Feministlər və siyasiləşmiş cinsi azlıqlar Bakı meydanlarında təşəbbüsü ələ almağa çalışır...

Elşad Həsənov: “Aksiyada fəallıq edən feministlər, cinsi azlıqıar bizim cəmiyyətimizə tamamilə yaddırlar”

img

“Fəvarələr meydanı”nda keçirilən son etiraz  aksiyası bir sıra maraqlı məqamları ilə yadda qaldı. İştirakçıların, demək olar ki, əksəriyyəti müxtəlif rəngli gödəkcələr geyinmiş qızlar idi, onlar da özlərini “jurnalist” kimi göstərirdilər.

Aksiyadan öncə aparılan genişmiqyaslı reklam kampaniyası ilə müqayisədə iştirakçların olmaması göstərdi ki, belə qrupların heç bir sosial dayağı yoxdur. Əslində olmaması təəccüblü də deyil. Təkcə ona görə yox ki, Azərbaycan cəmiyyəti üçün gündəlik həyatı bu cür  qrupların absurd iddialarından daha maraqlıdır, həm də aksiya göstərdi ki, bu, nə milli dəyərlərimizə, nə də xalqımızın düşüncəsinə uyğundur. Aksiyada qaldırılan plakatlardan birində “Petuxlar mafiya sistemə qarşı” “şuarı” yazılmışdı.

LGBT-nin bayrağı ilə bəzənmiş aksiyada bu kimi şüarlar çoxluq təşkil edirdi. Bundan da məlum olur ki, aksiya iştirakçıları nə xalqın düşüncəsini təmsil edir, nə də onların istəyi xalq üçün nəyəsə nail olmaq idi. Onlar sadəcə qrant əldə etmək üçün xarici dairələrin sifarişi yerinə yetirirlər. Şüarlar və bayraqlar hər şeyi çılpaqlığı ilə nümayiş etdirir.

Ən diqqətçəkən məqam polisin etik və qanunlar çərçivəsində davranışı oldu. Hətta polisin ünvanına açıq şəkildə tərbiyəsiz və təhqiramiz şüarlara baxmayaraq (“Polis olma, adam ol”), heç bir zorakılığa yol verilmədi.

Azərbaycana tamamilə yad olan feminizm hərəkatı başlayandan intihar, boşanma və s. kimi problemlər adi hala çevrilib. Bu hərəkat qadınların süni şəkildə kişilərin üzərinə qaldırılmasında, ailə institutunun dağıdılmasında, ağsaqqala hörmət ənənəsinin aradan götürülməsində, övlad-valideyn münasibətlərinin korlamasında böyük rol oynayır.

Bizdəki feministlər “Mən qadınam, istədiyim hərəkəti edərəm, edirəm”, “Kişi pozğunluq edə bilirsə, mənim də pozğunluq etmək hüququm var” tipli zərərli fikirlər yayır. Halbuki, nə kişinin, nə də qadının bu hərəkətləri etmək hüququ var. Bunu etməklə Qərbdəki ağalarına performans göstərirlər, qazanc əldə edirlər. Azərbaycanın ailə institutunu içəridən dağıdırlar.

Feministlər və siyasiləşmiş cinsi azlıqların Bakı meydanlarında təşəbbüsü ələ almağa çalışmasında başqa hansı maraqlar ola bilər?

Siyasi şərhçi Elşad Həsənov “Bakı-Xəbər”ə açıqlamasında bildirdi ki, may ayının 14-də bir qrup şəxsin təşkil etdiyi aksiyada biz biabırçı mənzərəni seyr etdik: “Həmin aksiyanın başlıca tələbi “ictimai fəallara qarşı törədilən cinayətlərə son qoyilması” ilə bağlı idi. Onlar həmin aksiyada əsas tələb kimi Daxili İşlər Nazirliyinin cəzalandırılmasını qoymuşdular. Qeyd edim ki, belə məzmunlu davranışlar  ölkəmizin imicinə  ciddi ziyan vurur. Sağlam məntiqlə baxsaq, heç bir hakimiyyət istəməz ki, belə cinayətlər olsun, bunun da nəticəsində özünü hədəf eləsin. Biz bilirik ki, həmin dairələrin nəzarətində olan adamlarla bağlı nəsə baş verən kimi beynəlxalq təzyiqlər güclənir. Hətta ABŞ kimi ölkənin Dövlət Departamenti belə bu cür məsələrə reaksiya verir. Hansısa jurnalistə qarşı zorakılıq etmək qətiyyən hakimiyyətə lazım deyil. Bu baxımdan da aksiyanın tələbi çox məntiqsiz olub. Bu cür  hadisələri törətməklə  hakimiyyəti hədəfə gətirmək istəyən qüvvələr var. Aksiyada fəallıq edən feministlər, cinsi azlıqıar bizim cəmiyyətimizə tamamilə yaddırlar. Xarici qüvvələrin təşəbbüsü ilə ortaya çıxan həmin qrupların tələbləri bizim mentalitetimizə qətiyyən uyğun deyil. Son aksiyada biz onların səsləndirdiyi  şuarları və qaldırdıqları plakatları gördük. Buna biabırçılıqdan başqa heç bir ad vermək olmaz. Onların bir məqsədi vardı - provokasiya törətmək. Hiss etdik ki, polislər onların təxribatına uymadılar, aksiya dinc şəraitdə  keçdi. Vəziyyəti gərginləşdirmək istəyən üçüncü qüvvələr mütləq tapılaraq ifşa olunmalıdır. Mən əminəm ki, DİN bunun  öhdəsindən gəlməyi bacaracaq. Xüsusilə də Qarabağla bağlı gedən danışıqların belə həssas məqamında daxildə gərgiliyə imkan vermək olmaz”.

Məhəmmədəli QƏRİBLİ

Peşə etikası

Son xəbərlər