Abutalıb Səmədov: “Rusiya əlindən gələni edir ki, ABŞ-ın İrana aviazərbələrinin qarşısını alısın”
Rusuya prezidenti Vladimir Putin Təhlükəsizlik Şurasının daimi üzvləri ilə əməliyyat müşavirəsi keçirib. Adının çəkilməsini istəməyən keçmiş bir diplomatın fikirlərinə görə, Putin burada Ukrayna məsələsindən daha çox İran-ABŞ məsələsini qabardıb. Onunla bağlı müzakirələr aparıb, o, hətta deyib ki, Tramp Rusiya ilə Ukrayna üzərində guya ciddi müzakirələr görüntüsü yaratmaq və bununla bizim başımızı Ukraynaya qarışdırmağın müqabilində əslində İranla daha ciddi şəkildə məşğul olur. Putinin fikrincə, Tramp başa düşür ki, Ukraynadan daha vacib İrandı. Ona görə ki, əgər Tramp İranı ələ keçirdə bilsə bu bütün MDB-nin Cənub cinahının tamamilə ləğv olunmadı deməkdi, MDB-nin Cənub cinahında, Cənubi Qafqazda, Mərkəzi Asiyada Rusiyanın mövqeyinin tamamilə məhv olunması anlamı daşıyır. Keçmiş diplomatın sözlərinə görə, bu səbəbdən də Putinin bu iclasda fikri daha çox ona yönəlik olub ki, Trampın İrana zərbə endirməsinin qarşısını necə almaq olar.
“Alyans” SAM-ın sədri Abutalıb Səmədov baki-xeber.com-a bildirdi ki, Rusiya ilə İran Türkiyənin və ABŞ-ın Cənubi Qafqaza buraxmamaq üçün son illər əlbir fəaliyyət göstərirlər. “Burada birinin mövqeyinin zəifləməsi təbiidir ki, digərinə də öz təsirini göstərəcək. Rusiya əlindən gələni edir ki, ABŞ-ın İrana aviazərbələrinin qarşısını alısın. Ancaq burada təbiidir ki, Rusiyanın imkanları çox məhddudur. Eyni zamanda Rusiya paralel gedən danışıqlarda daha əlverişli şərtlərə nail olmaq və Ukrayna ilə özünün arzuladığı sülh sazişini imzalamaq istəyir. Təbiidir ki, bu səbəbdən daim Trampın xoşuna gələn bəyanatlar səsləndirir. Tramp İranla danışıqların yekunlaşması üçün 10-15 gün vaxt vermişdi, onun da 5-6 günü artıq gedib. Tamamilə mümkündür ki, heç o müddəti gözləməyə də bilər. Çünki İran ətrafına çox böyük hərbi güc toplanıb və bütün dünya bu zərbələri gözləyir. Onu da açıq şəkildə demək lazımdır ki, ABŞ-ın irəlui sürdüyü şərtləri İran qəbul etmək istəmir, yalnız bir məsələni müzakirə edəcəyini deyir, bu da İranın nüvə proqramı ilə bağlıdır. Bu məsələdə də demək olar ki, ABŞ-ın əsas tələblərini rədd edir. Bu səbəbdən danışıqların perspekticvi yoxdur”.
A.Səmədovun sözlərinə görə, bu səbəbdən də ya 10-15 günə, ya da bir az tez ABŞ İrana İsraillə bir yerdə aviazərbələ endirəcəklər.
A.Səmədovun fikirincə, Azərbaycan və digər bölgə dövlətləri İranın nüvə silahına malik olmasını istəməsələr də, bütün məsələlərin diplomatik yolla aradan qaldırılmasının tərəfdarı kimi çıxış edirlər. “Çünki bölgədə hərbi əməliyyatlar bölgə ölkələrinə də ciddi problemlər yarada bilər. Ukrayana ilə danışıqlara gəlincə, demək olar ki, o da İranla aparılan danışıqlar kimi davam edir. Ukrayna qarşısında konkret tələblər qoyulub və demək olar ki, indiyə kimi bu ölkə onların heç birini qəbul etməyib”.
A.Səmədov ümid edir ki, həm Rusiya Ukrayna, həm ABŞ İran danışıqlarında müsbət irəliləyişə nail olunacaq və bölgədə qarşıdurma baş verməyəcək.
İradə SARIYEVA
