Türkiyənin öz sərhədlərinin təhlükəsizliyini qorumaq üçün Suriyanın şimal-şərqində hərbi əməliyyatlar keçirməsi bütün ermənilərin katolikosu II Qareginin əsassız narahatlığına səbəb olub. Ermənilərlə və Ermənistanla yaxından-uzaqdan heç bir əlaqəsi olmayan bu əməliyyatların keçirilməsindən erməni katolikosunun niyə narahatlıq keçirməsi şübhə doğurur. Ermənilər yalandan hadisə zamanı 16 erməni ailəsinin “zərər çəkdiyini” idda edirlər.
II Qaregin Türkiyənin Suriyanın şimal-şərqində keçirdiyi hərbi əməliyyatların “təhlükəli” olması barədə bəyanat verib və dünya ictimaiyyətinin diqqətini bu əməliyyatlara cəlb etmək istəyib.
Onun bəyanatında qeyd edilir ki, Türkiyənin Suriya ərazisinə “girməsindən” çox narahatdır. Bütün ermənilərin katolikosu dünya ictimaiyyətini bu prosesin dayandırılmasına dəstək göstərməyə çağırır. Saxtakarlıqda tayı-bərabəri olmayan katolikos bildirib ki, Türkiyənin bu addımı beynəlxalq hüquq normalarına sığmır (?). Katolikos, həmçinin, qeyd edir ki, guya Türkiyənin həmin ərazidə hərbi əməliyyat aparması orada yaşayan milli azlıqların, o cümlədən də ermənilərin (?) öldürülməsinə səbəb olur. Hətta o, əsassız olaraq qeyd edib ki, bu proses 1915-1923-cü illərdə baş verdiyi əsassız olaraq iddia edilən qondarma “erməni soyqırımı”nı xatırladır. Katolikos bu bəyanatında guya həmin ərazidə ermənilərin də öldürüldüyünü iddia edir və dünya ictimaiyyətini buna “göz yummamağa” çağırır. Katolikos “Suriya xalqına Allahdan mərhəmət diləyir və tezliklə orada sülhün bərqərar olması üçün dualarımızı əsirgəmirik” deyir.
II Qareginin bu bəyanatının Türkiyənin Suriyada həyata keçirdiyi hərbi əməliyyatlardan sui-istifadə edərək qondarma “erməni soyqırımı”nı bir daha gündəmə gətirmək məqsədilə verildiyini deyən ekspertlər hesab edirlər ki, ermənilər Suriyada baş verənlərdən də “soyqırım” tamaşası hazırlamaq məqsədi güdürlər.
- Aydın Quliyev: “Ermənistan Suriyada təzə “genosid oyununa” başlayır”
Qeyd edək ki, “Bakı-Xəbər” qəzetinin baş redaktoru Aydın Quliyev öz “Facebook” hesabında yazdığı statusda bu məsələyə toxunub və ermənilərin yeni oyun oynadığını bildirib: ”Ermənistan Suriyada təzə "genosid oyununa" başlayır. Türkiyə Suriyanın şimalında terrorçulara qarşı əməliyyata başlayandan ermənilərin yuxusu yenidən qaçıb. Əvvəlcə ermənilərin XİN-i bəyanat yayaraq Türkiyənin antiterror hərəkətini guya təcavüz kimi qələmə verməyə çalışdı, guya humanitar fəlakətlərin ola biləcəyindən saxta haray çəkdilər, dünyanı bu "təcavüzü" dayandırmağa səslədilər... Baxın, dünya bunların təcavüzündən danışır, bunlar isə abır-həya deyilən şeydən erməni millətinə pay düşmədiyini bir daha göstərməkdən utanmırlar. Bəlli idi ki, ermənilər təzə oyun planlayıblar. Bu da sübut. XİN-in ardından başlayıblar ki, guya Suriyanın şimalında yaşayan ermənilər atəş altına düşüblər və sübut üçün Əl-abyad şəhərinin hansısa bucağında yaşayan 16 erməni ailəsini göstərirlər. Elə məlumatlar yayırlar ki, sanki ermənilər əsasən Suriyanın bu gün Türkiyə əməliyyat keçirdiyi bölgələrində yaşayırlar. Yəqin bir müddət sonra Suriyada türklərin guya müasir “erməni genosidi” etdiklərinə dair 21-ci əsr nağıllari uyduracaqlar...”.
- Qabil Hüseynli: “...regionun böyük dövlətinin öz təhlükəsizliyinin qayğısına qalmasına yarlık yapışdırmaq cəhdindən başqa bir şey deyil”
Məsələni şərh edən digər ekspert, tanınmış politoloq, professor Qabil Hüseynli də hesab edir ki, II Qareginin məlum bəyanatı yalnız suyu bulandırmağa, guya XXI əsrdə yeni “erməni genosidi” baş verdiyi barədə yanlış rəy yaratmağa xidmət edir. “II Qareginin bu bəyanatı sırf erməni xislətinin ifadəsidir. Suriyanın şimal-şərqində erməni yoxdur və o ərazilər PKK və YPG silahlı dəstələri tərəfindən tam işğal edilib. Erməni katolikosunun yalandan dad-fəryad qoparması fürsətdən sui-istifadə etmək cəhdidir. Şimali Antarktidada, tutalım, bir ağ ayı ölsə belə, deyəcəklər ki, orada ermənilər yaşayırlar, o ağ ayını öldürənlər erməniləri də öldürərlər və s. Ona görə də Türkiyənin öz sərhədlərinin təhlükəsizliyini təmin etmək məqsədilə apardığı əməliyyatlar tam qanunidir və bu əməliyyatlar başa çatacaq. Türkiyə ərazisində 3,5 milyon qaçqın suriyalı var və hər il Türkiyə bu qaçqınların saxlanması üçün 5 milyard dollar pul xərcləyir. Bu da Ermənistanın büdcəsindən çoxdur. Bu katolikos yaramaz başa düşürmü ki, qaçqın nə olan şeydir? Görməyib də. O qaçqınların içində ermənilərin nə işi vardı ki? Ermənilər həmişə San-Fransisko, London, Dəməşq, Şam şəhərlərində yaşayıblar. Ona görə də katolikosun bu bəyanatı prosesdən sui-istifadədir və erməni din xadiminin riyakar və ikiüzlü olduğunu, Allahdan qorxmayıb yalan danışdığını aydın şəkildə üzə çıxarır”.
Q.Hüseynli qeyd etdi ki, erməni katolikosunun bu məsələ ilə bağlı beynəlxalq ictimaiyyətə etdiyi müraciət də sırf ictimai rəyi çaşdırmağa, yeni yalanlar, qondarma “erməni oyunları” qurmağa xidmət edən amildir: “Suriyanın həmin ərazisində erməni sakinlər olmasa da, PKK-nın sıralarında kifayət qədər döyüşən erməni var. O, Suriyada baş verənlərin guya onda qondarma “erməni soyqırımı”nın təkrarlanması təəssüratını yaratdığını iddia edir. Bu kəmfürsətlər 700 min erməni yaşadığı yerdə 1 milyon yarım erməninin “öldürülməsindən” danışırlar. Bu gün Suriya ərazisində olan ermənilər kürdlərin bayrağı altında türklərə qarşı vuruşurlar. Bundan danışmaq lazımdır. Sən hansı soyqırımdan danışırsan və olmayan ermənilərin öldürülməsi haqqında yeni mif yaradırsan? Ona görə də Türkiyə düzgün yoldadır və öz sərhədlərinin təhlükəsizliyini təmin etmək istəyir, üstəlik, 3,5 milyon qaçqını yerləşdirməyə yer axtarır. Gəlib o əraziləri kürdlər tutublar. Halbuki, ora Suriya ərəblərinin torpaqlarıdır, onlar məcburiyyət qarşısında qalıb Türkiyə torpaqlarında yaşayırlar. Türkiyə humanitar bir addım atır və qaçqın düşmüş insanları öz yurdlarına qaytarmaq istəyir. Məsələni bu cür təsvir etmək lazımdır. Yoxsa, ermənilər bu gün Türkiyənin keçirdiyi əməliyyatlar nəticəsində “onminlərlə erməninin qətlə yetirilməsi” ilə bağlı miflər, saxta videolar hazırlayıb dünyaya yayır, beynəlxalq təşkilatlara göndərirlər. II Qareginin bu bəyanatı çox böyük həyasızlıq və din xadiminə yaraşmayan yaramaz bir hərəkət və ikiüzlülük, eyni zamanda da regionun böyük dövlətinin öz təhlükəsizliyinin qayğısına qalmasına yarlık yapışdırmaq cəhdindən başqa bir şey deyil” - deyə Q.Hüseynli bildirdi.
İradə SARIYEVA
