15/07/2020 01:42
728 x 90

Koronavirus dövründə Azərbaycanı bütün dünyadan fərqləndirən növbəti fakt – muzdla işləyənlərin sayı 4,1 faiz artıb...

Əli Əlirzayev: “...xeyli sayda işçi ilə əmək müqaviləsi bağlanıb”

img

Koronavirusla əlaqədar olaraq iqtisadi fəallığın aşağı düşməsi səbəbindən bu il dünyanın əksər ölkəsində işləyənlərin sayı azalıb. Çoxsaylı iş yeri bağlandığı üçün işsizlərin sayı artıb. O cümlədən, muzdla çalışanların da sayı azalıb. Pandemiya məhz bu sektora daha çox təsir göstərib.

Ancaq dünya ölkələrindən fərqli olaraq, Azərbaycanda muzdla çalışanların sayı artıb. Statistika Komitəsinin verdiyi məlumata görə, bu ilin 3 ayında muzdla işləyən işçilərin sayı ötən ilin eyni dövrü ilə müqayisədə 65,3 min nəfər və ya 4,1% artaraq 1 646,1 min nəfər olub. Məlumata görə, onlardan 911,7 min nəfəri iqtisadiyyatın dövlət sektorunda, 734,4 min nəfəri isə qeyri-dövlət sektorunda fəaliyyət göstərib. Muzdla işləyənlərin 20,3%-i təhsil, 17,9%-i ticarət, nəqliyyat vasitələrinin təmiri, 13%-i sənaye, 8,2%-i əhaliyə səhiyyə və sosial xidmətlərin göstərilməsi, 7,5%-i tikinti, 6,9%-i dövlət idarəetməsi və müdafiə, sosial təminat, 4,6%-i nəqliyyat və anbar təsərrüfatı, 3,5%-i peşə, elmi və texniki fəaliyyət, 3,3%-i kənd təsərrüfatı, meşə təsərrüfatı və balıqçılıq, 1,8%-i maliyyə və sığorta fəaliyyəti, 13%-i isə iqtisadiyyatın digər sahələrində məşğul olub.

Görünən odur ki, dövlətin həyata keçirdiyi bir sıra proqramlar, tədbirlər iqtisadi sferada nəinki azalmanın qarşısını alıb, eyni zamanda, bu sahədə çalışanların sayı artıb. Bunun nəticəsidir ki, muzdla çalışanların sayı Azərbaycanda azalmayıb.

  • “Bütün bu görülən tədbirlər muzdlu iş yerlərinin sayının artmasına öz təsirini göstərir”

Sözügedən məsələ ilə bağlı fikirlərini “Bakı-Xəbər”lə bölüşən iqtisadçı-alim Əli Əlirzayevin sözlərinə görə, ölkədəki bu müsbət tendensiya bir sıra amillərlə bağlıdır: “Məsələ ondadır ki, son illər kölgə iqtisadiyyatının azaldılması ilə bağlı bir sıra işlər görülüb. Əmək müqaviləsi bağlayanların sayı çoxalıb. Qabaqlar muzdla çalışanlar olurdu, amma onlarla əmək müqaviləsi bağlanmırdı. İndi isə vəziyyət tamam fərqlidir. Digər tərəfdən, koronavirus pandemiyası yayılandan sonra Prezident İlham Əliyevin təşəbbüsü ilə hökumət bir sıra proqramlar hazırlayıb. 100 min ödənişli ictimai iş yeri yaradılıb və artıq bununla bağlı xeyli sayda işçi ilə əmək müqaviləsi bağlanıb. Bununla yanaşı, mövcud iş yerlərində ixtisarlar aparılmır. Dövlət bununla əlaqədar özəl sektora maliyyə yardımı göstərir. Sadəcə, məhsuldarlıq azalıb. Bu da indiki dövrdə təbiidir. Çünki xarici ticarət əlaqələri azalıb. Ona görə də görülən tədbirlər, həyata keçirilən islahatlar əhalinin mənafeyinə uyğundur. Məqsəd ondan ibarətdir ki, iş yerləri bağlanmasın. Bütün bu görülən tədbirlər muzdlu iş yerlərinin sayının artmasına öz təsirini göstərir”.

Vidadi ORDAHALLI

Son xəbərlər