İlqar Hüseynli: “Hər iki faktor dayanqlı, təhlükəsiz şəraitli, rifah təminatlı məskunlaşa və şəhərsalma prosesini ləngidir”
Azərbaycanda dayanıqlı və təhlükəsiz şəhərlərin, yaşayış məskənlərinin salınması işinə son illərdə iki amil xüsusi təsir göstərib.
1.İşğaldan azad olunmuş ərazilərin bərpa çətinlikləri.
2.İqlim dəyişmələrinin fəsadları.
Heç şübhəsiz, bu iki amil olmasaydı, Azərbaycan təhlükəsiz, rifahlı, dayanıqlı, yaşamaq üçün rahat şəhərlərin, yaşayış məskənlərinin salınnasında daha irəli gedə bilərdi.
Ekspertlər hesab edir ki, işğaldan azad edilmiş ərazilərdə Ermənistanın həyata keçirdiyi neqativ hadisələr, xüsusən də torpaqlarımızda minlərlə mina basdırması şəhərsalma prosesinə ciddi mane olur.
Ekspert İlqar Hüseynli baki-xeber.com-a bildirdi ki, dayanıqlı və təhlükəsiz şəhər təminatı bir neçə faktordan aslıdır. “Bu faktorlardan biri ölkələrin ərazində baş verən müharibələr, işğal prosesləri, onların çərçivəsində baş verən dağıntılar, şəhərlərin viran qoyulması, infrastrukturun məhv edilməsi, təbii ehtiyatların işğal prosesində talanması kimi məsələlərdir. İkinci amil isə sözsüz ki, iqlim risqləridir. Hər iki faktor dayanqlı, təhlükəsiz şəraitli, rifah təminatlı məskunlaşa və şəhərsalma prosesini ləngidir. Azərbaycanda təhlükəsiz, dayanıqlı şəhərsalma prosesi ilə bağlı risq faktoru 2000-ci illərdə başlanan tikinti bumu zamanı nəzərə alınmadı. Bu faktor ciddi şəkildə bu gün öz fəsadlarını ortaya qoymaqdadır. Bununla bağlı bu sahənin adamları açıqlamalar verdik, ictimaiyyətə və dövlət qurumlarına mesajlar göndərdik ki, Bakı şəhərinin texniki infrastruktur salınmadan bu cür şəhərsalmaya getmək doğru olmaz. Çünki öncə alt yapı qurulmalı, sonra şəhərsalma prosesinə başlanmalı idi”.
İ.Hüseynli qeyd etdi ki, bu gün iqlim dəyişmələri bu prosesdə rol oynayır, yağan yağışlar zamanı bunlar özünü göstərir.
İradə SARIYEVA
