11/07/2020 02:27
728 x 90

Koronavirus dövründə işçi ixtisar edən işəgötürənlərin cəzalandırılmasına dair faktlar varmı...

Sahib Məmmədov: “...müəssisənin maddi durumu işçini saxlamağa imkan verməzsə...”

img

Koronavirus pandemiyası dövründə əməkdaşlarını işdən çıxaran işəgötürənlər cəzalandırılacaq. Dövlət Əmək Müfəttişliyi Xidməti pandemiya ilə əlaqədar elan olunmuş karantin dövründə "Əmək müqaviləsi bildirişi” altsistemi üzərindən gündəlik nəzarət həyata keçirir. Məqsəd işçilərin əsassız yerə işdən çıxarılmasının, ixtisarının qarşısının alınmasıdır.  Qeyd edək ki, bununla bağlı qurum altsistem vasitəsilə dəfələrlə işəgötürənlərə izahat, məlumat, xəbərdarlıq və tövsiyə xarakterli ismarıclar, bildirişlər göndərib.

Dövlət Əmək Müfəttişliyi Xidmətinin yaydığı məlumatda qeyd olunur ki, nəzarət zamanı son günlər ayrı-ayrı işəgötürənlər tərəfindən karantin dövründə (mart və aprel aylarında) altsistemdə qeydiyyata alınmış əmək müqavilələrinin bir qisminin ləğv edildiyi,  hətta bəzən bağlanmış əmək müqaviləsinə bir gün və ya bir neçə gün sonra xitam verildiyi müşahidə olunub.

Koronavirus pandemiyası günlərində işçilərin işdən çıxarılması düzgün deyil.

Ekspertlər bildirirlər ki, ixtisar aparmaq üçün mütləq əvvəlcədən işəgötürənin əsaslandırılmış əmri olmalı, Əmək Məcəlləsinin 77-ci maddəsinə əsasən, əvvəlcədən işçiyə xəbərdarlıq edilməlidir. Yalnız bundan sonra lazımi təminatlara əməl etməklə ixtisarlar aparıla bilər.

  • “...bir neçə gün sonra həmin müqaviləyə xitam verilib”

Sosial Hüquqların Araşdırılması Birliyinin sədri Mais Əliyev təəssüf hissi ilə bildirdi ki, koronavirus dönəmində belə, işçilərin ixtisar olunması halı qeydə alınır: “Bizə edilmiş müraciətlərdə, sadəcə olaraq, adi bir xəbərdarlıq məktubu göndərilir. Məktubda qeyd edilir ki, ayın neçəsindən sizin ştatınız ixtisar olunacaq, lakin hansı səbəbdən, hansı obyektiv əsaslardan olduğu məlum deyil. Onu da qeyd edim ki, bu günlərdə bəzi işəgötürənlər tərəfindən yeni əmək müqaviləsi açılıb və bir neçə gün sonra həmin müqaviləyə xitam verilib.

Məndə olan məlumata görə, artıq işəgötürənlər həmin işçilərin ərizələrini dəyişdiriblər, sanki onların karantin dövründə verdikləri məzuniyyəti növbəti məzuniyyət kimi rəsmiləşdirməyə başlayıblar. Təbii ki, bu da düzgün deyil”

Vətəndaşların Əmək Hüquqlarının Müdafiəsi Liqasının sədri Sahib Məmmədov qeyd etdi ki, belə hallarda işçilər Əmək Müfəttişliyinə müraciət edə bilərlər: "Hər bir şirkətdə, müəssisədə yaranmış vəziyyətə görə işçilərin ixtisar edilməsi mümkündür. Biz nə qədər ixtisar etməməklə bağlı çağırışlar etsək də, müəssisənin maddi durumu işçini saxlamağa imkan verməzsə, sahibkar işçilərin sayını azaltmalı olacaq. Amma dediyiniz məqamlar olarsa, işçilər Əmək Müfəttişliyinə müraciət edə bilərlər".

Günel CƏLİLOVA

Son xəbərlər