Mübariz Göyüşlü: “Erməni radikalları bununla sübut edirlər ki, erməni deyilən toplum heç zaman terrordan əl çəkməyəcək və onların “qəhrəmanları” terrorçulardır”
Dünyanın hansı bucağında yaşamasından asılı olmayaraq, ermənilər öz əzəli xislətlərindən əl çəkmirlər, çünki südlə gələn sümüklə çıxar. Erməni hər yerdə ermənidir, ermənini təxribatdan, şər-şamatadan, yalan-palandan ayrı təsəvvür etmək sadəlövhlük olardı.
ABŞ-da ermənilərin kompakt yaşadığı ştatlarda, şəhərlərdə biz zaman-zaman erməni şovinsitlərinin Azərbaycana və Türkiyəyə qarşı təxribatlarının şahidi olmuşuq. Mətbuatda yayılan məlumatlara görə, bu günlərdə ABŞ-da yaşayan erməni əsilli radikallar 1973-cü ildə Kaliforniya ştatında türk diplomatlarını qətlə yetirmiş erməni terrorçu Qurgen Yanikyanın fotoşəklini Azərbaycanın Los-Ancelesdəki konsulluğunun binası qarşısından asıblar.
Qeyd edək ki, Azərbaycanın İnsan Hüquqları üzrə Müvəkkili (Ombudsman) Səbinə Əliyeva da ABŞ-da yaşayan erməni əsilli radikalların təxribatı ilə bağlı müraciət yayıb.
Məlumatdan aydın olur ki, ermənilər Azərbaycana və Türkiyəyə qarşı təxribatlarından əl çəkmir, öz çirkin oyunlarını yenə də davam etdirirlər.
- “Los-Anceles rəhbərliyi bunun qarşısını təcili şəkildə almalıdır, bu, ABŞ-ın özünə də başucalığı gətirmir”
“Müasir İnkişaf” Birliyinin sədri, politoloq Mübariz Göyüşlü bizimlə söhbətində bildirdi ki, erməni radikalları hazırda daha çox aktivləşməyə can atırlar. Onun sözlərinə görə, bütün bu təxribatların kökündə Ermənistanla Türkiyə arasında cücərtiləri görünməyə başlayan yaxınlaşmanın qarşısını almaq, Azərbaycanla Ermənistanın sülh danışıqları üçün masaya oturmasını ləngitmək, eyni zamanda da öz revanşist niyyətlərini gerçəkləşdirmək məqsədi dayanır. M.Göyüşlü hesab edir ki, erməni əsilli radikal qruplar da həmişə türk dünyasının düşmənləri tərəfindən idarə olunub və onların istəklərini həyata keçirib. M.Göyüşlü qeyd edir ki, Azərbaycanın öz torpaqlarını işğaldan azad etməsi faktı, Ermənistan ermənilərindən çox, dünyadakı radikal erməni qruplaşmalarını, erməni lobbisini narahat edir, çünki bu onların çoxillik “zəhmətinə” vurulan zərbədir. “Radikal erməni qruplaşmalarının bu təxribatının hansı məqsədə xidmət etdiyi aydındır. Bilirsiz ki, xarici ölkələrdə yaşayan ermənilər güclü şəkildə təşkilatlanıblar və təşkilatlanmış şəkildə də hərəkət edirlər. Xaricdəki ermənilər hər zaman türklərə qarşı terror törədən caniləri qəhrəmanlaşdırırlar. İndi də konkret olaraq terrorçu Qurgen Yanikyanın fotoşəklini Azərbaycanın Los-Ancelesdəki konsulluğunun binası qarşısından asmaları çox böyük təxribatdır. Hesab edirəm ki, Los-Anceles rəhbərliyi bunun qarşısını təcili şəkildə almalıdır, bu ABŞ-ın özünə də başucalığı gətirmir. Ümumiyyətlə, terrorçunun şəklini asmaq, terrorçunu tanıtmaq, təbliğ etmək nə dərəcədə doğrudur? Bu halın qarşısı alınmalıdır, çünki bu həm Azərbaycana, həm də Türkiyəyə qarşı bir təxribatdır. Şübhəsiz, terrorçu Yanikyanın şəklini gətirib ora asanların özləri terrorçudur.
Hazırda Türkiyə və Ermənistan arasında münasibətlərin isinməsinə dair müəyyən addımlar atılmaqdadır, düzdür, hələ elə ciddi real nəticələr yoxdur, amma təşəbbüslər var. Bu da xaricdəki erməni lobbisini və qondarma “erməni soyqırımını” yaradıb meydana çıxaran qüvvələri ciddi narahat edir. Onlar güman edirlər ki, Ermənistan Türkiyə ilə yaxınlaşarsa qondarma soyqırım iddiasından əl çəkəcək, bununla da beynəlxalq anti-Türkiyə qüvvələrinin əllərində təzyiq vasitəsinə çevirdiyi qondarma soyqırım layihəsi birdəfəlik suya düşə bilər. Onları Ermənistanın qondarma “soyqırım” iddiasından rəsmən əl çəkəcəyi ehtimalı çox narahat edir, əndişələndirir, ona görə də bu kimi məsələləri meydana çıxarırlar. Kaliforniyada türk diplomatlarını qətlə yetirmiş erməni terrorçunun fotosunu bu şəkildə yaymaqla, guya Türkiyəyə və Azərbaycana mesaj verdiklərini zənn edirlər, amma yanılırlar. Erməni radikalları bununla sübut edirlər ki, erməni deyilən toplum heç zaman terrordan əl çəkməyəcək və onların “qəhrəmanları” terrorçulardır. Bundan ermənilərə dəstək verən ölkələr nəticə çıxarsın”.
Ermənilərin dünyanın hər yerində terrorizmi təbliğ etdiyini deyən müsahibimizin sözlərinə görə, reallıqda erməni cəmiyyəti təpədən-dırnağa radikalizmlə, terrorla yoğrulub. Onun fikrincə, ermənilər bir məsələni unudurlar ki, nə Türkiyə 1973-cü ildəki vəziyyətdə olan Türkiyədir, nə də Azərbaycan müharibədən öncəki ölkədir. Erməni radikallarının, revanşistlərinin bunu birdəfəlik qulaqlarına sırğa etməli olduğunu deyən M.Göyüşlünün bildirdiyinə görə, ermənilər xarici qüvvələrə arxayın olub bu cür təxribatlarla heç nə edə bilməyəcəklər, bu onların zərərinə işləyir: “Bu təxribatlar ermənilərin öz ziyanına işləyir, nə qədər ki, erməni radikal qrupları var, o qədər erməni toplumu əziyyət çəkəcək. Erməni radikallarının terrordan, təxribatdan əl çəkmələri onlar üçün daha faydalı olar, əks halda həyata keçirdikləri hər bir təxribat bumeranq effekti verib onların özünə qayıdacaq” - deyə M.Göyüşlü bildirdi.
İradə SARIYEVA
