"Ermənilərin xaricdə Azərbaycanın atributlarına qarşı terrorçu hücumları əsl etnik müharibənin bütün mümkün vasitələrlə davam etdirilməsidir. Azərbaycanın xaricdəki səfirlik və diplomatlarına xəsarət yetirilməsi, binarın, avtomobillərin dağıdılması, tək diplomatlara quldur hücumları sübut edir ki, Ermənistan dövləti hıqiqətən Daşnsksütun, Qnzak və ASSLA kimi tertor təşkikatlarının sadəcə uzantısından başqa bir şey deyil".
Bu fikirləri Olaylar.az -a açıqlamasında "Bakı -Xəbər"qəzetinin baş redaktoru, siyasi ekspert Aydın Quliyev deyib. Siyasi ekspert bildirir ki, 19-cu əsrin sonlarında və 20-ci əsrdə klassik erməni terror təşkilatları dünyadakı türk soyuna qarşı hansı üsul və formalarda vəhşiliklər edirdisə, həmin qeyri-insani əməlləri bu gün Ermənistan dövləti davam etdirir: "Azərbaycanlıların dünya ölkələrində dinc aksiyalarına qarşı erməni talanları Ermənistanın həqiqətən faşist-terror dövləti mahiyyətindən doğan birbaşa nəticədir. Ermənistanın indiki baş naziri Paşinyan sübut edir ki, o da özündən əvvəlki bütün Ermənistan rəhbərləri kimi regionda sülh istəmir, Azərbaycandan və digər qonşulardan mümkün qədər torpaq işğal etmək istəyir və Azərbaycanın işğal edilmiş 20 faiz ərazisini qeyd-şərtsiz qaytarmaq barədə dünyanın tələbinə qəti məhəl qoymaq fikrində deyil." Aydın Quliyev qeyd edir ki, Ermənistanın bu günkü rəhbərliyi müxtəlif Avropa və Amerika ölkələrində Azərbaycana qarşı terror və təxribat hərəkətlərini birbaşa təşkil və idarə edir: "Xaricdə azərbaycanlılara qarşı son erməni terror və təxribatları Ermənistanın Azərbaycana qarşı həm də etnik müharibə apardığını təsdiqləyir. Dünya ölkələrində soydaşlarımızın mütəşəkkilliyi və fəallığı erməniləri möhkəm qorxuya salıb. Ermənistan və erməni lobbisi yaxşı başa düşür ki, Azərbaycan diasporunun fəal olması ermənilərin dünya ictimaiyyətini aldatmaq şanslarını heçə yendirir. Ermənistan rəhbərliyi dünya azərbaycanlılarının fəallaşmasını özlərinin qəsbkarlıq, saxtakarlıq və separatçılıq planları üçün böyük təhlükə hesab edirlər. Ermənistanın dünyadakı son təxribat və terrorları həm də bütün dünyada sülh və əmin amanlığı dağıdır. Dünya liderləri nəhayət oyanmalı və erməniçiliyin həm də bütün dünya üçün təhlükəyə çevrildiyinin fərqinə varmalıdır."
