Samir Şərifov dollar kreditləri ilə bağlı bankların "istəmədikləri" mətləbə eyham vurdu

Tarix: 26.01.2016 / 02:03
Bölmə: İqtisadiyyat

"Əvvəlki illərdə götürdüyünüz 35 faiz gəliri indi..."

"Növbəti addım isə Mərkəzi Bank tərəfindən atılmalıdır"

Nicat Hacızadə: "Əksər banklar dollarla kredit götürən müştərilərə müəyyən güzəştlər edir"

Dollarla kredit götürənlərə dövlət tərəfindən güzəşt edilməsi müəyyən presedent yarada bilər. Bu barədə maliyyə naziri Samir Şərifov ANS TV-yə müsahibəsində dollar kreditlərinin köhnə məzənnə ilə ödənilməsi barədə suala cavab verərkən bildirib. Nazirin sözlərinə görə, hazırda dollar kreditlərinin hansı məzənnə ilə qaytarılması ilə bağlı cəmiyyətdə, o cümlədən sosial şəbəkələrdə müzakirələr gedir.

Amma belə addımın sosial ədalət cəhətdən nə qədər düzgün olması sual doğurur: "Çünki 5 min dollar sadəcə soyuducu və ya televizor deyil, böyük məbləğdir. Bir qədər əvvəl 10 min dollarlıq kreditlərə güzəştdən danışılırdı, bu da bir avtomobilin puludur".

Samir Şərifov bildirib ki, dollar kreditlərinə güzəşt olacağı barədə məlumatlar hətta vəsaiti olan müştərilərin də ödənişinə mənfi təsir edə bilər: "Sosial şəbəkələrdə bəziləri bildirir ki, ödəniş etmək üçün pulu olsa da, ödəniş etməyə tələsmir və güzəşt edilməsini gözləyir. Dollar kreditlərinə güzəştin verilib-verilməməsi bank ilə müştəri arasında olan məsələdir. Bilirsiniz, bizdə banklar o xarici valyutadakı kreditləri verən zaman, bir çox hallarda, bu kreditləri istehlak krediti kimi yüksək faizlə veriblər. Biz bunu da etiraf etməliyik. Yadınızdadır, bankların verdiyi istehlak kreditlərinin faizi illik 20-35 faiz idi. Bunun nəticəsidir. Amma əvvəllər bu adamlar 30-35 faiz ödəyiblər axı. Yəni banklar bundan yüksək gəlir və mənfəət götürüblər. Bunlar niyə əvvəlki illərdə götürdükləri yüksək gəlirləri yaranmış problemlərin həllinə yönəltmirlər?! Burada suallar var".

S.Şərifovun sözündən belə aydın olur ki, dollarla krediti olanlara banklar özləri güzəşt etməlidir.

İqtisadçı-ekspert Nicat Hacızadə "Bakı-Xəbər"ə açıqlamasında qeyd etdi ki, əksər banklar dollarla kredit götürən müştərilərə müəyyən güzəştlər edir: "Əsasən ikinci devalvasiyadan sonra bankların bir qismi dollarla kredit götürənlərə müəyyən güzəştlər tətbiq etdi. Bəzi banklar kredit faizlərini azaldıb, bir qismi isə kreditin müddətini uzadıb. Amma elə banklar var ki, onlar sosial durumu ağır olan ailələr üçün heç bir güzəşt etməyib.

Hazırkı dövrdə banklar öz müştəriləri üçün lazım olan güzəşti edib. Növbəti addım isə Mərkəzi Bank tərəfindən atılmalıdır. Banklardan hər hansı bir addımın atılmasını gözləyənə qədər Mərkəzi Bank zamanında kredit faizlərini aşağı salmalıdı idi. Ancaq Mərkəzi Bank bunu etmədi və dollarla krediti olanların vəziyyəti devalvasiyadan sonra ağırlaşdı. Bu məsələdə nə bankın, nə də ödəmə qabiliyyəti olmayan əhalinin günahı var. Əsas məsuliyyət Mərkəzi Bankın üzərinə düşür".

Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...