Qarabağda separatçı-terrorçu rejim “hava limanı planı”nı yenidən gündəmə gətirir. Separatçı rejimin qondarma “spikeri” Artur Tovmasyan Rusiya, ABŞ və Fransaya müraciət ünvanlayıb.
Separatçılar hər üç ölkədən Rusiya sülhmərmlılarının müvəqqəti yerləşdiyi ərazidəki Xankəndi hava limanının (əslində Xocalı limanı) istifadəsinə dəstək istəyirlər. Ruben Vardanyan da yeganə “xilas yolları”nın hava limanının açılması olduğunu yenidən dilə gətirib: “Səhhətində ciddi problemlər olan xəstələr lazımi dərman və tibbi xidmətlərdən, “Artsax” uşaq qidası, qida və ilkin tələbat mallarından məhrumdur. Biz sivil dünyanı, xüsusən də Minsk Qrupunun həmsədr ölkələrini qışda Artsaxda qorxulu humanitar böhranın qarşısını alacaq dəhliz və ya hava körpüsünün istismarı üçün konkret addımlar atmağa çağırırıq”.
Burada məqsəd Laçın yolunda keçirilən aksiyanın tələblərinin yerinə yetirilməməsi və separatçı rejimin mövcudluğunun qorunması üçün çıxış yolunun tapılmasıdır.
Görünən odur ki, Xankəndi aeroportuna enən erməni təyyarələri vurulacaqğı ilə bağlı separatçı "deputatların" yeni təxribat törətmək və bu minvalla bizə qarşı beynəlxalq ictimayətdə mənfi rəy yaratmaq istəyirlər.
“Onların uydurmaları, şər böhtanları, yalanları hər an yeni təxribatlar üzərində qurulur”
Məsələyə münasibət bildirən AMİP-in sədr müavini Afsəddin Nəbiyevin fikrincə, bütün bunlar separatçıların növbəti oyunudur: “Əvvəla, belə bir istəyin yerinə yetirilməsi qeyri-mümkündür. Çünki bura Azərbaycan torpaqlarıdır və hava məkanı da Azərbaycana məxsusdur. Rəsmi Bakının icazəsi olmadan helikopterin belə qaldırılması mümkün deyil. Göründüyü kimi, Azərbaycan dövlətinin öz ərazisində təhlükəsizlik tədbirlərinini möhkəmləndirməsi, qaragüruhçu erməni siyasi cameəsini yenidən hərəkətə gətirib. Erməni siyasətçiləri dünyada baş verən geosiyasi məqamlardan istifadə etməyə çalışırlar. Ancaq onların heç bir cəhdi baş tutmayacaq. Dünya ölkələri, dünya liderləri ermənilərin şivənliyindən artıq bezib. Erməni siyasi liderlərləri iddia edirlər ki, guya Azərbaycan dövləti Qarabağda yaşayan ermənilər blokada şəraitində saxlayırlar. Belə bir yalanları tirajlamaq üçün yalnız erməni olmaq gərəkdir. Dünya ictimaiyyətinin, gözü qarşısında informasiya telekommunikasiyanın ən yüksək inkişafı dövründə yalanlar danışmağı, düşüncəmə görə yalnız erməni hiyləgərliyi, "bacara" bilər. Onların uydurmaları, şər böhtanları, yalanları hər an yeni təxribatlar üzərində qurululur. Elə aeroport böhtanı da bu təxribatların tərkib hissəsi sayıla bilər. Bütün dünya ictimaiyyətinə məlumdur ki, Azərbaycan dövləti tarixin bütün mərhələlərində terrorla ən aktiv mübarizə aparan aparan nümunəvi ölkələr siyahısındadır. Xankəndi aeroportu Azərbaycanın suveren ərazisində olsa belə, onun təhlükəsizliyinə Azərbaycan dövləti cavabdehlik daşıyır. Məntiqlə öz dövlətində təhlükəsizliyə cavadeh olan dövlət erməni təyyarələrini necə vurmaqla hədələyə bilər. Mən bir məsələni də yarızarafat halda demək istərdim ki, ermənilərin dünya dövlətlərinin liderlərindən imdad çağırışları artıq bir lətifəyə çevrilib. Ermənilər düşünürlər ki, belə uydurma cəfəng fikirlərlərlə Azərbaycana qarşı mənfi rəy yarada bilərlər. Baş verən hadisələr bütün dünyanın medianın gözü qarşısında baş verdiyi üçün ermənilər tərəfindən aparılan belə bir iyrənc təbliğat da fiaskoya uğrayacaq. Azərbaycan öz ərazisində təhlükəsizlik tədbirlərinini uğurla davam etdirməsinə heç bir qüvvə mane ola bilməyəcək”.
Vidadi ORDAHALLI
