44 günlük müharibədən sonra Rusiya sülhməramlı qüvvələrinin müvəqqəti nəzarətinə keçmiş Azərbaycan ərazilərində fəaliyyət göstərən qanunsuz erməni silahlı birləşmələrinin sıraları sürətlə seyrəlir.
Buna səbəb Ermənistanın artıq üçüncü çağırışdır ki, Azərbaycan ərazilərinə əsgər göndərməməsidir. Konstitusiya məhkəməsinin keçmiş aparat rəhbəri və keçmiş səfir Edqar Kazaryan özünün Facebook səhifəsində bu haqda yazıb. Bildirib ki, artıq üçüncü dəfədir “dqr müdafiə ordusundan” çağırışçılar tərxis olunur, amma yeniləri göndərilmir. Söhbət Ermənistandan olan Qarabağda xidmətə göndərilən çağırışçılardan gedir.
Qeyd edək ki, Ermənistanda həqiqi hərbi xidmət müddəti iki ildir və bu baxımdan 2020-ci ilin payızındakı müharibədən əvvəl orduya çağırılıb Azərbaycanın o zaman işğal altında olan ərazilərinə göndərilən çağırışçıların bir qisminin hələ də Rusiya sülhməramlılarının nəzarətindəki ərazilərdə qalması mümkündür.
Edqar Kazaryan yazır ki, təkcə Qarabağda, yəni Rusiya sülhməramlı qüvvələrinin nəzarətindəki ərazilərdə yaşayan ermənilərin hesabına “ordu” saxlamaq mümkün deyil. Ona görə də Ermənistandan çağırışçıların göndərilməməsi faktiki olaraq “Qarabağ müdafiə ordusunun” (söhbət qanunsuz silahlı birləşmələrdən gedir, - red.) buraxılması deməkdir.
Hərbi-siyasi ekspert Ramil Məmmədli “Bakı-Xəbər”ə açıqlamasında bildirdi ki, Ermənistan 10 noyabr kapitulyasiya sənədinə imza atanda Azərbaycan ərazilərinin indi Rusiya sülhməramlı qüvvələrinin nəzarətində olan hissəsində qalan silahlıları ləğv edəcək: “Ancaq biz bunun şahidi olmadıq. Hətta müxtəlif vaxtlarda gizli şəkildə Ermənistanda Qarabağa əsgərlərin göndərildiyinim də şahidi olduq. Ancaq hər dəfə Azərbaycan buna kəskin etiraz etdi və sülhməramlıların məsuliyyətini onlara anlatdı. Bundan sonra belə hallar demək olar ki, dayandı. Rəsmi məbələrimiz tısdiq edir ki, Qarabağda qalan erməni əhalinin sayı 25 min nəfərdi. Belə olan halda, əlinə silah alanların sayı 2-3 min arası olar. Onların böyük əksəriyəti müharibə zamanı tərəfimizdən darmadağın edildi. Hazırda bizim Laçın dəhlizinə tam nəzarət etmək imkanımız var. Ərazimizə əsgər, silah göndərmək cəhdimiz dərhal fiksə olunacaq. Bunu həç ermənilər, həm də məsuliyyəti üzərinə götürən rus sülhməramlıları gözəl bilir. Artıq bu vəziyyət onu deməyə əsas verir ki, yaxın vaxtlarda Qarabağın ermənilər yaçayan hissəsində rus sülhməramləlarından başqa heç bir silahlı qalmayacaq. Təbiidir ki, Ermənistan bunu anlayır və bilir ki, öhdəliyini yerinə yetirməsə aqibəti daha da pis ola bilər”.
Məhəmmədəli QƏRİBLİ
