Paşinyan Rusiyadan tam asılılığını belə pərdələmək istədi - Əliyev Brüsseldə və Moskvada mənim barəmdə fərqli danışır...

Afsəddin Nəbiyev: “Son iki əsrdə erməni xalqı yalançı və uydurma təbliğatın əsirinə çevrilib”

img

Ermənistan Baş naziri Nikol Paşinyan Niderlandda Azərbaycan əleyhinə qarayaxmalarını davam etdirərək, bu dəfə lap ağ yalan danışıb.

Paşinyan Niderlandda, Klinqdeyl beynəlxalq münasibətlər institutunda “Ermənistan-Niderland” mövzusunda oxuduğu mühazirənin ardınca səslənən suallara cavab verərkən Azərbaycanı Ermənistana və Dağlıq Qarabağa münasibətdə “aqressiv siyasətini” davam etdirməkdə ittiham edib: “Təəssüf ki, Azərbaycan Ermənistan və Dağlıq Qarabağa münasibətdə xeyli aqressiv siyasətini davam etdirir. Siz bilirsiniz ki, Dağlıq Qarabağda Rusiyanın sülhməramlı kontingenti var. Və Azərbaycan diplomatiyasının son aylardakı siyasəti bundan ibarətdir: Onlar Avropa İttifaqında deyirlər ki, Ermənistan Rusiyayönlü ölkədir. Ancaq Rusiyada bildirirlər ki, Ermənistan qərbyönlü ölkədir. Bəzən də deyirlər ki, Ermənistana rəngli inqilab vasitəsilə yerləşdirilmiş hökumət Rusiyaya qarşı çıxış edir”.

Paşinyan bildirib ki, onun qənaətinə görə, Azərbaycanın bütün bunlarda məqsədi aqressiv siyasətini həm Qərbə, həm də Rusiyaya qəbul etdirməkdir. Daha sonra vurğulayıb ki, Azərbaycanın belə mövqeyilə bağlı öz arqumentləri də var: “Obyektiv reallıq bundan ibarətdir ki, belə mövqeyin əsaslandırılmasının öz arqumentləri var. Çünki Ermənistan Rusiyanın strateji müttəfiqidir, KTMT, Avrasiya İqtisadi İttifaqının üzvüdür və Rusiya ilə çox isti və sıx əlaqələri var. Digər tərəfdən Ermənistanla Avropa İttifaqı və Aİ üzvü olan ölkələr arasında münasibətlər dərinləşir, çünki demokratik islahatlar sahəsində Aİ Ermənistanın əsas partnyorudur”.

Görünən odur ki, Paşinyan Rusiyadan tam asılılığını pərdələmək üçün belə ikibaşlı açıqlamalar verir. Çünki Ermənistanın Rusiyadan nə qədər asılı olduğu kiməsə sirr deyil.

  • “Əslində Paşinyan Rusiya ilə Avropa arasında çox çətin vəziyyətdə qalıb”

Sözügedən məsələ ilə bağlı fikirlərini “Bakı-Xəbər”lə bölüşən AMİP-in sədr müavini Afsəddin Nəbiyevin fikrincə, Paşinyan düşdüyü ağır durumu diqqətdən kənarda saxlamaqla beynəlxalq ictimaiyyətə ağ yalanlar söyləməkdədir: “Paşinyan özü də çox gözəl başa düşür ki, Azərbaycan dövləti və xalqı ərazi bütövlüyümüzlə bağlı məsələlərdə vahid mövqedən çıxış edir. Azərbaycan cəmiyyətində bu məsələ ilə bağlı xalqımız dövlətçiliyimiz uğrunda vahid Dəmir Yumruq halında billəşib. Paşinyanın ən böyük səhvi ondan ibarətdir ki, beynəlxalq ictimaiyyətə həqiqəti açıq deyə bilmir. Açıq şəkildə söyləyə bilmir ki, son iki əsrdə erməni xalqı  yalançı və uydurma təbliğatın əsirinə çevrilib. Bu xalqı illərdir siyasi alət kimi istifadə edərək acınacaqlı bir vəziyyətə gətirib çıxarıblar. Ona görə də bu dövlət müstəqil siyasət aparmaq gücündə deyil. Ancaq Azərbaycan istər Avropa, istərsə Rusiya və digər dövlətlərlə bərabər beynəlxalq hüquqa söykənən müstəqil siyasət aparır. Artıq dünya erməni yalanlarından bezib. Bunu özləri də erməni cəmiyyəti içərisində etiraf edirlər. İndiki məqamda isə vəziyyəti bir az uzatmaq üçün ağ yalanlar uydururlar. Əslində Paşinyan Rusiya ilə Avropa arasında çox çətin vəziyyətdə qalıb. Belə bir məşhur aforizm var: "Hədəfi olmayan gəmiyə heç bir külək kömək etməz". Ermənistanın heç bir hədəfi aydın görünmür. Gözlərini dikiblər ki, görsünlər bunları kim xilas edəcək. Paşinyan əslində bu ağ yalanları ilə Rusiyadan asılılığını pərdələmək istəyir. Ancaq bu alınmır. Ona görə ki, hər şey ortadadır”.

Sədr müavini onu da qeyd etdi ki, prosesləri yubatmaq Ermənistanın ziyanına işləyir.

Vidadi ORDAHALLI

Peşə etikası

Son xəbərlər