Artıq bir aya yaxın bir vaxtdır ki, Ermənistan dövləti və Qarabağdakı separatçı tör-töküntülər Azərbaycanın Laçın yolunu “bağladığına” görə guya 120 min erməninin humanitar böhranla üzləşdiyi haqqında bütün dünyaya dezinformasiya yayır. Bu yalanı isə ermənilərin Qarabağdakı restoranlarda yeyib-içdiklərini əks etdirən görüntülər aşkara çıxarır.
Artıq vəziyyət o həddə çatıb ki, “Erməni İnqilabçı” adlı Teleqram səhifəsində Qarabağdakı ermənilərə məsləhət xarakteeli çağırışlar edilib. Həmin çağrışda deyilir:
“Zəhmət olmasa, öz tanışlarınızdan xahiş edin ki, İnstaqram səhifələrində oturduqları restoranlarda yeməkli şəkillərini paylaşmasınlar. Bu, “blokadanın” 25-ci günündə utancverici görünür”.
Bütün bu faktlar ermənilərin daha bir yalanını dünyada ifşa etmiş oldumu?
Azərbaycan Sosialist Partiyasının sədri Elşən Həsənov “Bakı-Xəbər”ə açıqlamasında bildirdi ki, Rusiya sülhməramlı kontingentinin Qarabağda müvəqqəti yerləşdirildiyi ərazidə azərbaycanlıların dinc aksiyası ilə bağlı Ermənistan mediası saxta xəbərlər yaymaqda davam edir: “Sosial şəbəkələrin erməni seqmenti və erməni KİV-i Xankəndinin "blokadası" və "ərzaq qıtlığı" ilə bağlı yalan məlumatlar yayır.
Həmin məlumatlarda bildirilir ki, guya Laçın yolunun “bağlanması” səbəbindən Qarabağda ərzaq qıtlığı başlayıb. Azərbaycanı “blokada”da ittiham edən ermənilər iddia edir ki, Qarabağda humanitar vəziyyət son dərəcə gərgin olaraq qalır. Halbuki, hər gün, bəzən gündə bir neçə dəfə təminat maşınları, humanitar karvanlar, təcili yardım maşınları həmin yoldan keçir. Bunu təsdiqləyən çoxlu foto və videolar da var. Bu arada ermənilər sosial şəbəkələrdə Qarabağdan fotolar yerləşdirirlər və orada insanların “ərzaq böhranından əziyyət çəkdiyini” iddia edirlər. Ancaq fotoda bunun tam əksi görünür: mağaza və bazarlarda ərzaq bolluğudur. Vəziyyət o yerə çatıb ki, media resursları yalanlarının ifşa olunmaması üçün, əhaliyə restoran və marketlərdən fotolar paylaşmamağı məsləhət görürlər.
Beləliklə, erməni təbliğatı bir daha öz yalanlarını ifşa edir”.
Partiya sədrinin sözlərinə görə, erməni təbliğatı növbəti dəfə saxtakarlıqlarını sırımağa cəhd edir, biz isə bütün Azərbaycan cəmiyyəti olaraq onlara vaxtında cavab verib, bu yalanları ifşa etməliyik:
“Azərbaycan tərəfindən aparılan vizual müşahidə, eləcə də digər ixtisaslaşmış dövlət qurumları vasitəsilə daxil olan məlumatlar göstərir ki, Qarabağda Rusiya sülhməramlı kontingentinin müvəqqəti yerləşdiyi zonada 30-35 min nəfər yaşayır ki, onların da təxminən yarısı yerli hərbiləşdirilmiş strukturların adamıarıdır. Əgər həqiqətən də, 120 min şəxs “blokadadadırsa” , niyə onlar evlərində sakit oturublar və kütləvi şəkildə etiraz etmirlər? Haradadır bu 120 min insan?
Laçın yolunda baş verənlər blokada deyil, etiraz aksiyasıdır. Üstəlik, aksiya təşkilatçıları Qarabağ ermənilərinin mülki maşınlarını buraxmağa hazır olduqlarını açıq şəkildə bəyan edərək, koordinatları təqdim ediblər. Bununla bağlı niyə müraciətlər olmur? Əsl blokadanı ermənilər son 30 ildə Naxçıvana qarşı ediblər. İndi də üzərlərinə götürdükləri öhdəliyi yerinə yetirmirlər ki, Zəngəzur dəhlizinin işə düşməsilə Naxçıvan həqiqi blokadadan çıxsın”.
Məhəmmədəli QƏRİBLİ
