Minsk Qrupu həmsədrliyində ABŞ və Rusiyanın ikisi də səmimi olmadı… Zaxarovaya düzəliş...

img

Rusiya Xarici İşlər Nazirliyinin rəsmisi Mariya Zaxarova deyib ki, Moskva ABŞ-ın ATƏT-in Minsk Qrupunun həmsədrliyi çərçivəsində işləməyə hazır olması barədə bəyanatlarının səmimiliyinə şübhə edir: “İcazə verin, Karen Donfridin açıqlamalarının səmimiliyinə şübhə edim. Əgər Vaşinqton və Paris həqiqətən də Minsk Qrupunun unikal vasitəçilik formatını vacib hesab etsəydi, bütün iştirakçı dövlətlər tərəfindən təsdiq edilmiş mandatına etinadsız yanaşmazdı”.

Onun sözlərinə görə, ABŞ və Fransa fevralın 24-də Minsk Qrupunun rusiyalı həmsədri ilə təmasları heç bir məsləhətləşmə aparmadan kəsiblər.

Bu qəzəbli addımın səbəbləri ilə bağlı hələ dəqiq izahat alınmayıb:

“Bu cür məsuliyyətsiz hərəkətlərin təkrarlanmayacağına təminat yoxdur. Elə görünmək lazımdır ki, guya heç nə baş verməyib, heç nə alınmayıb. Yeni reallıqlardan dərs almaq lazımdır. Hesab edirdilər ki, Rusiyanı təcrid edəcəklər, amma konsepsiyalarında səhv etdilər və onlar özü təcrid oldu. Xarici dünya Avroatlantik məkanla məhdudlaşmır. Rusiya tərəfi Azərbaycanla Ermənistan arasında münasibətlərin normallaşmasında maraqlıdır. Rusiya imkan verə bilməz ki, müəyyən xarici oyunçuların siyasiləşmiş addımları regionda sülhün və sabitliyin bərqərar edilməsi üçün onsuz da çətin olan səyləri pozsun. Üç ölkə liderinin bəyanatlarında qeyd olunan öhdəlikləri və tapşırıqları qeyd-şərtsiz yerinə yetirmək üçün əlimizdən gələni etməyə davam edəcəyik”.

Göründüyü kimi, Zaxarova Minsk qrupunun iflasa uğramasında ABŞ-ı günahkar çıxarmağa çalışır. Bəs Rusiyanın özünün necə, həmin təsisatın iflasa uğramasında rolu olmayıb?

  • Elşad Musayev: “Minsk qrupunun bütün həmsədrləri məsuliyyətsizlik göstərdilər ki, münaqişə 30 il donmuş vəziyyətdə qaldı”

Böyük Azərbaycan Partiyasının sədri Elşad Musayev “Bakı-Xəbər”ə açıqlamasında bildirdi ki,  ATƏT -in Minsk qrupunun yarıtmaz fəaliyyəti hamının gözü önündə olub: “Bu səbəbdən də Azərbaycan bu formatdan imtina edib. ATƏT-in bu təsisatına həmsədrlik edən hər üç ölkə faktiki olaraq formatdan imtina edib. Ermənistan mətbuatı ABŞ rəsmisinin Minsk qrupu ilə bağlı dediklərini tirajlayır ki, güya ölmüş təsisat yenidən dirilir. Zaxarova da ABŞ-ı qeyri-səmimilikdə ittiam etdi. Heç Rusiyanın özü də həmin qurumda normal və məsuliyyətli mövqe ortaya qoymayıb. Bu yalnız Ermənistana sərf edən variantdır. Azərbaycan bu mövzunu ümumiyyətlə bağlayıb. Minsk qrupunun bütün həmsədrləri məsuliyyətsizlik göstərdilər ki, münaqişə 30 il donmuş vəziyyətdə qaldı. İndi də məsuliyyəti bir-birinin boynuna atmaqla dəfn edilmiş “ölünü” diriltməyə çalışmasınlar. Özləri Minsk qrupundakı nümayəndə ststusunu ləğv edib, onun yerinə xüsusi nümayəndə təyin ediblərsə, deməli, dəfn etfikləri mövzunu gündəmə gətirməklə gülməli vəziyyət yaradırlar. Sadəcə, ABŞ və Rusiya bizim coğragiyada bir-birini sıxışdırmaq, ittiham etmək üçün özlərinə mövzu axtarırlar. Ciddiyə alınası söhbət deyil”.

Məhəmmədəli QƏRİBLİ

Peşə etikası

Son xəbərlər