12/08/2020 00:10
728 x 90

Bakıda antipandemiya qaydalarının icrasına polisin nəzarət mexanizminin dəyişməsi bir neçə istiqamətdə ictimai-dövlət faydaları gətirəcək...

Şəmsəddin Əliyev: “Bu, çox vaxtında verilmiş bir qərardır”

img

Məlum olduğu kimi, Azərbaycanda tətbiq edilmiş xüsusi karantin rejimi ilə əlaqədar, Bakı şəhərinin giriş və çıxışları istisna olmaqla, küçə və prospektlərdə quraşdırılmış xüsusi polis postları iyul ayının 2-dən ləğv edilib. Buna səbəb şəhərdaxili yollarda avtonəqliyyatın hərəkətinin intensivliyinin təmini, sərtləşdirilmiş xüsusi karantin rejiminə nəzarətə daha çox əməkdaşın cəlb edilməsidir.

Daxili İşlər Nazirliyindən bildirilib ki, bundan sonra şəhərdəki bütün qapalı məkanlarda vətəndaşlarımızın karantin rejimindən irəli gələn tələblərə, xüsusilə tibbi maskadan istifadə və sosial məsafənin gözlənilməsinə mütləq qaydada riayət etmələrinə nəzarət daha da gücləndiriləcək. Küçə və prospektlərdə, eləcə də şəhərdaxili məhəllələrdə piyada patrul naryadlarının sayı artırılacaq, nəqliyyat vasitələrinin hərəkətinə müvafiq icazənin olub-olmaması isə videomüşahidə kameraları ilə müəyyən ediləcək. Həyata keçirilən bütün tədbirlər əhalinin təhlükəsizliyinin təmin edilməsi və onların sağlamlığının qorunmasına xidmət edir. Ona görə də vətəndaşlarımızdan xüsusi karantin rejimindən irəli gələn tələblərə mütləq riayət etmələri tələb olunur.

Bütövlükdə, polisin pandemiyaya yeni nəzarət qaydaları çox yaxşıdır. Çünki sözügedən yeniliklər sayəsində həm hərəkətə maneçilik olmayacaq, həm də maska və məsafə məsələsinə ciddi nəzarət olacaq.

Maraqlıdır, bəs ekspertlər bunun əhəmiyyətini necə dəyərləndirirlər?

  • “Hərəkətin intensivliyi artacaq, tıxaclar xeyli azalacaq”

Məsələyə münasibət bildirən “Polisə Dəstək” İctimai Birliyinin rəhbəri Şəmsəddin Əliyevin sözlərinə görə, sözügedən qərar mühüm əhəmiyyət kəsb edir: “Bu, çox vaxtında verilmiş bir qərardır. Əslində, sözügedən postlar həm vətəndaşların, həm də polislərin vaxt itkisinə səbəb olurdu. Saatlarla polis əməkdaşları yoxlama, təftiş vəziyyətini həyata keçirirdilər. Bu da nəqliyyatın hərəkətində intensivliyin aşağı düşməsinə gətirib çıxarırdı. Nəticədə saatlarla tıxac yaranırdı. Ancaq bundan sonra hərəkətin intensivliyi artacaq, tıxaclar xeyli azalacaq. Bu baxımdan məlum qərar alqışlanmalıdır. Ancaq bu o demək deyil ki, karantin qaydaları yumşaldılır və bu səbəbdən vətəndaşlar maska taxmamalıdır. Təbii ki, bu belə deyil. Əksinə, rejim qaydaları bir az da sərtləşir. Vətəndaşlar yalnız və yalnız maska ilə küçəyə çıxmalıdırlar. Maskasız olan şəxslər cərimələnəcək. Bütün hallarda, buna çevik reaksiya veriləcək. Nəqliyyatın intensiv hərəkət etdiyi yerlərdə postlar yığışdırılsa da, məhəllələrdə patrul xidməti gücləndiriləcək. Yəni kimsə bundan sui-istifadə etməməlidir”.

Müşahidələr göstərir ki, məlum qərar ictimaiyyət tərəfindən böyük rəğbətlə qarşılanır. Çünki yay fəslində yoxlamalarla əlaqədar hərəkətin intensivliyinin aşağı düşməsi insanlar üçün müəyyən çətinliklər yaradırdı.

Vidadi ORDAHALLI

Son xəbərlər