NATO Rusiya və Baltikyanı ölkələr arasında gərginliyin güclənməsi ilə əlaqədar 300 min əsgəri qüvvəni həyəcan vəziyyətinə gətirib. Baki-xeber.com BBC-yə istinadıən xəbər verir ki, bu barədə "The İndependent" yazır
Təşkilatın baş katibi Yens Stoltenberq deyib ki, alyans özünün minlərlə əsgərinin döyüş vəziyyətinə reaksiyasını artırmağa çalışır.
Oktyabr ayında xəbər verilmişdi ki, NATO Baltik ölkələrinin Rusiya ilə sərhədlərində 4 minədək əsgər yerləşdirməyə hazırlaşır. Bu, Soyuq müharibədən bəri alyansın Rusiya yaxınlığında ən böyük qoşun cəmələşdirməsidir.
"Biz Rusiyanın müxtəlif şəkillərdə daha da fəallaşmasının şahidi olmuşuq”, - Stoltenberq “The Times” qəzetinə deyib. O, bildirib ki, Rusiya 2000-ci ildən bəri özünün hərbi xərclərini üç dəfə artırıb: “O daim hərbi qabiliyyətini artırır, silahlı qüvvələrini təlim etdirir və qonşu ölkələrə qarşı hərbi güc tətbiq edir".
Stoltenberq onu da bildirib ki, Rusiya NATO-nun Avropadakı üzvləri arasında təbliğatını gücləndirib. O bildirib ki, NATO-nun belə vəziyyətə reaksiya göstərməsi tamamilə təbiidir: "Ona görə də biz bu vəziyyətə Soyuq müharibədən bəri kollektiv müdafiəmizin ən böyük gücləndirilməsi ilə cavab veririk".
Stoltenberq qoşunların dəqiq sayı barədə təfərrüatlara varmayb, lakin Britaniyanın NATO-dakı nümayəndəsi lord Adam Tomson deyib ki, burada söhbət təxminən 300 minlik qoşundan gedə bilər. Lord Adams deyib ki, məqsəd qoşunların səfərbərliyə alınma müddətini ənənəvi 6 aydan iki ayadək qısaltmaqdır. "The İndependent" yazır ki, qoşunların tərkib nisbəti məsələsi NATO müdafiə nazirlərinin şurasında müzakirə olunub. Adamsın sözlərinə görə alyans Rusiyanın artmaqda olan casus və haker fəaliyyətinə, hibrid müharibəsi taktikasına cavab verməyə məcburdur.
"The İndependent" yazır ki, əslində NATO-nun cavab reaksiyaları 2014-cü ildə Rusiya Krımı ilhaq edəndən bəri başlanıb. Hazırda alyans Rusiyanın mümkün təcavüzündən çəkinən Litva, Latviya və Estoniyaya dəstək olmağa çalışır.
Amerika analitik mərkəzlərindən birinin qənaətinə görə, hazırda Rusiya Baltikyanı bölgədə NATO qüvvələrinə bir neçə saatın ərzində üstün gələ bilər.
Son zamanlar aparılmış rəy sorğusu göstərib ki, rusların yarısı Moskvanın Suriyada apardığı əməliyyatların tammiqyaslı 3-cü dünya müharibəsinə çevrilə biləcəyindən narahatdır. Ötən həftə bəlli olub ki, NATO-nun Çernoqoriyada təlimlərlərə başladığı vaxtda Rusiya da özünün 250 hava desantçısı ilə qonşu Serbiyada təlim keçəcək.
