07/12/2019 09:56
728 x 90

Suriyada “Erməni ordusu” adı altında sayı qeyri-dəqiq silahlı birləşmələr yaratmaq planının arxa tərəfləri...

“Burada söhbət ənənəvi erməni terror təşkilatlarının dirçəldilməsi və onlardan istifadədən gedir”

img

Suriyanın şimalındakı Haseki bölgəsində qurulan və Ermənistanın birbaşa dəstəklədiyi, Nubar Ozanyan adını daşıyan erməni yaraqlı qruplaşması getdikcə böyüməkdədir. Türkiyə KİV-inin verdiyi məlumata görə, bu qruplaşmanın qərargahından yeni görüntülər sosial şəbəkələrdə yayılıb və məlum olur ki, “Ozanyan qrupu” qərargahında Ermənistan bayrağını asıb.

“Ozanyan qrupu” əvvəlcə suriyalı ermənilərdən ibarət olmaqla 90 nəfərlik batalyon kimi formalaşıb. Lakin hazırda qrupun tərkibində 500-dən çox yaraqlı var və briqada şəklində formalaşdırılıb. Qruplaşmanın Türkiyə ilə sərhəd Kamışlı, Resulayn, Amude, Tel Abyad, Aynularab bölgələrində mövqe tutacağı bildirilir.

Həmin qruplaşma erməni terror təşkilatı ASALA-nın davamçısı hesab edilir. Suriya müharibəsi zamanı uzun illərdir bu bölgədə yerləşdirilmiş ermənilər qruplaşmaya daxil olub. Minlərlə suriyalı erməni isə Ermənistana köçüb, onlardan bir hissəsi Azərbaycanın işğal altındakı ərazilərində yerləşdirilib. Suriyada yaradılan erməni qruplaşmasına Ermənistandan hərbi və maddi dəstək verilir. Ermənistan öz hərbi təlimatçılarını qruplaşmaya təlim keçmək üçün bölgəyə göndərib.

İstisna deyil ki, Ermənistanın həmin qruplaşmaya dəstək verməsi gələcəkdə “Ozanyan qrupu”nun Qarabağda irimiqyaslı müharibə zamanı istifadə olunması planları ilə əlaqəlidir. Bəlli olduğu kimi, 90-cı illərin əvvəllərində Ermənistan işğalçı qüvvələrinin tərkibində Suriyadan və Livandan gəlmiş çoxsaylı muzdlu erməni də döyüşürdü.

  • Elşən Həsənov: “Suriyadan Dağlıq Qarabağa çoxlu sayda belə terrorçu köçürülüb”

Təhlükəsizlik məsələləri üzrə ekspert Elşən Həsənov “Bakı-Xəbər”ə bildirdi ki, Yaxın Şərqdə ermənilərin daim dayaqları olub: “Heç kimə sirr deyil ki, Qarabağ müharibəsində onların həmin bölgədən olan ən tanınmış terrorçuları belə iştirak edib. Suriyada ermənilərdən ibarət belə bir batalyonun yaradılması maraqlıdır. Özü də onlar başlarının üzərinə Ermənistanın bayrağını asırlarsa, deməli, oradan  terrorçuların hazırlanması üçün istifadə edirlər. Bilirik ki, Suriyada müxtəlif amallar uğrunda döyüşən qruplar var. Ermənilərin Suriyada heç bir marağı yoxdur ki,  ayrıca batalyon formalaşdırsınlar. Deməli, burada söhbət ənənəvi erməni terror təşkilatlarının dirçəldilməsi və onlardan istifadədən gedir. Suriyadan Dağlıq Qarabağa çoxlu sayda belə terrorçu köçürülüb. Onların hətta işğal altında olan ərazilərdə məskunlaşması da həyata keçirilib. Sirr deyil ki, həmin qanunsuz miqrasiya həm oranın etnik tərkibinin öz xeyirlərinə dəyişdirilməsi, həm də terrorçuların məskən salması üçün həyata keçirilib. Çox təəssüflər olsun ki, bizim etirazlara baxmayaraq, həmin prosesə beynəlxalq güclər müdaxilə etmirlər. Suriyada yaradılan bu batalyonla bağlı ciddi etiraz olunmalıdır. Onun ləğvi, fəaliyyətinin qarşısının alınması ilə bağlı dünya birliyinə müraciət olunmalıdır. Çox güman ki, onlardan Türkiyənin daxilindəki təxribatlarda da istifadə olunacaq”.

Məhəmmədəli QƏRİBLİ

Son xəbərlər