Azərbaycan azad edilmiş ərazilərdə bərpa və yenidənqurma işləri ilə yanaşı nəqliyyat kommunikasiyasını bərpa etmək üçün üzərində düşən öhdəliyi yerinə yetirir.
Trend-in məlumatına görə, bunu Azərbaycan xarici işlər naziri Ceyhun Bayramov Azərbaycanda səfərdə olan Moldovanın Xarici İşlər və Avropaya İnteqrasiya naziri Niku Popesku ilə birgə mətbuat konfransında deyib.
Nazir bildirib ki, Azərbaycan Ermənistan sərhəddinə kimi 110 kilometrlik dərmir yol xəttinin tikintisinə hələ 2021-ci ildən başlayıb. Hazırda həmin işlərin 24 faizi yerinə yetirilib və 2023-cü ildə bu işlərin tamamlanması nəzərdə tutulur.
Avtomobil yolu üzrə isə işlərin 27 faizi tamamlanıb. Bu Azərbaycan tərəfindən üzərinə götürdüyü işlərə necə məsuliyyətlə yanaşmasının təzahürüdür. Ermənistan tərəfindən isə ziddiyətlı açıqlamalar və bəyanatlardan başqa heç bir iş görülmür.
