Fiziki olaraq 2022-ci ilin 22 dekabrında ölsə də, əslində Azərbaycan xalqı və Azərbaycan üçün o çoxdan ölüb. Düşmən dəyirmanına su tökən, xarici qvvələrin göstərişi ilə xalqı, dövləti parçalamaq istəyən, 1992-1993-cü illərdə Azərbaycanı vətəndaş müharibəsinə aparan separatçı Ələkrəm Hümbətovu ölkəmizdə hər kəs dövlət müstəqilliyimizin düşməni kimi tanıyır. Uzun illər Hollandiyada yaşayan Ə.Hümbətova İranın molla rejiminin və Ermənistanın xüsusi rəğbət bəslədiyi məlumdur, elə o da düşmənlərimizə dost münasibət göstərirdi.
Yerli KİV-də yayılan məlumata görə, separatçı Ələkrəm Hümbətovun İran adlanan molla rejimi tərəfindən anım mərasimi keçiriləcək.
KİV-lərdə qeyd edilənə görə, bununla bağlı İranda vərəqələr yayılıb və vərəqələrdə “talış-muğan muxtar cumhuriyəti”nin banisi kimi təqdim olunan Ə.Hümbətovun anım mərasiminin yanvarın 7-də Tehranın Psixologiya İnstitutunun akt zalında keçiriləcəyi bildirilib.
Molla rejiminin separatçı Hümbətov sevgisi hər addımda özünü göstərir və ona yas tuturlar.
Mollakratiyanın separatçının ölüsünə də “bəzək-düzək” vurur.
“Molla rejimi Ələkram Hümbətov tipli xainlərin, separatçıların ölüsündən belə istifadə edərək...”
Siyasi ekspert Rövşən Rəsulov “Bakı-Xəbər”ə şərhində bildirdi ki, mollakratiyanın separatçı Hümbətovun ölüsünə yas tutması təsadüfi deyil. “Təbii ki, molla rejiminin bu kimi addımlarından təəccüblənməyə dəyməz. Faktiki olaraq Tehran rejimi rşı əlinə düşən hər bir fürsətdə təribatçı addımlar atır. Separatçı Hümbətovun anım mərasimini keçirmək istəklərini də buna əlavə etmək olar. Ələkram Hümbətovun kim olduğunu bir çox insanlar yaxşı bilirlər. Yəni hər kəs bilir ki, Hümbətovun niyyəti Azərbaycanı parçalamaq olub. Ölkəmizdə separatçılıq situasiyasını yaradaraq respublikamızın cənub bölgəsini suveren ərazilərimizdən qoparmaq və digər bu kimi xəyanət üsullarına əl atıb. Həmin vaxtlarda onu Azərbaycana qarşı xəyanətə sövq edən də mollakratiya rejimi olub. Yəni Tehran rejimi nəinki indi, hətta Azərbaycan dövlət müstəqilliyini bərpa etdikdən sonra öz tamahkar niyyətlərini biruzə verib, xain gözlərini ərazilərimizə dikib, Ələkram Hümbətov da İranın siyasi kuklası rolunu oynayıb. Ona görə də, bu gün Tehran rejimi tərəfindən sepaeratçı Hümbətovun anım mərasiminin keçiriləcəyinin elan olunması bir daha Azərbaycana qarşı yönəldimiş fars şovinziminin növbəti təxribatıdır. Ümumiyyətlə, biz İran adlanan ölkədə son vaxtlar Azərbaycana qarşı digər vasitələrlə də təxribatçı meyllərin, fikirlərin səsləndirildiyini görürük”.
R.Rəsulov qeyd edir ki, molla rejimindən SEPAH-ın, ayrı-ayrı generalların Azərbaycana qarşı hədyan hədələrini eşidirik, bütün bunların kökündə dayanan yeganə faktor Azərbaycanı düşmən kimi görməklə, təxrtibatlarını davam etdirməkdir. Molla rejiminin son dövrlər təxribatı daha da gücləndirdiklərini deyən R.Rəsulov bildirdi ki, onların məqsədi suverenliyimizə qarşıdır.
Azərbaycanın molla rejiminin təxrubatlarını cavabsız qoymayacağını deyən müsahibimiz qeyd edir ki, Azərbaycan ordusu dünya orduları arasında ən güclülər səfində yer alıb. Cənubi Qafqazın güclü ordusu sayılan Azərbaycan ordusunun hər an, hər zaman istəniən təxribata cavab vermək əzmində olduğunu deyən R.Rəsulov qeyd edir ki, molla rejiminin də bütün təxribatlarına cavab veriləcək.
“Molla rejimi Ələkram Hümbətov tipli xainlərin, separatçıların ölüsündən belə istifadə edərək Azərbaycana qarşı növbəti təxribata yol verir. Separatçının ölüsündən istifadə edib hansısa anım mərasimi təşkil etmək məsələsi Tehran rejiminin cılızlığından irəli gəlir. Bu cılız davranış ola bilsin, molla rejimi üçün “əhəmiyyətli” görünə bilər, amma Azərbaycan üçün bu əhəmiyyətsizdir.
Əmin olun ki, vaxtı çatanda Azərbaycan dövləti ona qarşı edilən bütün təxribatların qətiyyətli və layiqli cavabını verəcək. Bu gün Cənubi Azərbaycan ayağa qalxan soydaşlarımız öz azadlıqlarını tələb edirlər, milli hökumətin qurulması üçün fəaliyyətə başlayırlar. Ərdəbildə və Cənubi Azərbaycanın şəhərlərində, tarixi torpaqlarımızda Cənubi Azərbaycan Respublikasının yaradılaması yönündə kifayət qədər məhsuldar işlər gedir, soydaşlarımız ortaya qətiyyətli mövqe qoyurlar. Heç bir edam, heç bir represiya onların qarşısını ala bilməz. Yaşasın bütöv Azərbaycan! Yaşasın Cənubu Azərbaycandakı soydaşlarımızın mübarizə ruhu! Bu kimi şüarlarlar bizim qəlbimizdə və əməlimidə öz təsdiqini tapmalıdır. Bu baxımdan, Ələkram Hümbətov kimilərinin yolunu gedən və Tehran rejiminə
və Ermənistana yalmanan şəxslərin mollalar tərəfindən üstümüzə qaldırılması heç bir nəticə verməyəcək. Bu onların məğlubiyyətlərinin başlanğıcıdır” - deyə R.Rəsulov qeyd etdi.
Leyla QARAXANLI
