Kazino biznesinin leqallaşması həm də büdcə gəlirlərinin artım mənbəyi kimi...

Tarix: 26.01.2016 / 02:11
Bölmə: İqtisadiyyat

Rəsul Cahangirli: "... bütövlükdə xidmət sektorunda aktivliyin artmasına təkan verəcək"

"İlk növbədə bunun hüquqi bazasını yenidən hazırlamaq və bəzi ölkələrin təcrübəsini yaxından öyrənmək lazımdır"

Məlum olduğu kimi, dünya iqtisadiyyatında böhran müşahidə olunur. Azərbaycan dünyanın bir parçası olduğu üçün müşahidə olunan böhran ölkədən də yan keçmir. Neftin ucuzlaşması səbəbindən Azərbaycanın valyuta gəlirləri əvvəlki illərlə müqayisədə xeyli azalıb. İndi Azərbaycanın qarşısında duran başlıca məqsəd çoxşaxəli iqtisadiyyat yaratmaq və neftdən asılılığı maksimum dərəcədə minimuma endirməkdir.

Bu istiqamətdə ciddi iş gedir. Kazino biznesinin leqallaşdırılmasından sonra Gürcüstana turist axını daha sürətlə artmağa başlayıb. Çünki kazino biznesinin uğuru heç kimə sirr deyil və Gürcüstan bu mənada ilk və yeganə nümunə sayıla bilməz. Məsələn, Sinqapurun uğuru model kimi illərdir öyrənilir. Hazırda bizim regionda oxşar tarixi olan ölkənin uğurunu görən bir sıra qonşu ölkələr də artıq hərəkətə keçib. Kazino fəaliyyəti, məhdud formada olsa da, Ermənistan, Belarus, Rusiya və Qazaxıstanda da var və hazırkı situasiyada onlar da aktivləşib. Bundan əlavə, Gürcüstan modelinin yaradıcısı Mixeil Saakaşvili, qubernatoru olduğu Odessa regionundan başlamaqla, bütün Ukraynada kazino biznesinin leqallaşdırılması barədə təşəbbüslə çıxış edib, artıq müvafiq qanun layihəsi hazırlanıb və parlamentə təqdim olunub. Qırğızıstan da bu biznesdən kənarda qalmaq istəmir və hökumət səviyyəsində tədbirlər görməkdədir. Bəs Azərbaycanda necə, kazino biznesi leqallaşdırılsa, bu, ölkədəki iqtisadi inkişafda nə kimi rol oynaya bilər?

Məsələyə münasibət bildirən ekspert Rəsul Cahangirlinin fikrincə, prinsipcə, kazino biznesinin leqallaşdırılması ölkənin ümumi iqtisadi inkişafına müsbət təsir göstərə bilər: "Hesab edirəm ki, indiki dövrdə bu məsələnin qaldırılması doğru addımdır. Ona görə ki, iqtisadiyyatın diversifikasiyası gündəmdədir. Azərbaycanda kazinolar rəsmən 1998-ci ildə qadağan edilib. Ona qədər ölkədə kazinolar leqal fəaliyyət göstərib. Bəzən ölkədə kazinolar qeyri-leqal fəaliyyət göstərir. İndiki dövrdə ilk mərhələdə kazinoların leqallaşdırılması üçün bunun hüquqi bazasını yenidən hazırlamaq və bəzi ölkələrin təcrübəsini yaxından öyrənmək lazımdır. Daha sonra kazinoların leqallaşdırılması mümkündür. Bu baş verərsə, ölkəyə turist axını arta bilər.

Həmçinin, kazinoların fəaliyyətə başlaması nəticəsində dövlət büdcəsinə milyonlarla manat vergi daxil olacaq.

Eyni zamanda, xeyli sayda yeni iş yeri yaranacaq. Bir sıra ölkələrdə, o cümlədən qonşu dövlətlərdə kazinolar leqal fəaliyyət göstərirsə, Azərbaycanda bu niyə də olmasın?! Bu, ölkəyə pul axınının artmasında müəyyən rol oynayacaq. Kazinoların fəaliyyətə başlaması bütövlükdə xidmət sektorunda aktivliyin artmasına təkan verəcək. Bu da, nəticə etibarilə, iqtisadi fəallığın yüksəlməsi deməkdir".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...