Azərbaycan Yazıçılar Birliyinin (AYB) "Natəvan" Klubunda tanınmış şairə, "Yada düşdü" jurnalının baş redaktoru Nəzakət Məmmədovanın yeni nəşr olunan “Köhnəlməyən xiffət” və “Yurd hasreti” (Türkiyə türkcəsində) kitablarının təqdimat mərasimi keçirildi.
Mərasimi "Qobustan" jurnalının baş redaktoru Pərvin Nurəliyeva açdı və N.Məmmədovanın yaradıcılığından, yüksək şəxsi keyfiyyətlərindən, poeziyamıza verdiyi töhfələrdən danışdı. “Türk ədəbiyyatı" dərgisinin baş redaktoru, “Yurd hasreti” kitabının tərcüməçisi İmdat Afşar çıxış edərək Nəzakət Məmmədovanın tanımış türk şairi Ahmad Kabaklının 100 iliyi münasibətilə təsis olunan “Ahmad Kabaklı" medalı ilə təltif edildiyini bildirdi və medalı ona təqdim etdi.
Tədbirdə xalq yazıçısı Elmira Axundova, yazıçı-dramaturq Elçin Hüseynbəyli, Əməkdar jurnalist Flora Xəlilzadə, türkiyəli yazar Səadət Örməci, “Bakı-Xəbər” qəzetinin baş redaktoru Aydın Quliyev, fəlsəfə doktoru Zülfiyyə Eldarqızı, Əməkdar jurnalistlər Zemfira Məhərrəmli, Zöhrə Əliyeva, şairə Şövkət Zərrin Horovlu, şairə Adilə Nəzər, Respublika Xatirə Kİtabı Redaksiyasının əməkdaşı Hikmət Məlikzadə, şair-publisist Rəfail Tağızadə, professor Maarifə Hacıyeva, ədəbiyyatşünas, filologiya elmləri doktoru Lütfiyyə Əsgərzadə, yazar Xanım Aydın, şair Faiq Balabəyli, şairə Mahcamal, bədii qiraətçi Ülviyyə xanım, ədəbiyyatçı Kamran Nəzirli, şairə Arzu Nehrəmli, F.B Köçərli adına Uşaq Kitabxananın müdiri Şəhla Qəmbərova, şairə Aysel Xanlarqızı, yazar Şahanə Müşfiq, Kəmalə Abıyeva və başqaları çıxış edərək N.Məmmədovanın yaradıcılığının poeziyamızda ayrıca yeri olduğunu qeyd etdilər.
Tədbirdən hazırlanan geniş yazını növbəti sayımızda təqdim edəcəyik.
İradə SARIYEVA
