Paşinyan Rusiyada qəbul edilən və xaricdəki vətəndaşların müdafiəsini təmin etməyi nəzərdə tutatan qanunun Gümrüdəki 102-ci Rusiya hərbi bazası vasitəsilə Ermənistanda tətbiq oluna biləcəyi ehtimalı ilə bağlı heç bir narahatlığının olmadığını deyib.
Daha əvvəl Rusiya Dövlət Duması xaricdə həbs olunmuş rusları qorumaq üçün ordudan istifadəyə icazə vermişdi.
"Heç bir narahatlıq yoxdur, çünki 102-ci baza, Rusiya Federasiyasında qüvvədə olan qanunlardan asılı olmayaraq, Ermənistan qanunvericiliyi və Ermənistan yurisdiksiyası çərçivəsində fəaliyyət göstərməlidir. Heç bir narahatlıq ola bilməz", - deyə Paşinyan bildirib.
O, həmçinin Ermənistanın ABŞ-ın tələbi ilə Rusiya Federasiyası vətəndaşlarının saxlanılma riski yüksək olan ölkələr siyahısına daxil edilməsinə də toxunub.
“Bəzən bloggerin və ya fəalın həbsi ilə bağlı böyük hay-küy yaranır. Hüquq-mühafizə orqanları axtarış orderi varsa, hərəkətə keçməlidir və səbəbini başa düşməlidirlər. Əks halda, məsələn, hansısa qatili azad edə bilərlər”, - deyə Paşinyan bildirib.
Paşinyanın sözlərinə görə, ABŞ və ya Rusiyanın tələbi ilə Ermənistanda vətəndaşların saxlanıldığı hallar var. Bəzi hallarda sorğular təmin edilib və şəxslər ekstradisiya edilib. Lakin, sorğuların rədd edildiyi hallar da olub.
Tahir TAĞIYEV
