ABŞ-da 58-ci prezident seçkilərini qazanan Donald Tramp bu ölkənin 45-ci prezidenti oldu. Baki-xeber.com xəbər verir ki, Donald Tramp bir ildən artıqdır ki, davam edən seçki kampaniyasının əvvəlindən bütün gözləntiləri alt-üst edərək qələbə qazandı.
Demokratların ABŞ prezidentliyinə namizədi Hillary Klinton ümumilikdə respublikaçı rəqibi Donald Tramdan çox səs toplayıb. KİV-lərin məlumatına görə, Klinton 99,2 faizdən çox, Tramp isə 59,1 faizdən az səs toplayıb. Bu 130 mindən çox səs deməkdir. Amma əsas iri ştatlarda qalib gələn Tramp 289 seçici səsi ilə prezident seçilib. Hillari Klinton isə 218 seçici səsi toplaya bilib. Qələbəni təmin etmək üçün isə qalibə 270 seçici səsi lazım idi.
Eyni hal 2000-ci ildə təxminən bərabər səs toplayan respublikaçı Corc Buşla demokrat Əl Qor arasında da olub. Həmin vaxt daha çox seçici səsi toplayan Corc Buş prezident seçilib.
Bundan başqa, demokrat Hillari Klintona qalib gələn Tramp, ABŞ-da 60 il sonra sonra siyasi karyerası olmadan prezident kreslosunda oturan ilk başçı oldu. Həmcinin, Tramp əvvəlki ABŞ prezidentlərindən fərqli olaraq, orduda xidmət etməyib və dövlət vəzifəsində çalışmayıb.
ABŞ-ın yeni prezidenti “Forbes” jurnalı tərəfindən bu il açıqlanan "Dünyanın ən zəngin 400 insanı" siyahısında da yer alır. Onun 3,7 milyard dollar ətrafında sərvəti olduğu təxmin edilir. “Fortune” jurnalına görə, həmin məbləğ 3,9 milyard dollar, “Bloomberg”ə görə isə 3 milyard dollar təşkil edir. Lakin maraqlıdır ki, biznesmenin 2016-cı ilin mayında dərc etdirdiyi deklarasiya həmin məbləği müəyyən edə bilməyib. Belə ki, yalnız aşağı hədd olaraq Trampın varidatı 1,5 milyard dəyərində qiymətləndirilib.
Beləliklə, Trampın gəlirləri haradan gəlir. “The New York Times” deklarasiya əsasında Trampın varidatını belə sıralayır:
-Biznesdən (otellər, qolf meydançaları, daşınmaz əmlakın icarəsi) –minimum 1,2 milyon;
-Adının istifadə olunması və müəllif hüquqlarına görə əldə olunan gəlir-minimum 10,2 milyon dollar;
-Sahibi olduğu “Kainat gözəli” brendindən istifadəyə görə-49 milyon dollar;
-Səhmlər-61 milyon;
-Üzümlüklər-6 milyon;
Təyyarələr-58 milyon;
Daşınmaz əmlak-minimum 1,337 milyard.
Onu da qeyd edək ki, seçki kampaniyası dövründə keçmiş vergiləri tez-tez müzakirə mövzusu olan Trampın, son 18 ildə vergiləri ödəmədiyi də iddia edilirdi.
TAHİR, SAMİRƏ
