İran Aşıqlar Birliyinin yaradılması reallaşır

Tarix: 22.09.2015 / 02:28
Bölmə: Mədəniyyət

Aşıq Səlcuq Şahbazi mərasimdə iştirak etmək üçün Azərbaycan, Türkiyə və Orta Asiyadan nümayəndələr gələcəyini bildirib

Güney Azərbaycanda aşıq sənətinin böyük inkişaf yolu keçdiyi hər kəsə bəllidir. Müqəddəs saz-söz ocaqlarımızdan olan ustadlar diyarı kimi şöhrətlənən Güney Azərbaycanda bir zamanlar ana sazımız qadağan olunsa da, son bir neçə ildə saza geniş meydan verilib. Bu gün Azərbaycan aşıq sənətinin çox dəyərli ustadları, eləcə də gənc aşıqları güneydə yaşayıb-yaradır, fəaliyyət göstərir, məclislər, toylar-düyünlər keçirir.

Diqqətçəkən məqamlardan biri odur ki, burada hər bir bölgədə aşıq sənəti mövcuddur, hər mahalın, hər obanın da öz dəst-xətti, öz yönü, istiqaməti var. Əsas odur ki, hamının məqsədi birdir-aşıq sənətini təbliğ etmək, onu ləyaqətlə yaşatmaq.

Bilirik ki, artıq aşıq Səlcuq Şahbazinin rəhbərliyi ilə Tehranda İran Aşıqlar Birliyi yaradılıb və İran dövləti tərəfindən rəsmi qeydiyyata alınıb.

Aşıqlar Birliyinin yaradılmasında əsas məqsəd bu milli sənəti inkişaf etdirib gələcək nəsillərə çatdırmaqdan ibarət olduğunu qeyd edən aşıq Səlcuq Şahbazi (Kösərəli Şahbazi) AzərTAc-ın əməkdaşına müsahibəsində bildirib ki, İranda müxtəlif xalqların nümayəndələri birlikdə dinc və mehribanlıqla yaşayır: "Azərbaycanlı aşıqların birliyinin yaranması və dövlət qeydiyyatından keçərək fəaliyyətə başlaması İranın zəngin mədəniyyətə malik olmasının göstəricisidir. Bu il oktyabrın 11-də Tehranda İran Aşıqlar Birliyinin təqdimat mərasimi keçiriləcək. Bu tədbirə Azərbaycan, Türkiyə və Orta Asiya respublikalarından da el sənətkarları, İranda fəaliyyət göstərən diplomatik korpusun nümayəndələri də dəvət olunacaq".

S.Şahbazi qeyd edib ki, Birlik beynəlxalq səviyyəli müsabiqə və festivallar keçirəcək, konsertlər verərək bu qədim el sənətini təbliğ edəcək.

AzərTAc-ın əməkdaşı qeyd edir ki, S.Şahbazi (K.Şahbazi) 1962-ci ildə Təbriz yaxınlığındakı Ağcaqışlaq kəndində anadan olub və 11 yaşından ustad aşıq Əvəzə şəyirdlik edib. Tehrana gəldikdən sonra burada emalatxana açaraq 17 il saz düzəltməklə məşğul olub. Sənətə vurğunluğu onun yolunu İranın Dövlət Televiziya və Radio Verilişləri Təşkilatından salıb. Televiziyanın musiqi şöbəsində çalışaraq dastan və qoşmalar ifa edib.

S.Şahbazinin bildirdiyinə görə, İran Aşıqlar Birliyinin yaradılması ideyasını reallaşdırmaq üçün Təbriz, Urmiya, Myana, Ərdəbil, Xoy, Zəncan şəhərlərinə səfərlər edib. Bu şəhərlərdə pərakəndə fəaliyyət göstərən aşıqlarla görüşüb və ideyasının dəstəklənməsinə nail olub.

İran-Azərbaycan mədəni əlaqələrinin inkişafında əhəmiyyətli rola malik olan S.Şahbazi 2010 və 2014-cü illərdə Bakıda keçirilən Beynəlxalq Aşıq Festivallarında uğurla çıxış edərək İranı təmsil edib.

Bakının çox gözəl olduğunu vurğulayan sənətkar Azərbaycanda aşıq sənətinə dövlət tərəfindən diqqət və qayğının yüksək olduğunu da bildirib. Azərbaycan Aşıqlar Birliyinin sədri, xalq şairi Zəlimxan Yaqub, aşıq Ədalət və başqaları ilə yaxın dostluq əlaqələri saxlayan S.Şahbazi sentyabrı 30-da Azərbaycanın Mədəniyyət və Turizm Nazirliyinin və Aşıqlar Birliyinin dəvəti ilə aşıq Ulduzun yubiley mərasimində iştirak etmək üçün Bakıya gələcək.

Onu da vurğulayaq ki, "El səsi", "Aşıq gördüyünü çağırar", "İran aşıqları və ədəbiyyatı", "Dədə Qurbani və Pəri xanım", "Təpədən dırnağa Azərbaycanam", "Aşıq dastanları", "Aşıqların ədəbiyyatı" adlı şeirlər kitablarının müəllifi olan S.Şahbazi yaradıcılıq axtarışlarını bu gün də davam etdirir. Aşıq Səlcuq Şahbazi İran Aşıqlar Birliyinin qurucusu və sədri kimi 7 kitab və 7 əsl aşıq havasının müəllifidir. Aşığın yaratdığı havalardan da danışmaq istəyirik. Səlcuq Şahbazi "Bakı-Xəbər"ə bildirib ki, "Şahbazi döşəməsi", "Şahbazinin osmanlı gəraylısı", "Şahbazi dubeytisi", "Şahbazinin haqq divanisi", "Şahbazinin bayatısı", "Şahbazinin layla bayatısı",

"Şahbazinin zərbi divanisi" kimi havalar yaradıb.

Bəli, aşıq Səlcuq Şahbazinin aşıq sənətinin inkişafında xidmətləri danılmazdır. Milli sənətimizi yaşadan ustad sənətkar hər zaman klassik, unudulub yaddan çıxan havalarla, maraqlı improvizələrlə tamaşaçılar qarşısına çıxır. İranda olduğu kimi, Azərbaycanda da Şahbazini sevənlər, onun sənətinə vurğun olanlar çoxdur. Aşıq sənətinin inkişafına, tərəqqisinə çiyin verən sənətkarlardan biri kimi Səlcuq Şahbazi çox böyük işlər görüb.

İradə SARIYEVA

DİGƏR XƏBƏRLƏR

Tarix: 14.08.2026 / 14:03

Əfsanədən gerçəkliyə uzanan 5 minillik tarix - Troya

Tarix: 13.08.2026 / 22:41

Macarıstanda Yupiterə həsr olunmuş qurbangah aşkarlandı

Tarix: 13.08.2026 / 18:49

Müharibə aparan ölkələrə "Avroviziya” qadağası - Təşkilatçılar qərar verdi...

Tarix: 13.08.2026 / 16:00

Məşhur rejissorların teatr premyeraları və əfsanəvi tamaşaları Bakı Beynəlxalq İncəsənət Festivalında nümayiş olunacaq

Tarix: 11.08.2026 / 12:34

Pianonun düymələrində saxlanmış bir Vətən: Züleyxa Abdullayevanın səsi insanlara bu cür çatır

Tarix: 10.08.2026 / 12:48

Yunus Oğuz – Tarixi romanın müasir nəfəsi

Tarix: 09.08.2026 / 11:50

50 illik yubileyidir, yoxsa bu da yeni zarafatıdır...

Tarix: 07.08.2026 / 12:34

Türkiyənin UNESCO-nun Dünya İrsinin İlkin Siyahısına daxil edilən unikal tarixi abidəsi - Kadıkalesi

Tarix: 06.08.2026 / 22:08

Azərbaycan Mədəniyyəti sosial platforması Yayfest-də uğurla çıxış edib...

Tarix: 05.08.2026 / 20:10

Rayon teatrlarında direktorlar və müavinlər seçilir, ya təyin edilir...

Tarix: 05.08.2026 / 14:15

Musiqi terapevti soydaşımızdan Türkiyədə unudulmaz sənət gecəsi...

Tarix: 04.08.2026 / 20:47

Xarici sərmayiçilər kinomuza 12 milyon dolları necə yatırıb?...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.08.2026 / 21:44

Ərdoğan “Məkkə sazişi”nin arxasındakı sirri açdı - Ekspertlər şübhə ilə baxır...

Tarix: 13.08.2026 / 20:16

Avropa Birliyinin Naxçıvan dəmir yollarında marağının görünən və görünməyən tərəfləri...

Tarix: 13.08.2026 / 15:30

İrəvanda Azərbaycan təbii qazına qarşı ikitərəfli kampaniya başladı...

Azərbaycanda vətəndaş cəmiyyətinin inkişafında rəqəmsallaşma və innovasiyalar ön plana çıxır