Bakıda voleybolçuların «girov saxlanması» xəbərinə federasiyadan sərt reaksiya...

Tarix: 27.01.2015 / 01:41
Bölmə: İdman

Azərbaycan Voleybol Federasiyasi (AVF) Norveç mətbuatının və lAzadlıq» radiosunun Norveçin qadınlardan ibarət «Stad» komandasının Azərbaycanda qalmaqalla qarşılaşması barədə yazısına reaksiya verib.

AVF-nin mətbuat xidməti Lent.az-ın sorğusuna cavab olaraq bildirib ki, Azərbaycan Voleybol Federasiyasının, onun qurumlarının və federasiyanın prezidenti Ziya Məmmədovun «Anatoliya» otelinə hec bir aidiyyatı yoxdur: «Avropa Voleybol Konfederasiyyasının Avrokubok yarıslarının kecirilməsinə dair təlimatına uyğun yarıslarda iştirak edən hər bir komanda səfər oyunu zamanı, otel seçimi, ödənişi və ölkəyə giriş vizasının alınması həmin komandanın öz öhdəliyindədir. Norveç komandasının seçimi Norveç turist agentliyi və o cümlədən «Stad» klubu tərəfindən «Anatoliya» oteli ilə birbaşa danışıqlar əsasında həyata keçirilib. Onu da qeyd etmək lazımdır ki, komanda turistik agentliyi vasitəsilə və həmçinin özləri tərəfindən komanda ücün «Anatoliya» otelində yerlər ayrılması məqsədilə fərqli sifarişlər veriblər. Otel tərəfindən ayrı-ayrılıqda ikitərəfli fərqli sifariş qeydiyyata alınıb və ikinci dəfə yenidən otaqlar ayrılıb. Bu da əlavə xərclərin yaranmasına səbəb olub. Norveç komandası otel xidmətinin müvafiq xərclərinin ödənilməsindən imtina etdikdə bu problemlər aşkara çıxarılıb. Yuxarıda qeyd olunan anlaşılmazlıq nəticəsində Norveç «Stad» komandası ilə «Anatoliya» oteli arasında maliyyə problemi yaranıb».

AVF-dən bildirilir ki, «Stad» komandasının Azərbaycana girişi ücün dəvətnamənin vaxtında göndərilməsinə baxmayaraq onlar Azərbaycanın İsveçdəki Səfirliyinə sənədləri vaxtında təqdim etməyiblər: «Azərbaycan tərəfi istisna hal olaraq müvafiq qurumları vasitəsilə Bakı H.Əliyev hava limanında Norveç komandasına viza verilməsini təmin edib: «Azerreyl» klubu Norvec «Stad» komandasını yalnız nəqliyyat vasitəsilə və məşq zalı ilə təmin edilməsi öhdəliyini daşıyır. Bunlardan əlavə olaraq milli qonaqpərvərlik zəminində oyundan sonra Norveç komandasının xahişlərini nəzərə alaraq onların Bakı şəhərində gəzintisi və şəhərlə tanış olmaq məqsədilə onlara nəqliyyat vasitəsi ayrılıb, təmənnasız gəzintisi təmin edilib. Yuxarıda qeyd olunanları nəzərə alaraq Azərbaycanın necə qonaqpərvər olduğu acıq aydın görünür».

AVF-nin vitse-prezidenti Faiq Qarayevlə oyun oncəsi görüş zamanı Norveçin «Stad» komandası tərəfi Azərbaycana gəlişindən çox məmnun olduqlarını və heç bir problemlərinin olmadığını qeyd edib: «Oyun maraqlı və dostluq zəminində keçib, oyun zamanı fəxri qonaq simasında Rumıniyanın Azərbaycandakı səfiri Daniel Kristian Çobanu və onun xanımı, eləcə də digər fəxri qonaqlar istirak ediblər. Onu da nəzərə catdıraq ki, AVF öz fəaliyyəti dövründə milli yığma komandalar və klublar səviyyəsində mötəbər dünya və qitə turnirlərində iştirak edib, eləcə də onlara ev sahibliyi edib. Azərbaycanda keçirilmiş oyunların nəticəsindən asılı olmayaraq, daima digər komandalar AVF-nin təşkilatcılığından razı qalıb və dönə-dönə təşəkkürlərini bildiriblər».

Federasiyadan sonda o da vurğulanıb ki, ilk dəfə Avrokubok turnirində iştirak edən Norveç «Stad» komandası rəsmi nümayəndələri tərəfindən əsassız ittihamları və o cümlədən «Anatoliya» otelinin veb-səhifəsində nalayiq etikadan kənar Azərbaycan Voleybol Federasiyasının ünvanına yazılmış qərəzli yazılarla əlaqədar Avropa Voleybol Konfederasiyasının prezidenti Andre Meyere bu haqda müvafiq qaydada Azərbaycan Voleybol Federasiyası tərəfindən müraciət olunacaq. Müraciətdə Norveç «Stad» komandasının Azərbaycan Voleybol Federasiyasından rəsmi sürətdə üzr istəməsi və cəzalandırılması tələb olunacaq.

DİGƏR XƏBƏRLƏR

Tarix: 21.06.2026 / 13:04

Azərbaycan boksçusu Dünya kubokunda qızıl medal qazanıb

Tarix: 18.06.2026 / 17:40

Azərbaycanın kamandan oxatma üzrə idmançısı IV Avropa Oyunlarında iştirak etmək üçün kvota qazanıb

Tarix: 18.06.2026 / 16:27

Azərbaycanda ilk dəfə paraüzgüçülük üzrə ölkə çempionatı keçirilib

Tarix: 15.06.2026 / 20:44

FIFA prezidentindən sensasiyalı təklif – Fələstin-İsrail matçı ilə açılış edilsin...

Tarix: 11.06.2026 / 09:43

Futbol üzrə dünya çempionatı başlayır - Meksika və CAR bu gün qarşılaşır...

Tarix: 10.06.2026 / 15:39

Milli Paralimpiya Komitəsinin rəhbərliyi medal qazanan parataekvondoçularla görüşüb

Tarix: 09.06.2026 / 20:52

Beynəlxalq media əfsanəvi 10 karateçinin sırasına azərbaycanlını da saldı - Rafael Ağayev

Tarix: 07.06.2026 / 22:39

Parataekvondoçularımız Prezident Kubokunda 1 qızıl və 2 bürünc medal qazanıblar

Tarix: 05.06.2026 / 00:02

Minifutbol millimiz Avropa Çempionu oldu!

Tarix: 04.06.2026 / 17:40

"Fənərbağça" prezidenti Sadettin Saran həbs edildi

Tarix: 03.06.2026 / 10:23

UEFA "Turan Tovuz"u avrokuboklardan kənarlaşdırdı

Tarix: 21.05.2026 / 18:52

İkiqat Olimpiya çempionunun oğlu Azərbaycan üçün yarəşacaq

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...