İlham Əliyevin 60-70 dollar qiymət proqnozu xeyli cəlbedici göründü

Tarix: 23.01.2016 / 02:17
Bölmə: İqtisadiyyat

İlham Şaban: "Düşünürəm ki, ilin ikinci yarısında neftin qiyməti bahalaşacaq"

"Bu fikri deməyə əsas verən bir sıra nüanslar da var"

"Biz "postneft erasının" indi yox, bir 20 ildən sonra gələcəyini gözləyirdik. Biz büdcəmizi bir barrel xam neftin qiymətinin 50 dollar olacağını düşünərək planlaşdırmışdıq". Bu sözləri Prezident İlham Əliyev Davos Forumunda enerji mövzusunda keçirilən paneldə suallara cavab verərkən bildirib.

Azərbaycan Prezidenti deyib ki, neft qiymətlərinin davamlı düşməsi psixoloji nöqteyi-nəzərdən yorucudur. "Biz sosial və sənaye infrastrukturuna, neft istehsalının özünə belə sərmayə qoymalıyıq"- İlham Əliyev əlavə edib.

Prezident çıxışına nikbin notlarla davam edib: "İndi Azərbaycanda islahatlar üçün yaxşı vaxtdır. İndi biz neft amili barədə unutmaq üzərində işləyirik. Mən düşünürəm ki, biz bu vəziyyətin öhdəsindən gələ biləcəyik".

İlham Əliyev neftin qiymətinin gələcəyi ilə bağlı belə deyib: "Biz düşünürük ki, o daha 2-3 dollar düşəndən sonra ilin ikinci yarısı qalxmağa başlayacaq". O həmçinin deyib ki, bir barrel neftin qiymətinin 60-70 dollar olması istehsalçı ölkələrin hökumətlərinə çox sərf edərdi. "Mən bunu mümkün qədər tez görmək istəyirəm, yəqin ki, 2017-ci ildə neftin qiyməti belə olacaq", deyə o, çıxışını yekunlaşdırıb.

Prezidentin bu proqnozu nəyə əsaslanır?

Neft Araşdırmaları Mərkəzinin rəhbəri İlham Şabanın fikrincə, 2016-cı ilin birinci yarısında neftin qiymətində azalma müşahidə oluna bilər, lakin ikinci yarımildə artımın şahidi ola bilərik: "Qeyd edim ki, bu il neftin qiymətindəki proqnozlar ötən ilə müqayisədə yüksəkdir. 2016-cı il üçün ən bədbin proqnoz hələ ki, 52 dollar hesablanıb. Orta proqnoz 54 dollar, pozitiv proqnoz isə 57 dollar civarında hesablanıb. Lakin bununla bərabər neftin qiymətinin 50 dollar və aşağı olması ilə bağlı ehtimallar da var. 2016-cı ilin əsas proqnozu ondan ibarətdir ki, ilin birinci yarısında neftin qiymətinin aşağı enməsinin şahidi ola bilərik. Lakin ilin ikinci yarısından neftin qiyməti qalxa bilər. Bu fikri deməyə əsas verən bir sıra nüanslar da var. Belə ki, İran nefti dünya bazarına çıxır. Bu hal neftin qiymətinin daha da enməsinə səbəb ola bilər. Daha bir səbəb kimi ABŞ neftinin dünya bazarına çıxarılmasını göstərə bilərik. ABŞ neftinin dünya bazarına çıxarılması neftin qiymətinə, sözsüz ki, neqativ təsir edəcək. Bu iki fakt ondan xəbər verir ki, 2016-cı ilin birinci yarısında neftin qiyməti daha da aşağı düşəcək. Ancaq bu proses uzun müddət davam edə bilməz. Lakin düşünürəm ki, ilin ikinci yarısında neftin qiyməti bahalaşacaq. Bu baxımdan da 2017-ci ildə artımın gözlənilməsi məntiqlidir".

Məhəmmədəli QƏRİBLİ

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...