Akif Nağı: "Zatulin ermənilərin pul kisəsindən asılıdır"
Rusiya Federasiyası Dövlət Dumasında komitə sədrinin müavini Konstantin Zatulin ənənəvi olaraq erməniləri müdafiə edib.
"Soyqırım: yaddaş və qarşısının alınması" adlı beynəlxalq konfransda çıxış edən Zatulin Qarabağdan könüllü köçən ermənilərdən danışıb və sərsəmləyib ki, guya ermənilərin Qarabağdan "köçürülməsi" "baş vermiş erməni soyqırımının bir elementidir". "Erməni əhalisinin "Arsaxdan köçməsi gözümüzün qabağında baş vermiş erməni soyqırımının bir elementidir ki, bu bizim dərin təəssüf və utancımızdır. Dövlət Dumasında bütün bunları tərifləməyə çalışan və bunun tarixi ədalət aktı, ərazi bütövlüyünün bərpası və sair olduğunu söyləməkdən zövq alan həmkarlarımdan utanıram", - deyə Zatulin bildirib.
Zatulinin çıxışında Azərbaycanla bağlı qərəzli və qeyri-obyektiv fikirlər yer alıb. Bu isə onun nəticəsidir ki, erməni lobbisinin əsir-yesirinə çevrilən Zatulin hər zaman erməni pulunun havasına danışır.
"Bu cür əsası olmayan fikirlərlə Rusiyadakı obyektiv insanları da özünə qarşı çevirir, onlar buna cavab verir, verəcəklər də"
Azad Vətən Partiyasının sədri Akif Nağı "Bakı-Xəbər"ə şərhində "Zatulin ermənilərin pul kisəsindən asılıdır. Cavan vaxtı ona bir ermənini ərə veriblər, o onu nəzarətdə saxlayır. Eyni zamanda daim ermənilərdən müəyyən vəsaitlər alıb, ona görə də ermənilər söysələr də, ondan üz döndərsələr də xeyri yoxdur, o, ermənilərə xidmətini davam etdirəcək. Bilirsiz ki, arada Paşinyan hökuməti ilə münasibətləri korlanmışdı, ermənilərin əleyhinə danışırdı. Amma yenə də "doğma mühitə" qayıdıb, bu "mühit" ona doğmadır, çünki o yalanların içərisində indiyə qədər guya siyasətçi kimi yetişib. Ona görə də o, erməni yalanlarından kənara çıxa bilməz, xidmətini də ölənəcən davam etdirəcək. Zatulinin dedikləri hədyandır. Biz onu müsbət dəyərləndiririk ki, Rusiya mühitində, Dövlət Dumasında, mətbuatda, eyni zamanda ictimai-siyasi dairələrdə Azərbaycan həqiqətləri getdikcə daha gur səslənir və Azərbaycanın mövqeyini vicdanla müdafiə edən ekspertlər, deputatlar, ictimai xadimlər var. Yəni bu çox yaxşı haldır, getdikcə onların sayı artır. Çünki onlar haqqın, ədalətin yanındadırlar, haqlı mövqedən çıxış edirlər, sözlərini deyirlər, heç kəs də onların qarşısına çıxb heç nə deyə bilmir. Biz o prosesləri izləyirik, istənilən auditoriyada, televiziyalarda istər Solovyolun dəstəsi, istərsə də başqaları olsun, Azərbaycan mövqeyindən çıxış edənlər var. Şevçenkonu, Korotçenkonu, Markovu heç bir debatda kimsə mövcqeyindən geri çəkindirə bilmir. Dedikləri də həqiqət olduğu üçün bir də görüsdən ki, azacıq vicdanı olanlar susub geri çəkilirlər. Amma Zatulin kimilərinin vicdanı yoxdur, bunlar vicdanlarını çoxdan satıblar. Yəni erməniyə xidmət edənlər satıb onlar tərəfə keçiblər. Bu bir ənənədir. Onlar bilirlər ki, ermənilər haqsız mövqedədir, yalan danışırlar, vicdanlarını satıb, vicdanlarını susdurub ermənilərin xidmətinə keçirlər ki, onların hesabına qazansınlar, yaşasınlar"-deyə bildirdi.
A.Nağı qeyd etdi ki, Zatulin aldığı pulların xatirinə canfəşanlıq edir. "Bu iddiaların yalan olduğunu bütün dünya bilir. Hətta bizə qənim kəsilən Qərbin özündə də obyektiv düşünən insanlar, siyasi xadimlər var ki, Azərbaycanın mövqeyini müdafiə edirlər. Guya gözünün qarşısında hadisə baş verib. Ermənilərə hansı təzyiq oldu? Onlara təzyiq olmadığını görmürsənsə, demək görmək istəmirsən. Hansı soyqırım elementi olub? Utanmadan bu sözü işlədib. Bu həm də onun savadsızlığını göstərir ki, bu adam soyqırım anlayışının nə olduğunu bilmir. Küçədəki erməni avantüristi yalandan "soyqırım oldu" deyə bilər. Amma bu, parlamenetin deputatıdır, Rusiya kimi böyük bir dövləti təmsil edir, uzun müddət Dumada komitəyə rəhbərlik edib, yenə də rəhbər vəzifədədir, onun o qədər səviyyəsi yoxdur ki, real genosidlə yalançı genosidi fərqləndirə bilmir? Soyqırım nədir onu bilmir. "Soyqırım" sözünü deyirsə, bunun ağır məsiliyyəti var. Burada sən hansı "soyqırım"dan danışa bilərsən? Ermənilər ərazini tərk ediblər, özünə az-çox hörmət edən düşmənlərimiz "etnik təmizləmə" deyirlər, bir az yumşaq ifadə seçirlər. Halbuki, Qarabağda "etnik təmizləmə" baş verməyib, bu olmayıb. "Soyqırım" sözünü işlədən bu adam məsuliyyətsiz və savadsız adamdır. Bütün dünyanın qarşısında Azərbaycan onlara dəfələrlə müraciət etdi ki, buyurun, yaşamaq istəyirsinizsə yaşayın, amma Azərbaycanın qanunlarını qəbul etməlisiniz, bayrağının altından keçməlisiniz, bizim qoyduğumuz prinsiplərlə, Azərbaycan vətəndaşları kimi yaşamalısınız. Yəni onlar Azərbaycan vətəndaşları kimi yaşamaq istəmədilər, ona görə çıxıb getdilər. Bunun başqa adı yoxdur. Mahiyyət bundan ibarətdir. Birincisi, Azərbaycan vətəndaşlığını qəbul etmədilər, ikincisi də, onlar Azərbaycan xalqına qarşı o qədər cinayətlər törədiblər ki, o cinayətlərə görə cavab verməli olduqlarını bilirdilər. Bu səbəbdən çıxıb getdilər. Indi görürsüz, tikinti-bərpa işləri gedir, hər yerdə yenidənqurma aparılır, Xocalıda, Xocalının kəndlərində, Şuşada, hər yerdə kütləvi məzarlıqlar ortaya çıxır. Bunun hamısının şahidləri var. Bu vicdansızlığı, bu qeyri-insani hərəkətləri, bu cinayətləri Azərbaycan xalqına qarşı kim törədibsə, onlar cavab verməlidirlər. Ermənilər özləri artıq bunu etiraf etməlidirlər ki, nə üçün getdilər. Bu baxımdan hesab edirik ki, Zartulin kimilərinin çıxışları əhəmiyyətsizdir, artıq ona, onun kimilərinə Rusiyanın özündə də cavab verənlər var. Zatulin bu cür əsası olmayan fikirlərlə Rusiyadakı obyektiv insanları da özünə qarşı çevirir, onlar buna cavab verir, verəcəklər də. Eyni zamanda Azərbaycan tərəfdən də rəsmi şəkildə, vətəndaş cəmiyyəti də onun bu sarsaqlamalarına cavab verməlidir, diaspor təşkiltlarımız reksiya verməlidir. Boş və mənasız danışsa da, onun başını boş buraxmaq lazım deyil. Çünki bu yalanları insanların beyninə yeridir və fəsadlar törənir. Ona görə də bu fəsadların törənməməsi, Azərbaycana qarşı mənfi fikirlərin formalaşmaması üçün zamanında davamı şəkildə bu cür adamların cavabı verilməlidir" - deyə A.Nağı bildirdi.
İradə SARIYEVA
