“Oğuz babanız çörəyə görə qətliam törədəndə Kir dünyanı fəth edirdi” - iranlı deputat türkləri təhqir etdi...

Bünyamin Qəmbərli: “Salehi İranın və Kirin tarixini yaxşı bilmək istəyirsə, yunan tarixçisi Herodotun “Tarix” kitabını oxusun”

img

İzə şəhərindən İran parlamentinə seçilmiş  Hidayətullah Salehi (Xadimi)  azərbaycanlıları, bütövlükdə türkləri təhqir edib.

Mətbuatın verdiyi xəbərə görə, İranın parlament nümayəndəsi bunu özünün tvitter hesabında yazıb. 

O, Təbrizin “Səhənd” stadionunda Azərbaycan Respublikasının bayrağını qaldıranları “tula” adlandırıb.“Ölkənin çörəyini yeyib stadionda Türkiyə və sionistlərin muzdlu tulaları kimi bağırıb iranlıları, böyük Kiri təhqir edənlər bilməlidirlər ki, onların Oğuz babaları çöllərdə bir tikə çörəyə görə talan və qətliam törətdikləri vaxtdan 2 min il qabaq Kir və iranlılar Yer kürəsinin 50 fazinə hökm edirdilər". 

O, Ərdəbildə qurulan Səfəvi dövlətinin Osmanlı imperiyasını məhv etdiyini, Nadir şahın bunu davam etdirdiyini iddia edib.

Hidayətullah Salehi stadionda Azərbaycan bayrağı qaldırıb türkcə şüar deyənlərin azlıqda olduqlarını yazıb və Təbriz nümayəndələrindən məsələ ilə bağlı açıqlama vermələrini istəyib. 

Qeyd edək ki, mayın 19-da Təbrizin "Səhənd" stadionunda "Traxtur" və "Persepolis" komandalarının qarşılaşması zamanı azərbaycanlı fəallar Azərbaycan Respublikasının bayrağını qaldırıblar.

Türkiyə bayrağı ilə birgə Azərbaycan bayrağının qaldırılması tamaşaçılar tərəfindən alqışlarla qarşılanıb. 

Sosial media fəalları iki komandanın oyununda İran bayrağı gözə dəymədiyi halda Azərbaycan Respublikasının bayrağının qaldırılması və coşğu ilə qarşılanmasını İran hökumətinə mesaj kimi dəyərləndiriblər. 

  • “...Onun kimi savadsızların, tərbiyəsizlərin hesabına İranın parçalanması sürətlənəcək”

Sabiq deputat, müstəqil siyasətçi Bünyamin Qəmbərli “Bakı-Xəbər”ə şərhində İran təmsilçisinin fikirlərinə kəskin reaksiya verdi: “Əvvəlcə onu deyim ki, bu adamın adı Hidəyət (Hidəyətullah)   olsa da, o, hidayətdən çox uzaqdır, soyadı Salehi olsa da saleh əməllərə yaxın gələn adam deyil. Bu adam nə danışdığını belə bilmir. Bizim gözəl məsəlimiz var: “Hərə öz ürəyindən pay biçər”. Bu adam özü tuladır, tulalıq edir, hamını da özü kimi qəbul edir. Özü tula olan və hidayətdən xəbərsiz bəd əməllər sahibi olan İran parlamentarisi tərbiyəsizcəsinə türk millətini təhqir edir. Bu, farsların Kirindən danışır. O Kirdən ki, Tomris anamız onu döyüş meydanında məğlub edib başını kəsib qan tuluğuna saldı, “nə qədər istəyirsən iç” dedi. O, o Kirdən danışır ki,  o Kir Hidayətullah Salehinin özü kimi bütün pisliklərə bulaşan və pislikləri qəbul edən bir adam idi. Pisliklər, hiylələr, fırıldaqlar edərək Massagetlərin ordusunun bir hissəsini qılıncdan keçirtdi. Burada deyim ki, bu adamın nədən danışdığını bilmirəm, amma hər halda tarixdən danışmır. Çox savadsız adamdır. Farsların bu bölgəyə hardan gəlişi də, gəliş tarixi də bəlli deyil. Farslar bu bölgəyə miladdan öncə 8-ci yüzillikdə Hindistanda Hind çayı hövzəsindən gəliblər. Onların gəliş tarixi budur. Bu adam Səfəvilərdən və Nadir Şahdan danışır. Səfəvilərin farslara, İrana nə dəxli var? Səfəviləri təşkil edən 7-8 tayfanın hamısı təmiz türk tayfasıdır. Təkəli, Qacarlar, Əfşarlar, Ustaclı və başqa tayfaların farslara nə aidiyyəti var? Digər tərəfdən, Nadir şah Əfşar təmiz türk idi, Əfşar tayfasından idi. Nə ordusunda, nə də ki, sarayında farslara meydan, yer vermirdi. Hidayətullah Salehi tərbiyəsizlik edir və onun kimi savadsızların, tərbiyəsizlərin hesabına İranın parçalanması sürətlənəcək. Onu da deyim ki, Salehi İranın və Kirin tarixini yaxşı bilmək istəyirsə yunan tarixçisi Herodotun “Tarix” kitabını oxusun. Herodot göstərir ki, Kir nə qədər aciz, qorxaq adam olub və Tomrisin qarşısında aciz durumda qalıb. Oğuz babalarımızın tarixdə qoyduğu izlər də, əməlləri də bütün dünyaya məlumdur”. 

B.Qəmbərli hesab edir ki, bu cür təxribatçı tvit atan və İranda qarışıqlıq yaradan Salehi kimilərinin bu davranışı nəticəsində İran parçalanacaq, bununla da farsların özü çox ciddi təsir altına düşəcəklər: “Çünki farsların elə bir dövləti, elə bir mədəniyyəti olmayıb və bu gün də görürsüz ki, dövləti daha çox türklər idarə edir. Yəni Xəmneyi də, çoxları da türkdür. Nəhayət onu deyim ki, Azərbaycan hakimiyyətinin bütün insanpərvərliyinə, humanistliyinə, qonşuluq siyasətinə baxmayaraq, İran hələ də quduzluğunu və düşmənçiliyini yerə qoymayıb”.

B.Qəmbərlinin sözlərinə görə, İranla bağlı Türkiyənin xoş niyyətlərinə baxmayaraq, bunu bu cür tərbiyəsizlər, savadsızlar yanlış anlayır və yəqin Türkiyə hökuməti də İrana etdiyi mehribanlığı bir daha etməz.     

Əli TURABOV

Peşə etikası

Son xəbərlər