 nəfərdir. Mövcud imkanlarla müalicə işinin təşkili ilə yanaşı, yeni modul tipli xəstəxanalar istifadəyə verilir, digər zəruri kompleks tədbirlər görülür. Deməli, koronavirus üzrə görülən işlər düşünülmüş şəkildə, “yüz ölçüb, bir biçmək”lə, elmi yanaşmanın tətbiqi ilə baş tutur. Məhz bu məcburi tətbiqetmələr – hərəkətin məhdudlaşdırılması, bir sıra müəssisələrin çalışmaması, evdən çıxışın icazə ilə olması və sair tədbirlər əhalinin təhlükəsizliyinin təmini, yoluxma faizinin minimuma endirilməsi üçündür. Bir də axı ümumən dünyada qlobal təcridolunma yaşansa da, informasiya məkanı açıqdır və xarici ölkələrdə nələr baş verdiyini öyrənə, müqayisələr apara bilirik. Məsələn, qosqoca İngiltərə karantini yumşaltmışdı, indi yenidən sərt karantin rejiminə geri dönməyi planlaşdırır. Elə bizim özümüzdə də bir ara karantin ən yumşaq şəklə keçirilsə də, yoluxmaların sürətlə artımı bizi geri addım atmağa vadar etmədimi?”

Ə.Qoşalının sözlərinə görə, açığı, müəyyən versiyalar səslənsə də, 5 avqustdan sonrakı karantin rejiminin və yeni dönəmin necə olacağı önəmli dərəcədə bizlərin özümüzü necə qoruyacağımıza, sadə qaydalara necə əməl edəcəyimizə bağlıdır. “Mən bu sadə qaydalara “3M” deyirəm: məsafə, maska, mədəni gigiyena. Ümidvaram, çox da istəyirəm, 5 avqustda karantin rejimi önəmli dərəcədə yumşaldılsın; amma ölümcül infeksiyaya yoluxanların olmaması, infeksiyadan ölənlərin heç olmamasını daha çox istəyirəm. Necə deyərlər, məşhur kəlamda ifadə olunduğu kimi – qadağaların əleyhinə deyiləm, sağlamlığın lehinəyəm. Xalqımız, dövlətimiz, vətənimiz zaval görməsin!” - deyə Ə.Qoşalı vurğuladı.

İradə SARIYEVA

Son xəbərlər