Kremlin sözçüsü Dmitri Peskov bildirib ki, NATO-nun müdafiə planının bir hissəsi olaraq Estoniyada nüvə silahları yerləşdirilərsə, Rusiyanın nüvə silahları Estoniya ərazisini hədəf alacaq.
Bundan əvvəl Estoniya xarici işlər naziri Marqus Tsaxna NATO-nun müdafiə planları çərçivəsində zəruri hesab edildiyi təqdirdə Estoniya torpağında nüvə silahlarının yerləşdirilməsinə qarşı olmadıqlarını bildirib.
Kremlin sözçüsü Peskov isə Moskvanın belə bir ssenariyə necə cavab verəcəyi ilə bağlı sualı cavablandırıb. Estoniyanın Rusiyaya yaxınlığına işarə edən Peskov, digər Avropa ölkələrini təhdid etmədikləri kimi, Estoniyanı da təhdid etmədiklərini bildirib.
"Lakin, əgər nüvə silahları Estoniya ərazisində bizi hədəf alaraq yerləşdirilərsə, nüvə silahlarımız da Estoniya ərazisini hədəf alacaq. Estoniya bunu aydın şəkildə başa düşməlidir" - deyə Peskov bildirib.
O əlavə edib ki, Rusiya, xüsusən də nüvə çəkindirmə sahəsində öz təhlükəsizliyini təmin etmək üçün lazımi addımları atacaq.
TAHİR
