Akif Nağı: “Bu bloger kilsəsinin iş üzünü açıb ortaya qoyur”
Azərbaycan əraziləri işğalda olduğu dövrlərdən adlarını “din xadimi”, “keşiş” qoyan bəziləri azərbaycanlıların evlərini, mal-mülkünü bizim ərazilərə köçürülən ermənilərə pay-püş etməsi, paylaması ermənilərin özlərinin dilindən səslənir.
Bu günlərdə erməni bloger Roman Baqdasaryanın hansısa “keşiş Parkeri” özünün facebook səhifəsində ifşa edib. Paylaşdığı videogörüntüdə bloger bildirir ki, 1992-ci ildə Şuşa işğal olunarkən burada hansı evin kimə veriləcəyinə adıçəkilən keşiş qərar verirdi. “Sən kimsən ki, adın “müqəddəs ata” ola-ola Azərbaycan torpaqlarına soxulub onların evlərinin sağa-sola paylanmasına qərar verirsən, müqəddəs ata deyilən kəs bu cür əmələ necə qol qoya bilər”- deyə sual edən blogerin videogörüntüsü ciddi rezonans doğurub.
Erməni bloger Roman Baqdasarov erməni keşişin əleyhinə danışır, onu ifşa edir. Ona xitabən açıq deyir ki, 1992-ci ildə Şuşa işğal olunandan sonra sən azərbaycanlıların evlərini ona-buna paylayırdın. Bu adam erməni keşişlərin ən çirkin əməllərindən birini açıb.
Azad Vətən Partiyasının sədri Akif Nağı baki-xeber.com-a bildirdi ki, hazırda Ermənistanda müəyyən həqiqətlərin ortaya çıxması dönəmidir. Partiya sədri hesab edir ki, seçki ərəfəsi olduğu üçün hər kəs öz mövqeyini formalaşdırır. “Bu mənada adı çəkilən bloger də öz mövqeyini ortaya qoyur və başa düşür ki, Ermənistanın köhnə hakimiyyətini təmsil edənlər, eləcə də kilsə xalqa faciə gətirə bilər. O açıq göstərir ki, ermənilərin baş keşişləri və digər din xadimləri, keşişləri ləyaqətsiz adamlardır. Həmin qüvvələr bu gün də ləyaqətsiz siyasətlərini davam etdirirlər. Faktları, həqiqətləri ortaya çıxarmaqla özləri özlərini bu şəkildə ifşa edirlər. Bu bloger kilsəsinin iş üzünü açıb ortaya qoyur. Bu ifşa xətti digər istiqamətlərdə də davam edəcək. Azərbaycan xalqına qarşı törətdikləri cinayətləri, çirkin əməlləri özləri ortaya çıxaracaq”.
A.Nağı qeyd etdi ki, biz Azərbaycan xalqı və Azərbaycan dövləti olaraq Ermənistanın, erməni kilsəsinin, siyasətçilərinin bu cinayətlərini dünya birliyinə çıxarmışıq, faktları ortaya qoymuşuq, dəlillərimiz, sübutlarımız ortadadır. “Bu işə erməni kilsəsi, baş keşişləri rəhbərlik edirdi. Erməni cəmiyyəti də başa düşür ki, onlar bu qeyri-insani əməllərinə, cinayətlərinə görə cavab verməlidirlər. Ermənistanın daxilində də müəyyən mənada həqiqəti dərk edənlər var. Amma bunlara sona qədər inanmaq olmaz, çünki erməni xisləti həmişə qalır. İstənilən vaxt Azərbaycana qarşı təxribata əl ata, bizə arxadan zərbə vura bilərlər”-deyə A.Nağı qeyd etdi.
İradə SARIYEVA
