Məlum olduğu kimi, mayın 28-də İrəvanın Respublika Meydanında, Ermənistan da daxil olmaqla, 7 ölkənin istehsal etdiyi hərbi texnika nümayiş etdirilib. Sürpriz daha çox İran və Çin avadanlıqları ilə bağlı olub. İranın "Məcid" hava hücumundan müdafiə sistemləri və Çinin "Rainbow" PUA-larının paradda göstəriləcəyi əvvəllər açıqlanmamışdı və mətbuatda da belə bir məlumat yox idi. Lakin "Azatutyun"a danışan ekspertlər vurğulayır ki, erməni istehsalı adı ilə təqdim edilənlər məhz bu silahlardır.
Hərbi paradda, həmçinin Amerika, Hindistan, Rusiya və Fransa silahları, eləcə də region xaricindən gətirilmiş çoxsaylı silahlar nümayiş etdirilib ki, bunlar da İran və Çin avadanlıqları kimi erməni adları ilə təqdim olunub. Müxtəlif mənbələrə görə, İran tərəfi özünün "Məcid" hava hücumundan müdafiə sistemindən istifadə edərək hərbi əməliyyatlar zamanı Amerika təyyarələrini və İsrail dronlarını vurub. Bəzi media orqanları hazırda Ermənistanın bu hərbi texnikanın ilk xarici alıcısı olduğunu bildirir. İran üzrə ekspert Sayrus Ameryan Qərbin bu sövdələşməyə reaksiyasını vurğulayır. Ekspert Tehranın bu sövdələşmə ilə iqtisadi motivləri əks etdirdiyi fikrini bildirib. Onun məlumatına görə, bu sistemlərin qiyməti təxminən 500 milyon dollardır ki, bu da hər iki ölkə üçün böyük məbləğdir: "Qarabağdakı məğlubiyyətdən sonra Ermənistan çoxqatlı hava hücumundan müdafiə sistemi qurur və "Məcid"lər də bu sistemin bir hissəsi kimi görünür". Çin istehsalı olan "Rainbow" dronları isə Ermənistan tərəfindən "Agegh" adlandır. Hindistanın "Akash" zenit-raket sistemi və Hindistanın ATAGS haubitsasının da adı dəyişdirilib. Fransanın "Cesar" artilleriya sistemi də "Aramazd" adlandırıldı. Hindistanın "Tata" şirkət avtomobilləri, Fransanın "Bastion" zirehli maşınları, Amerikanın M2 pulemyotları, Sovet dövründən bəri istehsal olunan Rusiyanın "Tos1A" çoxməqsədli raket sistemləri və D30 və "Tor" haubitsaları, MI 17 helikopterləri və SU 25 7 SU 30 təyyarələri əsl adları ilə təqdim edildi. Paradda təqdim edilən hərbi texnika sırasında yalnız "Hrazdan", "Sevan" minaatanları, "Atlant" çoxməqsədli raket sistemləri və bir sıra pilotsuz uçuş aparatları Ermənistan istehsalı idi.
Samirə SƏFƏROVA
