Aytən Rəhimli: “Bu günə 6500 nəfər İsrailə casusluqda ittiham edilərək saxlanılıb”
ABŞ/İsrail İran müharibənin başlanğıcında demək olar ki, ilk bir həftə ərzində İranın əksər vacib dövlət adamları, rəhbər şəxslər öldürüldü.28 fevral 2026-cı ildə İranın ali lideri Əli Xamenei, ABŞ-İsrailin İrana birgə hava zərbələri zamanı Tehran ətrafında yüksək vəzifəli İran rəsmilərini hədəf almaq məqsədilə həyata keçirilən, İsrailin "Şir nəriltisi" adlandırdığı hərbi əməliyyat nəticəsində raket zərbəsi ilə vurulub öldürüldü. Birgə əməliyyat zamanı ABŞ Mərkəzi Kəşfiyyat İdarəsinin strateji yer kəşfiyyatından istifadə edilərək bir neçə liderin yerini müəyyən edib və prosesi həyata keçirib.
Yəni kəşfiyyat məlumatları əsasında onların evlərindən, bağlarından tutmuş iş yerlərinə qədər hamısını dəqiqliklə vurdular, onları öldürdülər.
Bəlli idi ki, həmin korrdinatları o vaxt İsrailin İran hakimiyyətindəki casus şəbəkəsi verirdi və onlar da vururdu. Amma xeyli vaxtdır ki, hansısa İran məmurunun öldürüldüyü müşahidə olunmur.
Belə ki, onlar hətta İranın hazırkı dini lideri Xameninin yerini də təyin edə, onun harada olduğunu bilmirlər. Bu, o qənaətə gəlməyə əsas verirmi ki, nəhayət fevraldan ötən bu müddət ərzində İran hakimiyyəti içindən İsrail casus şəbəkəsini demək olar ki təmizləyib, onların axırına çıxıblar? Belə bir qənaətə gəlmək olar? Yoxsa necə olur, əvvəlki dövrlərdə İranın bütün elitasını, rəhbər şəxslərini bir-bir ortadan götürürdülər. Amma bu gün Xameninin yerini belə təyin edə bilmirlər. Bu o deməkdirmi ki, artıq İsrail İran hakimiyyətinin içindən məlumat ala bilmir?
Tədqiqatçı Aytən Rəhimli baki-xeber.com-a bildirdi ki, əlində bununla bağlı spekulyasiyalar davam edir. “Belə ki, elə dünən müharibənin başlamasından (fevralın 28-dən) bu günə 6500 nəfər İsrailə casusluqda ittiham edilərək saxlanılıb. Bununla bağlı, İranın rəsmi dövlət mediası, habelə, SEPAH məlumat yayıb. Kifayət qədər ciddi rəqəm olsa da , ancaq həmin şəxslərin həqiqətən də casus olduqları və ya Mossad ilə əməkdaşlıq edib-etmədikləri gerçəkdə sübut edilməyib. Bununla bağlı, beynəlxalq insan haqları təşkilatları, eləcə də HENGAW və HRANA (İranda fəal. göstərən insan haqları təş. ) geniş hesabatlar yayıblar. İsrailin Xamenenin yerini tapa bilməməsi isə bir az inandırıcı gəlmir. Bunu isə belə izah etmək olar. Bundan öncə xarici media, əsas da ilk dəfə “Times” qəzeti Xameneinin harada olduğunu İsrail kəşfiyyatına əsasən açıqlamışdı”.
A.Rəhimli vurğuladı ki, elə həmin vaxt onun Məşhəddə müalicə olunduğu məqalədə yer almışdı. “Umutmamaq lazımdır ki, müharibə zamanı ABŞ-İsrail koalisiyası ilk növbədə rejimin əsas fiqurları - ölkənin dini lider Əli Xamenei, İran Ali Milli Təhlükəsizlik Şurasının katibi Əli Laricani və s. kimi ciddi qorunan vəzifəli şəxsləri aradan götürüb. İndi isə hazırki durumda tərəflər bir-birini tükəndirmə mərhələsinə keçib. Nəticəsiz qarşıdurmanın gətirdiyi etap olaraq , necə deyərlər, “Bir dalana dirənən iki variant” yaranıb və ABŞ da buradan çıxmaq üçün səylər göstərir”. Ona görə hazırda durğunluq ola bilər”-deyə A.Rəhimli vurğuladı.
İradə SARIYEVA
