Hollandiyada səfərdə olan Ermənistanın baş naziri Nikol Paşinyan yenə “ənənəvi” mövqeyindən çıxış edərək bir sıra məsələləri təhrif etməklə məşğuldir. Belə ki, Paşinyan Qarabağ danışıqları ilə bağlı Azərbaycanın ünvanına əsassız ittihamlar səsləndirib.
Ermənistan baş naziri iddia edib ki, Azərbaycanın təkliflərində bizim üçün qəbuledilməz olan heç nə yoxdur, lakin bütün məsələləri əhatə etmir: “Azərbaycan münasibətlərinin normallaşdırılması ilə bağlı öz ideyalarını təqdim edib, burada beş əsas məqam var. Söhbət bir-birinin ərazi bütövlüyünün qarşılıqlı tanınmasından, sərhədlərin demarkasiyası və delimitasiyasından, bir-birinə qarşı ərazi iddialarının olmamasından gedir. Bu təkliflərdə bizim üçün qəbuledilməz olan heç nə yoxdur, lakin bütün məsələləri əhatə etmir. Biz təhlükəsizlik məsələlərini, Dağlıq Qarabağ ermənilərinin hüquqlarını və Dağlıq Qarabağın yekun statusunu gündəmə gətirmişik. Aprelin 6-da Avropa İttifaqı Şurasının prezidenti Şarl Mişelin iştirakı ilə keçirilən görüşdə Azərbaycan Prezidenti ilə bu məsələni müzakirə etdik. Dedim ki, bizə təklif olunan məqamlarda qəbuledilməz heç nə yoxdur. Əgər Azərbaycan tərəfi iki ideyanı birləşdirməyə və bu əsasda danışıqlara başlamağa razı olarsa, o zaman biz buna hazırıq. Lakin Azərbaycan son vaxtlar bəyanatlar verir ki, danışıqlar masasında yalnız Azərbaycanın təklifləri var. Bu, Brüsseldəki razılaşmalara uyğun deyil”.
Görünən odur ki, Paşinyan yenidən pozuculuq möqeyindən çıxış edərək məsələləri bir-birinə qatmaq və bu minvalla danışıqlar prosesini uzatmaq istəyir.
“Hesab edirlər ki, prosesi yubatsalar bəlli bir müddətdən sonra vəziyyət onların xeyrinə dəyişə bilər”
Sözügedən məsələ ilə bağlı fikirlərini “Bakı-Xəbər”lə bölüşən Demokratik Dəyişim Partiyası Təşkilat Komitəsinin sədri Əli Mustafayev hesab edir ki, Paşinyanın belə ziddiyətli mövqedən çıxış etməsi bir sıra amillərdən qaynaqlanır: “Məqsəd danışıqlar prosesini uzatmaq, mümkün qədər sülh sazişinin imzalanmasını yubatmaqdır. Burada bir sıra faktorlar buna öz təsirini göstərir. İş ondadır ki, ölkə daxilində bir sıra təhdidlər var, ictimai rəy birmənalı deyil. Ermənistanda təslimçilik ruhunu hələ hamı qəbul etməyib. Başqa bir tərəfdən revanşist Rusiyayönümlü müxalifət bu və ya başqa formada onu sıxışdırır. Çünki biz görürük ki, Kreml revanşistlərin timsalında təzyiqləri artırır. Digər bir tərəfdən, bu, ermənilərin xislətindən irəli gəlir. Çünki onlar Ermənistan üçün əlverişli olmayan bir dönəmdə sülh sazişini imzalamaq istəmirlər. Hesab edirlər ki, prosesi yubatsalar bəlli bir müddətdən sonra vəziyyət onların xeyrinə dəyişə bilər. Düşünürlər ki, Rusiya Ukraynada məğlub olsa, onlar Qərbə doğru birbaşa reveranslar edəcəklər. Başqa bir tərəfdən, Paşinyan ciddi bir siyasi fiqur deyil. O mənada ki, verdiyi sözün üstündə dursun. Bu da erməni xalqının əxlaqından, xislətindən irəli gələn bir məsələdir. Çünki onlar sabitqədəm xalq deyillər. O üzdən, Paşinyan belə bir xalqın təmsilçisi kimi gündə bir söz deyir. Lakin hesab edirəm ki, bu cür ziddiyətli mövqe sərgiləməklə Ermənistan hakimiyyəti vəziyyəti öz xeyrinə dəyişə bilməyəcək”.
Ə.Mustafayev onu da qeyd etdi ki, Paşinyanın nə deməsindən asılı olmayaraq Ermənistan yeni reallıqlarla hesablaşmağa məhkumdur.
Vidadi ORDAHALLI
