Türkiyədə xristianlıq tarixinin ən vacib görüşlərindən biri olan Birinci Nikeya Şurasının 325-ci ildə keçirildiyi yerin kəşf olunduğu güman edilir. Hazırda İznik gölü olan ərazinin sahilində yerləşmiş qədim yunan şəhəri Nikeya ərazisində qazıntı işləri aparılır. Məhz burada IV əsrdə Roma imperatoru I Konstantinin təşəbbüsü ilə teoloji fikir ayrılıqlarını həll etmək üçün yüzlərlə xristian yepiskopu toplaşıb. Şura xristianlığın ən vacib doktrinal sənədlərindən biri olan Nikeya Kredi üçün əsas olan mətni qəbul edib. Kilsənin sualtı xarabalıqları 2014-cü ildə aşkar edilib. 2015-ci ildən bəri arxeoloqlar böyük bir bazilikanın qalıqlarının altında yerləşən əvvəlki bir quruluşu araşdırırlar. Qazıntıların rəhbəri, Bursa Universitetinin arxeologiya professoru Mustafa Şahin Uludağ hesab edir ki, bu kiçik kilsə İznik Şurası ilə əlaqəli ola bilər. Onun sözlərinə görə, sonrakı bazilikanın altında, təməlinin təxminən 30 santimetr altında daş döşəmə aşkar edilib. Bu, kiçik kilsənin daha əvvəl tikildiyini göstərir. Arxeoloqlar hələ onun divarlarını və ya dekorativ elementlərini kəşf etməyiblər, ona görə də dəqiq görünüşü məlum deyil.
SAMİRƏ
