“Erevan Today” saytının verdiyi məlumata görə, Ermənistanın Vanadzor şəhərində çiçək xəstəliyi yayılıb. Erməni mətbuatı yazır ki, ölkə hakimiyyəti məsələni ört-basdır etməyə çalışır. Lakin şəhər sakinləri iri ağcaqanadların yaydığı qəribə çiçək xəstəliyindən danışırlar. İddialara görə, xəstəliyin mənbəyi Batumi küçəsində yerləşən biolaboratoriyadır. Obyektin çox ciddi mühafizə altında olduğu bildirlir.
Ermənistanda xarici gizli biolaboratoriyalar təsdiqləndi, bundan Azərbaycana hər hansı bir təhlükə varmı? Bu, Azərbaycan üçün hər hansı bir təhlükə mənbəyi sayıla bilərmi? Azərbaycan olaraq buna necə reaksiya verməliyik?
“Buna qarşı sərt münasibətlər göstərilməlidir”
Siyasi ekspert Tural İsmayılov “Bakı-Xəbər”ə şərhində bildirdi ki, Ermənistanda biolaboratoriyaların olması çoxdan məlum olan bir nüansdır. “Ermənistanın hazırkı hakimiyyəti ABŞ mərkəzinə aid olan bu biolaboratoriyaları gizli saxlamağa çalışırdı. Amma daha sonra Paşinyan tərəfindən biolaboratoriyaların olması ilə bağlı açıq etiraflar da edildi. Lakin buna baxmayaraq, bugünə qədər də Rusiya tərəfindən Ermənistana bu biolaboratoriyalar barədə sorğular göndərilməyib. ABŞ-dakı erməni lobbisi də bu məsələnin ört-basdır edilməsi üçün çox ciddi cəhdlə çalışır. Nəzərə almaq lazımdır ki, Ermənistandakı biolaboratoriyalarda hansı sınaqların aparıldığı məlum deyil. Ümumiyyətlə, bu biolaboratoriyaların gələcəkdə təkcə Ermənistanın özü üçün yox, bütöv Cənubi Qafqaz üçün hansı təhdidləri yarada biləcəyi ilə bağlı konkret olaraq ortada heç bir fakt yoxdur. Çünki Ermənistan bu biolaboratoriyaların fəaliyyətini gizlin saxlamağı davam edir.
Amma Ermənistanın Vanadzor şəhərində çiçək xəstəliyinin yayılmasından sonra bu biolaborotoriyaların fəaliyyəti şəffaf şəkildə araşdırılmalıdır. Vadnazor şəhərində bütün region üçün təhlükə yarada biləcək hər hansı bir yeni epidemiyanın ortaya çıxmaması üçün buraya ciddi baxış keçikrilməlidir”.
T.İsmayılov qeyd edir ki, Ermənistan hökuməti hələ bu xəstəliyin yayıldığını açıqlamayıb, amma bütün hallarda Vanadzor şəhərində ciddi yoxlamalar aparılmalı, ciddi baxış keçirilməlidir. “Təbii, Azərbaycanın buna reaksiyası bu formada olmalıdır ki, beynəlxalq təşkilatlardan bu məsələni daim diqqətdə saxlaması üçün mövqe almalıdır. Rusiyanın hərbi elitasında təmsil olunan bəzi simalar haqsız yerə Azərbaycanda hansısa biolaborotoriyaların olduğunu iddia edirdilər, amma bu biolaborotoriyaların hansı ölkədə olduğu göz qabağındadır. Ermənistandakı biolaborotoriyalar bütün coğrafiya üçün təhlükə yaradır. Metsamor elektrik stansiyasına göz yumanların biolaborotoriyalarla bağlı sükutu davam edəcəksə bu yeni problemlərə səbəb olacaq. Əlbəttə, burada hanısa təhlükəli təcrübələrin, sınaqların aparıldığı ortaya çıxsa bu təbii ki, Azərbaycan və Gürcüstan üçün də risq formalaşdırır. Buna qarşı sərt münasibətlər göstərilməlidir”- deyə T.İsmayılov qeyd etdi.
İradə SARIYEVA
