Rusiya baş nazirinin müavini Aleksey Overçuk bildirib ki, Rusiya öz "müstəqilliyini" elan etmiş Abxaziya "Respublikası" vasitəsilə Gürcüstana dəmir yolu xidmətini bərpa etməyi düşünür. Gürcüstan hakimiyyəti hələlik bu açıqlamaya açıq münasibət bildirməyib. Ancaq Gürcüstan rəsmilərinin Kreml hakimiyyəri ilə gizli bir sövdələşmə içində ola biləcəkləri istisna deyil.Bu belə olsa,Rusiya və Gürcüstanın birgə pozucu oyun oynaya biləcəklərini istisna etmək olmaz. Əvvəllər Tiflis ölkənin ərazi bütövlüyü bərpa olunana qədər dəmir yolu xidmətlərinin bərpasına qarşı davamlı olaraq çıxış edirdi. Layihənin həyata keçirilməsində Ermənistan tərəfi də maraqlı olduğunu bildirib. Hesab olunur ki, Gürcüstan hələ də separatçl Abxaziya üzərindən dəmir yolu əlaqəsinin bərpasına razı olmayacaq.
Overçuk bildirib ki, Qafqazda zədələnmiş bütün marşrutların, o cümlədən Abxaziya vasitəsilə Rusiya Federasiyası ilə Gürcüstan arasında dəmir yolu xidmətinin bərpası imkanlarının açılması üzrə işlər aparılır. Onun sözlərinə görə, bu marşrutun bərpası Qafqazda nəqliyyat və logistika əlaqələrinin gücləndirilməsi əsas vəzifəsinin həlli üçün vacibdir ki, bu da sülh, sabitlik və Azərbaycan, Ermənistan, Gürcüstan, İran, Türkiyə və Rusiya xalqlarının iqtisadi rifahı üçün çox vacibdir: "Bu vacib ortaq vəzifənin həllində regiondakı bütün dövlətlər arasında konstruktiv əməkdaşlığa ümid edirik".
Bundan əlavə, Overçukun sözlərinə görə, Rusiya Federasiyası Ermənistan dəmir yollarının iki hissəsinin bərpası ilə bağlı əsaslı danışıqlara başlamaq qərarına gəlib ki, bu da onların Yerasx kənd ərazisində Azərbaycan Respublikasının dəmir yolları ilə, eləcə də Axuryan kəndi ərazisində Türkiyə Respublikasının dəmir yolları ilə əlaqəsini təmin edəcək”. Baş nazirin müavini həmçinin xatırladıb ki, 1991-ci ildən bəri ilk dəfə olaraq ötən il Azərbaycan və Gürcüstan əraziləri vasitəsilə Rusiya ilə Ermənistan arasında dəmir yolu hərəkəti bərpa olunub. Birbaşa əlaqənin açılması Rusiya mallarının xarici bazarlara çıxışı üçün daha rəqabətli şərait yaradıb və qarşılıqlı ticarətin genişlənməsinə töhfə verir.
Tahir TAĞIYEV
