Hər zaman olduğu kimi, Birləşmiş Ştatlardakı erməni lobbisi Azərbaycana qarşı fəaliyyətini dayandırmır. Ermənipərəst konqresmenlər yenə ttəxribatla məşğuldularr.
Başda hind əsilli konqresmen Rac Krişnamurtin olmaqla Konqresinin Nümayəndələr Palatasənda bəzi üzvləri ermənilərin təəssübünü çəkməkdə davam edirlər. Yaydıqları bəyənatda ölkəmizlə bağlı həqiqəti əks etdirməyən fikirlər yer alıb. Çağrış edilir ki, Azərbaycan hökuməti bütün erməni “hərbi əsirləri” (diversantları) və əsir götürülmüş mülki şəxsləri dərhal və ilkin şərt olmadan azad etsin: “2020-ci ilin sentyabrında Azərbaycan Türkiyənin dəstəyi ilə “Artsax Respublikası”nı bombalayıb, erməni məktəblərini və ibadət yerlərini hədəfə alıb, günahsız mülki insanları qətlə yetirib. Həmin hadisələrdən təxminən bir il keçməsinə baxmayaraq, Azərbaycan bütün “məhbuslar”ın azadlığa buraxılması ilə bağlı birgə bəyanata baxmayaraq, 2020-ci ildə əsir götürdüyü erməni hərbi əsirləri qanunsuz olaraq saxlamağa və onlara işgəncə verməyə davam edir”.
Bu qədər iftiramı olar? Məgər Azərbaycanda həri əsir var? Davamlı olaraq ermənipərəst konqresmenlərin bu məsələni gündəmə gətirməkdə məqsədi nədir?
“Diversantlar məsələsini qabartmaqla Ermənistanın danışıqlara daha əlverişli şərtlərlə getməsinə yardımçı olmaq istəyirlər”
Məsələyə münasibət bildirən politoloq Elşən Manafovun fikrincə, bir sıra konqresmenlər erməni lobbisinin girovuna çevriliblər: “ABŞ Konqresinin nümayəndələr palatasında bu məsələni qaldıran və müzakirə predmetinə çevirən konqresmenlərin erməni diasporası ilə ciddi əlaqələri var. Sözügedən konqresmenlər adətən erməni diaporası ilə əməkdaşlıq edən, onun lobbiçilik fəaliyyətindən maliyyə dəstəyi alan siyasətçilərdir. Digər tərəfdən konqresmenlərin partiya mənsubiyyəti də, bu məsələdə az əhəmiyyət kəsb etmir. Əsasən Demokratlar Partiyasını təmsil edən konqresmenlər ermənilərin mənafeyindən çıxış edir. Bunlar həm də milyader Corc Sorosla yaxındılar. Məhz Sorosun maliyyə dəstəyi ilə Ermənistanda Paşinyan iqtidarı hakimiyyətə gəldi. Məhz onların sifarişi və göstərişi ilə Paşinyan faktiki olaraq danışıqları dalana gətirmiş və tərəflər arasında müharibə qaçılmaz olub. Məqsəd Ermənistanı Rusiyanın təsir dairəsindən çixartmaq, bölgədə Rusiya-Türkiyə qarşıdurmasının güclənməsinə nail olmaqdır. Həmçinin, Rusiyanın təcavuzkar siyasət yeritdiyini iddia edərək ona qarşı sanksiyaları gücləndirmək, bu ölkənin Avropanın enerji bazarındakı monopolist mövqelərinə zərbə endirmək idi. Lakin nə Putin, nə də Ərdoğan bu tələyə duşmədilər. Azərbaycan isə münaqişənin güc tətbiq etməklə həlli üçün yaranmış əlverişli beynəlxalq və regional vəziyyətdən istifadə edərək dəqiq gedişlərlə ərazi butövlüyümüzün bərpa olunması ilə bağlı məlum problemi bir göz qırpımında həll etdi. Bu isə bölgədə yeni geosiyasi reallıqların yaranmasına gətirib çixartdı”.
Politoloq hesab edir ki, yeni reallıqlar ABŞ-ı qane etmədiyi üçün belə xoşagəlməz hallar baş verir: “Bu səbəbdən Birləşmiş Ştatlar gah Minsk Qrupunu diriltmək istəyir, gah da digər vasitələrə əl atır. Konqresmenlər diversantlar məsələsini qabartmaqla Ermənistanın danışıqlara daha əlverişli şərtlərlə getməsinə yardımçı olmaq istəyirlər. Lakin yeni geosiyasi reallıqlar, habelə Ermənistanın öz daxilindəki durum, bölgədə 3+3 formatında əməkdaşlığın gücləndirilməsi zərurəti Paşinyanı daha realist və praqmatik addimlar atmağa sövq etməlidir. Elə buna görə də Paşinyan ötən həftə keçirilən görüşdə sülh müqaviləsinin imzalanması zərurətindən danışdı Türkiyə ilə diplomatik münasibətlərin normallaşdırılması fonunda, Ermənistanın qarşıdakı danışıqlarda daha praqmatik mövqe sərgiləyəcəyi gözləniləndir”.
Politoloq onu da qeyd etdi ki, yaranan yeni reallıqlar fonunda, Azərbaycanla təhdid-təzyiq dilində danışmaq cəhdləri baş tutmayacaq.
Vidadi ORDAHALLI
