Bütün dünyanı təhlükədə saxlayan, əsrin ən dəhşətli bəlası olan koronovirus pandemiyası öz ağlasığmaz fəsadlarını şiddətli şəkildə göstərir. Dünyanın bir parçası olan, öz dinamik inkişafı sayəsində böyük dövlətlərlə adı bir sırada çəkilən Azərbaycanda bu, gözə görünməz düşmənlə üz-üzədir.
İlk gündən ölkə rəhbərin öz xalqının yanında olması, virusun qarşısını almaq məqsədilə gördüyü təxirəsalınmaz tədbirlərin səmərəsi gözəl alındı. Xüsusən ucqar dağ rayonu Lerikdə dövlətin bütün tələblərinə düzgün əməl olunmaqla bu virusa indiyə kimi yoluxan olmayıb. Həm də dağlar diyarının tibb işçiləri bu pandemiya dövründə rayon əhalisinin sağlamlığını daim nəzarət altında saxlayırlar.
Lerik Rayon MərkəziXəstəxanası publik-hüquqi şəxsin direktoru, tibb üzrə fəlsəfə doktoru, “Səhiyyə əlaçısı” Mübariz Ağayev öz işini çox gözəl bilir, onu vicdanla yerinə yetirir. Onun rəhbərliyi altında çalışan tibb işçiləri həkimlik peşəsinin müqəddəsliyinə tapınmaqla rayon əhalisinə nümunəvi xidmət göstərirlər. Söhbət əsasında Mübariz Ağayev dedi: - Koronovirus pandemiyasının başlanğıc mərhələsindən tutmuş hazırki dövrə qədər bu öldürücü virusun insanların sağlamlığına xətər yetirməməsi üçün Prezident İlham Əliyev başda olmaqla dövlət üzərinə düşən bütün vəzifələri çox yüksək səviyyədə həyata keçirir. İndi öz sağlamlığını qorumaq vətəndaşlardan da çox aşlıdır. Dövlətin qoyduğu tələblərə riayət etməklə bu “taclı” düşmənin əlində qurtulmaq olar. Lerik rayonunda olan vəziyyət bunu tam aydın şəkildə göstərir. Burada indiyə qədər heç bir yoluxmaya, eləcə də ölüm halına rast gəlinməyib. Hər bir lerikli ölkə başçısının “Biz birlikdə güclüyük” devizinə əsaslanıb sanitar-epidemioloji qadağalarını bir an belə unutmur. Burada maska taxmaq, sosial məsafə saxlamaq, yuyunma qaydalarına tövsiyə olunan şəkildə əməl etmək insanların həyat tərzinə çevrilib. Leriklilər gözəl başa düşürlər ki, pandemiyanın dünyaya ölüm saçdığı hazırkı vaxtda ölkə rəhbərliyin bütün gördükləri yalnız onların sağlamlığı üçündür.
COVID-19 pandemiyasının tezliklə sönüb getməsi üçün ən ağır yük həkimlərin üzərinə düşür. Bizim tibb işçiləri də öz peşə borcuna sadiq qalmaqla sözün əsl mənasında insanların sağlamlığı naminə fədakarlıqla mübarizə aparırlar. Həkimlər dövlətin qoyduğu karantin rejiminin tələblərinə ciddi şəkildə əməl etməklə rayon sakinlərində yarana biləcək xəstəliyin qarşısını almaq məqsədilə profilaktik tədbirlərini vaxtında görürlər. Hər hansı bir xəstəlikdən özünü narahat hiss edən Lerik sakinin təcrübəli həkimlər tərəfində müayinə olunur və vaxtında effektli müalicə alır. Bununla bir növ həkimlərimiz virusun yayılma sürətinə sədd çəkirlər.
Axırda onu da deyim ki, bizim xalqa bağlı olan müdrik rəhbərimiz vardır. Onunla millət heç vaxt darda qalmaz. Prezidentimiz atdığı düşünülmüş addımlarla koronovirusa da qalib gəlmək əzmindədir. Görülən tədbirlərin müsbət nəticəsi göstərir ki, ölkəmiz bu bəladan tezliklə az itkilərlə çıxıb, dünya ölkələrinə nümunə olacaq”.
Hazırladı: Zəfər ORUCOĞLU, Azərbaycan Jurnalistlər Birliyinin üzvü.
