Ermənistanın milli təhlükəsizliyinə təhdid yaradan ölkələrlə bağlı soğu keçirilib. Sorğunun nəticələrinə əsasən Ermənistana təhlükə yaradan ölkələrin adı açıqlanıb.
Belə ki, siyahıda Ermənistanla qonşu olan bütün ölkələr yer alıb. Belə çıxır ki, ermənilər bütün qonşularından təhlükə görürlər. Ermənistanla hansı ölkə həmsərhəddisə və yaxud da regiona yaxın yerləşirsə, həmin ölkə təhdid mənbəyi hesab olunur. Ermənilər ən çox Türkiyəni ölkə üçün təhdid mənbəyi hesab edirlər. Türkiyədən sonra Azərbaycan təhdid mənbəyi hesab olinur. Sorğuda təəccüb doğuran məqam o olub ki, Rusiya Ermənistanın milli təhlükəsizliyinə təhdid yaradan ilk üç dövlətdən biridir. Sorğu iştirakçıları Türkiyə və Azərbaycandan sonra Rusiyanı ölkənin milli təhlükəsizliyi üçün əsas təhdid hesab ediblər. Hansı ki, Rusiya Ermənistanla müttəfiqlik münasibətlərinə malikdir. Hər iki ölkə Avrasiya İqtisadi İttifaqında və Kollektiv Təhlükəsizlik Müqaviləsi Təşkilatında təmsil olunur. O cümmlədən, Ermənistanın kənd təsərrüfatı mallarının əsas satış bazarı məhz Rusiyadır. Ən nəhayət, məhs Rusiyanın müdaxiləsi imkan vermədi ki, Qarabağ tam Azərbaycanın nəzarətinə keçsin. Bütün bunlara rəğmən, ermənilər Rusiyanı təhdid mənbəyi kimi görür.
“Başlıca amil 2020-ci ildə onların Qarabağda məğlub olmaları ilə bağlıdır”
Məsələyə münasibət bildirən Dirçəliş və Tərəqqi Partiyasının sədri Ramil Hüseynov ermənilərən Rusiyaya təhdid mənbəyi kimi baxmasını əsasən iki amillə əlaqələndirdi: “Başlıca amil 2020-ci ildə ermənilərin Qarabağda məğlub olmaları ilə bağlıdır. Məsələ ondadır ki, ermənilər buna görə Rusiyanı bağışlaya bilmir. Baxmayaraq ki, Rusiya ərazilərimizin işğalında həlledici rol oynayıb. İşğaldan sonra ermənilər çox güclü müdafiə mövqeləri qurublar və arxayın idilər ki, Azərbaycan əsgəri müdafiə səddini geçə bilməyəcək. Ancaq məlum olduğu kimi, hadisələrin gedişi tamamilə fərqli oldu. Lakin ermənilərdə belə bir arxayınçılıq var idi ki, Rusiiya heçvaxt Azərbaycana genişmiqyası hücum etməyə imkan verməz. Bununla bağlı ortada 2016-cı il Aprel döyüşlərinin təcrübəsi var. Döyüşlər 4 gün davam edəndən sonra Rusiya bunu dayandırdı. Ermənilər əmin idilər ki, 2020-ci ilin payızında da belə olacaq. Ancaq tam fərqli mənzərə yarandığı üçün ermənilər Rusiyaya təhdid mənbəyi kimi baxır. İkincisi, bu, ölkədə Qərbə yaxın olan qüvvələrin hakimiyyətdə olması ilə bsağlıdır. Paşinyan hakimiyyətə gələndən sonra bəlli mətbuat orqanları davamlı olaraq Rusiyaya qarşı təbliğat aparır. Ölkədə bir neçə dəfə müxtəlif səviyyələrdə Rusiya əleyhinə aksiyalar keçirilib. Bütün bunların nəticəsində Rusiyaya qarşı münasibət mənfi mənada dəyişib. O üzdən Rusiya Ermənistan üçün təhdid mənbəyi sayılır”.
Partiya sədri hesab edir ki, bunda xaricdəki erməni diasporunun da mühüm rolu var.
Vidadi ORDAHALLI
