ABŞ prezidenti Barak Obama Respublikaçılar Partiyasından prezident seçilmiş Donlad Trampla görüşdən sonra deyib ki, "əla" və "geniş" müzakirə oldu. Obama ilə Tramp noyabrın 10-da Ağ Evdə Oval Ofisdə bir saatdan çox danışıblar.
Obama deyib ki, ölkə qarşısında duran problemlərin həllində Trampın onun komandası ilə birlikdə işləmək istəməsi onu çox razı salıb. Obama deyib ki, indi birlik çox vacibdir.
Tramp isə bildirib ki, görüş nəzərdə tutulandan çox çəkib, 10-15 dəqiqə gözlənilən görüş bir saatdan çox çəkib. Onlar bir çox vəziyyətləri, o cümlədən çətinlikləri müzakirə ediblər.
Tramp deyib ki, bu görüş onun üçün "böyük şərəfdir" və gələcəkdə Obama ilə görüşlərə ümid edir.
Trampı Ağ Evdə görüşə Obama dəvət etmişdi. Bu görüş, hakimiyyətin demokratlardan respublikaçılara keçməsinin tərkib hissəsidir.
Noyabrın 10-da indiki vitse-prezident Co Bayden gələcək həmkarı Mike Pence ilə görüşüb.
Əlbəttə, Obamanın bugün istədiyi görüş bu deyildi. O, və Tramp bir-birlərini sevmədiklərini gizlətmirlər. Çərşənbə axşamı bunu Tramp Floridada nümayişdə də deyib.
"Biz azlıqları təhqir edən, əlilliyi olan amerikalıları lağa qoyan və miqrantları kriminal və zorakı adlandıran prezident seçə bilmərik... Biz cinsi təhqir kimi izah olunan şeylərə görə məşhur olduğu üçün lovğalananı prezident seçə bilmərik". Bu sözləri isə Obama deyib.
Tramp isə öz növbəsində Obamanın ABŞ-dan kənar doğulmuş müsəlman olduğunu iddia edib və onu "ABŞ tarixində ən pis prezident" adlandırıb. Trampın bu məsələdə amansız təqiblərinə cavab olaraq, Obama həm 2011, həm də bu il Ağ Evdə müxbirlərin yanında işadamını onun iştirakı olmadan təhqir edib.
Onu da qeyd edək ki, Obama Trampun qələbəsindən sonra komandasına hakimiyyıtin növbəti prezidentə ötürülməsini göstəriş verib. Obama Trampun qələbəsini qəbul etməyən tərəfdarlarına da müraciət edib. “Biz əslində bir komandayıq. Biz ilk növbədə demokrat və respublikaçı yox, amerikalı və vətənpərvərlərik”, deyə Obama vurğulayıb.
Noyabrın 8-də ABŞ-da keçirilən növbəti prezident seçkisində 289 seçici səsi ilə respublikaçıların namizədi Donald Tramp qalib gəlib. Demokrat Partiyasının namizədi Hillari Klinton isə 218 seçici səsi toplaya bilib. Qələbəni təmin etmək üçün qalibə 270 seçici səsi lazım idi.
ABŞ-ın 45-ci prezidenti seçilən Donald Tramp yanvarın 20-də ABŞ Konqresinin bağçasında təşkil ediləcək andiçmə mərasiminin ardından vəzifəsinin icrasına başlayacaq.
