Ən yaxşı silah istedadsız adamların ifşa edilməsi olardı. Çünki istedadsız adamla öz dilində danışmaq, öz əxlaqına uyğun davranmaq daha uyğundur. Təəssüflər olsun ki, sosial şəbəkə platformasında bu cür qeyri-ciddi olanlar az deyil. Müxtəlif prestijli sənət və peşə sahələrinin adı arxasında gizlənən belələri öz qeyri-əxlaqi davranışları ilə o sənətə kölgə salırlar.
Sosial şəbəkələrdə əxlaqdan kənar, tərbiyəsiz statuslar, paylaşılan normal statusların altına tərbiyəsiz, öz əxlaqına uyğun rəylər yazan “rejissor” Emil Bayramzadə adlı birisi var. E.Bayramzadə dostluğunda olan şəxslərin paylaşdıqları statusların altına əxlaqsız rəylər yazmaqla “populyar”dır. Sabun köpüyünə bənzəyən bu “populyar”lığın altında onun əxlaqdan uzaq düşüncəsi, təfəkkürü dayanır. “Facebook” səhifəsi ilə tanış olarkən onun qeyri-ciddi, lağ-lağı ruhlu, səviyyəsiz statuslarının şahidi olduq. Bu adam “rejissor” adının arxasında gizlənərək, çirkab düşüncəsini “ixrac etmək”lə məşğuldur. Trolluq edib, başqalarını təhqir edən bu insanın özünün, əslində, kim olduğunu, həqiqətən də kino, yaxud teatr rejissoru kimi ortaya hər hansı bir iş qoyduğunu görən və bilən yoxdur.
Onun kimilərin sosial şəbəkədə tərbiyəsizliyinin bu şəkildə yeni formasının sərgiləndiyini görürük. İnsan nə qədər tərbiyəsiz olmalıdır ki, qeyd edilməsini məsləhət görmədiyimiz sözlər yazsın. Amma E.Bayramzadə bunu edir, bununla da öz çirkli daxili aləmini ortaya qoyur. Sosial şəbəkə istifadəçilərinin E.Bayramzadə haqqında yazdıqları fikirlərdən belə qənaətə gəlmək olar ki, onun işi yalnız təhqir etmək, tərbiyəsizlik göstərməkdir.
Keçək “Facebook” istifadəçilərinin onun haqqındakı fikirlərinə.
Mirqafar Səlimov: “Bu insan belədir, mən onu tanıyıram.
Bunu gizlət, yaxud şikayət et”
Nuranə Abdullayeva: “Mirqafar Səlimov, bu insan mənə dil uzatmışdı, bu, normal biri deyil”.
Mirqafar Səlimov: “Nuranə Abdullayeva, yoldan keçəni, bardan, kafeden çıxanı dəvət edib serial, film çəkir. Maşennikdir”.
Samir Adıgozəlli: “Bu adam nə istəyir axı?”
Elbəy Ağayev: “Mən tanıyıram, çox keyfiyyətsiz insandır. Bu özü də bilmir kimin troludur, kimə trolluq edir”…
Sosial şəbəkə istifadəçilərinin bəzilərinin onun haqqında rəyləri ilə tanış oldunuz.
İndi isə keçək tanınmış sənət adamlarının, rejissor və aktyorlara dərs demiş tanınmış şəxslərin fikirlərinə.
Zülfiyyə Eldarqızı: “Emil Bayramzadənin adını ilk dəfədir sizdən eşidirəm”
Sənətşünaslıq üzrə fəlsəfə doktoru, uzun illər Azərbaycan Dövlət Mədəniyyət və İncəsənət Universitetində aktyorlara, rejissorlara dərs demiş (hazırda orada işləmir - İ.S), tanınmış aktrisa Zülfiyyə Eldarqızı bizimlə söhbətində qeyd etdi ki, ümumiyyətlə, o, belə bir adam tanımır: “Emil Bayramzadənin adını ilk dəfədir sizdən eşidirəm. Mən belə bir rejissor tanımıram, heç tələbələrim arasında da belə birisi olmayıb. O ki, qaldı onun sosial şəbəkələrdə “rejissor” adından istifadə edərək nalayiq hərəkətlər etməsinə, bunu qətiyyətlə pisləyirəm. Sosial şəbəkə kimlərinsə öz tərbiyəsizliyini sərgiləmək üçün vasitə deyil. Bu gün təəssüf ki, “rejissor”luq edənlər çoxdur, amma onların ortaya nə qoyduğu da məlum deyil” - deyə Z.Eldarqızı bildirdi.
Vidadi Qafarov: “Mən bu adda rejissor tanımıram, heç eşitməmişəm”
AMEA-nın Memarlıq və İncəsənət İnstitutunun “Teatr, kino və televiziya” şöbəsinin müdiri, sənətşünaslıq üzrə fəlsəfə doktoru, Azərbaycan Dövlət Mədəniyyət və İncəsənət Universitetinin dosenti Vidadi Qafarov da belə bir “rejissor” tanımadığını qeyd etdi: “Mən bu adda rejissor tanımıram, heç eşitməmişəm. Teatr rejissorudur, yoxsa kino?”.
Gördüyünüz kimi, ciddi sənət adamları, kino, teatr və televiziya üçün kadr yetişdirən insanlar E.Bayramzadəni tanımırlar. Amma sosial şəbəkə istifadəçiləri onu tərbiyəsiz, trolluqla məşğul olan, əxlaqdan kənar fikirlər yazan, hətta bar qızlarını “seriala” çəkən birisi kimi tanıyır.
İradə SARIYEVA
