21/11/2019 19:44
728 x 90

İrəvanda Njdenin heykəlinin sökülməsi Ermənistan hakimiyyətlərinə sağalmaz zərbə olacaq

Fikrət Sadıqov: “Njdenin heykəli götürülsə, o zaman ölkə daxilində ona qarşı güclü etirazlar baş verə bilər”

img

“Orada müxalif mövqedə olan müəyyən qüvvələr bu amildən Paşinyana qarşı istifadə edəcək”

Məlum olduğu kimi, Aşqabadda ötən gün keçirilən MDB sammiti zamanı əsas hadisə Azərbaycan Prezidenti İlham Əliyevin çıxışı oldu. Xəbər verildiyi kimi, gündəlikdə olan məsələ - Böyük Vətən müharibəsində qələbənin əldə edilməsinin 75 iliyi münasibətilə MDB dövlət başçılarının birgə müraciətinin hazırlanması ətrafında çıxışlar zamanı İlham Əliyev Ermənistanda faşist əlaltılarının qəhrəman kimi təqdim edilməsinə toxunub. Bildirib ki, MDB dövlət başçıları dəfələrlə faşistlərin qəhrəman obrazının yaradılmasına qarşı çıxsa da, Ermənistanın keçmiş hakimiyyəti faşist Qaregin Njdeyə abidə qoyub və Rusiya Xarici İşlər Nazirliyi də bunu pisləyib. Həmin məruzədə deyilir: “Ermənistanın keçmiş hakim Respublikaçılar partiyası millətçi təmayüllü, Üçüncü Reyxlə əməkdaşlıq etməsi haqqında məlumat olan, birmənalı siyasi mövqeyi olmayan Qaregin Njdenin xatirəsinin əbədiləşdirilməsi üçün addımlar atıb”. Ermənistanın Baş naziri Nikol Paşinyan Azərbaycan dövlət başçısının çıxışında səslənən əsaslı arqumentlərə cavab verməyə uğursuz cəhd edib və deyilənləri təkzib etməyə çalışıb. Hətta Qaregin Njde ilə Stalin repressiyalarının qurbanları, o cümlədən Aleksandr Soljenitsın arasında paralellər aparıb. Lakin Prezident İlham Əliyev ikinci dəfə söz alaraq Paşinyanın arqumentlərini darmadağın edib. Daha sonra bunları deyib: “Ona görə də mən hesab edirəm ki, ilk növbədə özünü demokratik yolla seçilmiş hesab edən yeni hakimiyyət bu ləkədən, bu rüsvayçılıqdan yaxa qurtarmalı və həmin heykəli sökməlidir”. O da məlumdur ki, sözügedən heykəl İrəvanda əvvəlki prezident Serj Sarkisyanın hakimiyyəti dövründə ucaldılıb. Demokratiyadan dəm vuran Nikol Paşinyan hakimiyyətə gələndən sonra Njdenin heykəlini sökməyib. Baxmayaraq ki, bu məsələ Ermənistana böyük utanc gətirib. Bu həm də ermənilərin faşist xislətinə malik olduqlarını göstərir. Bütün bu deyilənlərin fonunda maraqlıdır, İrəvanda Njdenin heykəli sökülsə Paşinyan hakimiyyətinə nə olacaq? Ölkə daxilində nə baş verəcək?

Məsələyə münasibət bildirən keçmiş diplomat, politoloq Fikrət Sadıqovun sözlərinə görə, Paşinyan Njdenin heykəlinin sökülməsi ilə bağlı addım atsa, bu, Ermənistan daxilində ona qarşı müəyyən etirazlara səbəb olacaq: “Paşinyan da bundan qorxur. Məsələ ondadır ki, Ermənistan cəmiyyətində və siyasi dairələrdə faşizm ideologiyasının tərəfdarı olan Njdenin tərəfdarları var. Ancaq o da bir reallıqdır ki, faşizm ideyalarını müdafiə edənləri dünya qəbul etmir. Faşizmin postsovet ölkələri üçün nə olduğunu hamı yaxşı bilir. Çünki faşizim böyük fəlakətlərə səbəb olub. Prezident İlham Əliyev məlum çıxışı ilə Paşinyana güclü zərbə vurdu. Həm siyasi, həm də diplomatik baxımdan Paşinyana ciddi zərbə oldu. Hesab edirəm ki, bu zərbədən sonra Paşinyan uzun müddət özünə gəlməyəcək. Ermənistanda faşist ideyasını dəstəkləyən insanlar çoxdur. Bu ideyadan bəhrələnən siyasi dəstələr, qruplar vardır. Paşinyan nə qədər populist olsa da, heykəl məsələsində qorxur. Njdenin heykəli götürülsə, o zaman ölkə daxilində ona qarşı güclü etirazlar baş verə bilər. Bu zaman Paşinyanın kreslosu laxlayacaq. Orada müxalif mövqedə olan müəyyən qüvvələr bu amildən Paşinyana qarşı istifadə edəcəklər. Onu da nəzərə almaq lazımdır ki, erməni cəmiyyəti faşizm xislətinə meyllidir. Baxmayaraq ki, SSRİ dönəmində ermənilər almanlara qarşı müharibədə iştirak ediblər. Hesab edirəm ki, Paşinyan həm bu qüvvələrin mövqeyini nəzərə alır, həm də özü də faşizm ideyasına rəğbət bəsləyir. Çünki o axmaq çıxışında bildirdi ki, Njde Türkiyəyə qarşı vuruşurdu. Kimə qarşı vuruşursansa-vuruş, sən hərbi cinayətkarsansa, faşist rejimi ilə əməkdaşlıq edirsənsə, o zaman cinayətkarsan”.

Vidadi ORDAHALLI

Son xəbərlər