11/07/2020 23:58
728 x 90

Yuxarı mərtəbələrdən polisə gül-çiçək topalarının atılmasına sosial şəbəkələrdə kimlər və niyə narahat olub?

Könül İsmayılova: “Polislər pandemiya müharibəsinin əsgərləri və qəhrəmanlarıdır”

img

Xüsusi karantinin tətbiq olunduğu bu günlərdə Yasamal rayonunda eyvana çıxaraq, Azərbaycan polisinin şəninə mahnı oxuyan, daha sonra onlara çiçək atan “qonşular”ın fotosu sosial şəbəkə istifadəçiləri tərəfindən geniş müzakirələrə yol açıb. Əksəriyyət “qonşular”ın jestini ucuz şou adlandıraraq, bunu təşkil edənləri qınayıb.

Daxili İşlər Nazirliyinin (DİN) Mətbuat xidmətinin rəisi Ehsan Zahidov Yasamalda polisin üzərinə gül atılması məsələsinə aydınlıq gətirib. E.Zahidov qeyd edib ki, xəbər saytlarında və sosial şəbəkələrdə bir qrup gənc müğənninin paytaxtın Yasamal rayonu ərazisindəki yaşayış binalarından birinin sakinləri ilə birlikdə mənzillərin eyvanlarına çıxaraq “Yaşa Azərbaycan” mahnısını ifa etmələri və sonda həmin ərazidə xidmətdə olan polis əməkdaşlarına gül dəstələri atmalarını əks etdirən videoçarx yayıldı: “Oxucu və izləyicilərin böyük əksəriyyətinin bəyənib, təqdir etdikləri bu vətənpərvərlik nümunəsi bəzi “virtual qəhrəmanlar”ın ürəyincə olmadı. Onlar sosial şəbəkələrdə bu ifanın Daxili İşlər Nazirliyi tərəfindən təşkil olunduğunu iddia edərək, vətənpərvərlik nümunəsi göstərən gənc müğənnilərin ünvanına nəinki tənqidi fikirlər səsləndirdilər, hətta onları düşmənsayağı təhqir etməkdən belə çəkinmədilər”.

Azərbaycan uğrunda canını fəda edən polislərə xoş bir jestin edilməsi ekspertlər tərəfindən də xoş qarşılanır.

  • “Xarici ölkələrdə polisə, həkimə göstərilən münasibət vətəndaşlarımız tərəfindən təqdir olunur, ancaq öz ölkəmizdə belə bir hal baş verəndə...

Psixoloq Könül İsmayılova bildirdi ki, son aylar Azərbaycan polisi bir an belə istirahət etmədən əhalinin sağlamlığı üçün çalışır: “Polislərimizin alqışlanması təqdirəlayiq bir addımdır. Bu bir daha göstərir ki, heç kim və heç nə unudulmur. Gənc muğam ifaçılarının bu gözəl təşəbbüsünün bəziləri tərəfindən tənqid olunması düzgün deyil. Bizim çətin günlərimizdə təhlükəsizliyimizin keşiyində dayanan polislərə bu cür dəstək olmaq, həqiqətən də, insanı qürrələndirməlidir. Mahnıda da deyildiyi kimi, "Gəl, dostum, gəl, qardaşım. Bir olaq, yumruq olaq".

Həmsöhbətimiz onu da vurğuladı ki, xarici ölkələrdə koronavirusla bağlı eyvanda əcaib səs-küy çıxaranları, qonşu Türkiyədə həkimləri eyvanlarda alqışlayırlar. Xarici ölkələrdə polisə, həkimə göstərilən münasibət vətəndaşlarımız tərəfindən təqdir olunur. Ancaq öz ölkəmizdə belə bir hal baş verəndə ssenaridir deyib, keçirlər: “İnsanların düşüncə tərzi dəyişməlidir.

Nəzərə almaq lazımdır ki, həkimlər nə qədər fədakarlıq göstərirlərsə, polislər də eyni fədakarlıq göstərirlər. Hər gün 40 dərəcə istidə adamları karantin qaydalarına riayət etməyə sövq etmək asan məsələ deyil. Onlar bunu əhalini qorumaq, yoluxmanın yayılmasının qarşısını almaq üçün edirlər. Onlar pandemiya müharibəsinin əsgərləri və qəhrəmanlarıdır”.

Günel CƏLİLOVA

Son xəbərlər